الموضوع: السلام عليكم ارجوكم ساعدونى فى الموضوع ده قولولنا نعمل ايه فى المشكلة دى

للأسف البيع باطل لأن البائع مش ولي علي القاصر و التوكيل اللي معاك لا يعطيك حق في التصرف بالبيع و لا يمكنك رفع دعوي صحة توقيع
ربنا يعوض علي صاحبك

للأسف واضح أن جارك وقع في إيد نصاب محترف
1) التوكيل بالأدارة يعني ما فيش نقل للملكية و مش بعيد أن الراحل مش معاه توكيل من الورثة
2) طالما أن في وريث قاصر لازم موافقة المجلس الحسبي و إلا البيع باطل
3) ممكن جارك يرفع قضية علي الورثة و يطالب بالمصاريف اللي صرفها بحكم أن وكيل عنهم لكن إتمام البيع لازم يتم بموافقتهم و موافقة المجلس الحسبي بأعتبارها تخارج من قسمة مال شائع

للأسف الحل المقترح من الأخ Hugan حيعرضك لجريمة التزوير و لا أنصح به نهائيا !

لو الورثه ناس محترمين و عارفين ان الشخص ده نصاب .. احتمال انهم يحاولوا يحلوا مشكلتك و بعدين يتصرفوا معاه فيما بينهم ؟؟

للاسف انا موش عايز اكون متشائم .. حصلت معى نفس المشكله فى الثمانينات ( عربيه اوبل مانتا .. كانت هديه لاخى الاصغر بمناسبه دخوله الكليه ) .. هو راح اختار لنفسه و اشترى .. و بعدين بعد سنه فوجئت بنفس القصه بتاعتك ( موش فاكر كان توكيل اداره وام عقد بيع ابتدائى )

العربيه اترمت فى الجراج 10 او 12 سنه .. ناس عرضت تخليص اجراءاتها فى المرور .. و ناس عرضت تشتريها من بتوع قطع غيار المستعمل .. انا رفضت علشان موش بحب تصرفات ملتويه

بس فى الحقيقه لم احاول الاتصال بالورثه او اى شيئ .. بعد ما عرفت وضعها رميتها فى الجراج و بس .. موش باحب المشاكل و وجع القلب

استخير ربنا و شوف انت عايز تعمل ايه .. بس بلاش تصرفات تجيب لك مسائله قانونيه

انا عاجز عن الشكر وعلى المشاركات اللى فعلاً استفدت منها جزاكم الله كل خير

اللى أقدر أساعده فيه انه يعمل محضر ونمشى في الاجراءات القانونية واحنا عندنا عنوان أحد الورثة
ولكن هل ممكن نروح مباحث السيارات نبلغ هناك كمان ولا لأ مفيش فائدة من هذا الإجراء

اولا اعمل صحة التوقيع ده على العنوان اللى الراجل مشى منه ولما المحكمة حكمت بصحة البيع فاعرف بانه اكيد حكم المحكمة ملزم لادارة المرور ولو اى حد اعترض بيتعمله جنحة عدم تنفيذ حكم وماتجبش سيرة التوكيلات بالادارة خالص
بس اهم حاجة فى الموضوع ده المحام يذكر فى العريضة طالبا ادارة مرور الدراسة بتسجيل السيارة
ثانيا فى حالة ان الموضوع الاولانى فشل ساعتها اعمل محضر ضد النصاب ده بانه نصب عليك وعمللك توكيل على غير الحقيقية ووماطلة بس لازم يكون معاك محامى فى المحضر ده