معايا عربيتين لادا 2107 ابيع اى واحده

**mohsal** · 23-05-2016 10:29 AM

العربيه الاولى هى عربيتى روسى 2009 عداد 41000 انجكشن - لسه مغير طقم دبرياج كامل وعمرة عفشة بيض ومناول ومساعدين خلفى وحاجات تانيه - فرش جلد للكراسى صالون بحاله الزيرو - تحتاج 4 فرد كاوتش لان الكاوتش هو الروسى الاصلى الفابريكة - رخصة وفحص حتى شهر 10 سنه 2017 الرخصة باسمى مرور ابيس بالاسكندرية -باور راكب فى التوكيل - كنت عملت سمكرة كامله للعربيه وتحتاج لدهان العربيه بالكامل من الخارج لاول مرة لايوجد بارومة- تم تعديل تبريد المروحة على سير الدينامو.

اتعرضت عليا واحدة تانيه واشترتيها الحمد لله بس محتار اى عربيه افضل من حيث الخسارة الاقل

العربيه التانيه روسى انجكشن موديل 2008 عداد 10000 كم فقط رشة جانبين العربيه زيرو بمعنى الكلمة -صالون الفابريكة زيرو والكراسى بدون اى تقطيع او اتساخ - متفكش مسمار من العربيه - نظام التبريد مروحة كهرباء بثرموستات الكوعه الفابريكة- عفشة الفابريكة -رخصة حتى شهر 1 سنه 2017 مرور القاهرة- الكاوتش الاصلى الفابريكة الروسى والاستبن لم يلمس الارض.

العربيه التانيه 2008 محتاجه سروجى كامل للكراسى والارضية للحفاظ على صالون الفابريكة - التسجيل فى الشهر العقارى وتجديد الرخصة ونقل الملف للاسكندرية حوالى 3000 الى 3500 جنية وممكن اجدد الرخصة بدون نقل الملف لتقليل النفقات- لو حبيت اركب باور يتكلف 4000 جنية فى التوكيل - الدركسيون على وضعه الفابريكة ومش تقيل-الكاوتش يمشى بدون اى مشاكل ممكن 15 او 20 الف كمان طبقا لتجربتى فى عربيتى الاولى. يعنى بعد سنة باذن الله

نرجع لعربيتى ال 2009 محتاجه زجاج امامى 200 جنيه ورش العربيه بالكامل من الخارج وده امر محير لان لو الشغل تجارى تتكلف 1500 تقريبا انما لو بويه ايطالى وشغل نظيف ممكن فى حدود 3000 جنيه فبفكر لو ابيعها على وضعها واللى يشترى يعملها زى مايحب. بس فيه ناس مش فاهمه وبتشترى على المنظر الخارجى وممكن اصبر على بيعها لو حبيع كده.
فرق الرخصه بين العربيتين 9 شهور لصالح ال 2009

الصراحه انا دماغى سااااااااااااحت

العربيه الاولى2009 حالتها كويسه 3000 جنيه وتبقى اتشدت
العربيه التانيه اعتبر راكبها زيرو بس محتاجه المصاريف اللى انا ذكرتها . واتحمل الخسارة المادية فى مقابل ركوب التانيه.

الرجاااااااااء مساااااااعدتى فى التفكييير

**Mohamed Desoky** · 23-05-2016 02:56 PM

بيع الاتنين افضل وهات عربيه حديثه وتريح نفسك من مشاكل الادا خالص لان الروس نفسهم بيركبه عربيات حديثه باور وتكييف سخن وبارد وشكل اكيد اجمل من الادا عربيه شكلها صعب من 30 سنه تقبل مرورى وشكرا لحضرتك

**mohsal** · 23-05-2016 03:11 PM

اشكر لك الرد امكانياتى تحكمنى بعربيه لادا - الرجاء افادتى فى عربيه من الاتنين وعدم التطرق نهائي لبيع العربيتين وشراء سياره كورى او اى اراء وحلول اخرى اى عربيه من الاتنين افضل واشكر مرة اخرى مرورك

**Mohamed Desoky** · 23-05-2016 03:24 PM

المشاركة الأصلية كتبت بواسطة mohsal

اشكر لك الرد امكانياتى تحكمنى بعربيه لادا - الرجاء افادتى فى عربيه من الاتنين وعدم التطرق نهائي لبيع العربيتين وشراء سياره كورى او اى اراء وحلول اخرى اى عربيه من الاتنين افضل واشكر مرة اخرى مرورك

يبقى خلى الروسى لانها افضل من المصرى انا كان عندى لادا من 11 سنه وروسى وكنت بعمل كل حاجه فيها بنفسى لانى ميكانيكى من صغرى استحمل وخلى الروسى على الاقل هتجيب فلوس وليها سوق احسن من المصرى وربنا يوفقك

**mohsal** · 23-05-2016 03:27 PM

صديقى اشكر لك ردك السريع العربيتين روسى وشكرا

**Ramy_2R** · 23-05-2016 05:26 PM

هو نقل الملكيه ال هو الفرق بين العربيتي حيكون حدود 1200 جنيه
انا لو مكانك اخليني في التانيه

**mohsal** · 25-05-2016 11:27 AM

ايه يجماعه مفيش ردود ونصائح تانية

**amr011111** · 25-05-2016 11:49 AM

خلى التانيه لو مش هتركب باور فيها.
وكده ولا كده العربيتين قريبين من بعض فى الموديل والحاله
لانك اللى هتصرفه عند السروجى على العربيه التانيه ولو ركبت باور فيها بـ 4000 جنيه هيساوى نفس المصارف اللى هترش بيها العربيه الاولى