أنا زعلان .... يعني ساعة ما أفكر في الستروين يسدوا نفسي .. :(

**wildeagle** · 17-05-2016 12:40 AM

حجزتها بعد معاينة و مقارنة ومتابعة لفترة طويلة ... و كمان بأوفر برايس بالسعر الجديد كمان مع إن الستروين لو إتباع بسعره يبقى ممتاز .... لازم يعملوا عروض لأن سوقها مش قد كده مع إنها تحفة و تعتبر سيارة الأغنياء في فرنسا .... الجميلة C5 ..... , كلمتهم بعد يومين و رحت أستلمها لكن للأسف رجعت أجر أذيال الخيبة .... العربية لقيتها عاملة حوالي 45 كيلو قولنا ماشي .... لقيتها مخربشة تحت الأكصدام الأمامي قالولي ده لما العربية بتنزل من على الرامب بتاع الونش ساعات بتحك في الأرض .... مش مقتنع بس ماشي لأنها مش باينة .... بوسة خفيفة على الرف اليمين و بيقولوا مفيش شكيت في نفسي رحت كشفت نظر .... لكن ألاقي العربية مليانة قمح .... أه و الله قمح بتاع البليلة على الكنبة و الكراسي الأمامية و الأرضية .... لحد هنا و كفاية ورفضت أستلم العربية ... انا عارف إني محبكها شوية لكن ضيعوا عليا فرحة العربية الجديدة بريحتها و البلاستيك بتاعها ..... هل أنا غلطان إني مستلمتهاش و لا كده انا صح ؟؟

**Mohamed.Muslim** · 17-05-2016 02:35 AM

انت صح طبعا .. ربنا يعوضك باللي
احسن منها ان شاء الله . و يمكن كان فيها مشكلة و ربنا بعدها عنك ...

**رامي مصطفى** · 17-05-2016 10:30 AM

وكان ايه ردهم على البليله دي

**mr_green** · 17-05-2016 11:44 AM

إوعى تستلمها و الحمد لله على كده

**mif** · 17-05-2016 12:06 PM

المعارض بقت مافيا بجد

**man1974** · 17-05-2016 12:33 PM

أنا كنت حاجز زيك نسيان صني 2013 من التوكيل ولم جيت أستلم لقيت العربية متخربشة ورفضت أسلتمها بعد انتظار شهر ونصف، وغيرت واشتريت ماركة تانية، بس ما كنشي فيه قمح بصراحة،
فعلا، توكيلات نص كم

**Mohamed Desoky** · 17-05-2016 03:35 PM

برغم ان السيتروين عربيه قويه افضل من البيجو لكن انك تستلم عربيه وفى قلبك شك بلاش منها واللى انتى عملته صح جدا انتى هتتدفع مبلغ كبير من حقك تستلم عداد زيرو بلاكياس وريحت الزيرو دى اهم حاجه عربيه مفيهاش خربوش عربيه تاخد فرحه من القلب وابتسامه من اسرتك وانتى صح وربنا يوفقك

**fepsceasar** · 17-05-2016 04:20 PM

ده توكيل ولا معرض ايه؟؟
طبعا ماتستلمش لو مش مستريح ده لا يعيب العربية، يعيب المكان اللى مش بيحترم العملا
انا نفسي افهم الناس دى بتفكر ازى

**wildeagle** · 18-05-2016 01:25 AM

السلام عليكم ورحمة الله و بركاته .... شكرا لكم جميعا على رودودكم المشجعة و ربنا يبارك فيكم .... إنهارده أتصلوا بيا أروح أشوف العربية بعد ما وضبوها ... و كمان في عربية تاني لونها فضي بس كانت متباعة ... المهم علشان ما أطولش عليكم ... العربية السودا نضفت و اتنفضت من جوه و بقى شكلها جميل جدا بس طبعا العيوب اللي سبق و قلتها لازالت موجودة ... الخربوش اللي في الأكصدام من تحت ، و نغزة الرفرف اليمين أمامي و عداد الكيلومترات 45 كيلو ... و قالي اللي كان واخد الفضي شاف السودا غير رأية و طلبها و الفضي عاملة 11 كيلو فقط و مش فيها أي حاجة غير برضة خربوش ضغير في الأكصدام الأمامي نفس مكان السودا بص أصغر منها كتير و لكن علشان اللون سيلفر فهي باينة شوية ... إيه رأيكم أخد السيلفر و أتكل على الله و لا أغير العربية و الوكيل من أساسه ..... :(...

**Colin Chapman** · 18-05-2016 01:33 AM

المشاركة الأصلية كتبت بواسطة wildeagle

السلام عليكم ورحمة الله و بركاته .... شكرا لكم جميعا على رودودكم المشجعة و ربنا يبارك فيكم .... إنهارده أتصلوا بيا أروح أشوف العربية بعد ما وضبوها ... و كمان في عربية تاني لونها فضي بس كانت متباعة ... المهم علشان ما أطولش عليكم ... العربية السودا نضفت و اتنفضت من جوه و بقى شكلها جميل جدا بس طبعا العيوب اللي سبق و قلتها لازالت موجودة ... الخربوش اللي في الأكصدام من تحت ، و نغزة الرفرف اليمين أمامي و عداد الكيلومترات 45 كيلو ... و قالي اللي كان واخد الفضي شاف السودا غير رأية و طلبها و الفضي عاملة 11 كيلو فقط و مش فيها أي حاجة غير برضة خربوش ضغير في الأكصدام الأمامي نفس مكان السودا بص أصغر منها كتير و لكن علشان اللون سيلفر فهي باينة شوية ... إيه رأيكم أخد السيلفر و أتكل على الله و لا أغير العربية و الوكيل من أساسه ..... :(...

خد السيلفر و أتكل على الله