ستيب واي ولا تيجو ولا برليانس v3 ولا لوجان هاي لاين وخلاص - أرجو المساعدة سريعاً

**m-sabry** · 29-05-2016 02:40 PM

عاوز عربية عالية SUV او Cross over وتكون قطع غيارها متوفرة متدوخنيش معاها وسعرها معقول.. وياريت لو مخسرش كتير وانا ببيعها.. بس انا غالباً مش هقدر ابيعها قبل 7 سنين مثلاً.. والله اعلم

انا عاجبني الشكل الخارجي لل ستيب واي جداً بس شوفتها في المعرض وجنبها اللوجان فلقيت شنطتها صغيرة وده مضايقني جداً والكنبة اللي ورا صغيرة (بالنسبة لل لوجان يعني).. بس المشكلة اني عاجبني شكلها الخارجي اكتر من اللوجان السيدان

بعد كده لقيت التيجو والبرليانس V3 في نفس الفئة السعرية وحجمهم أكبر بكتير (فخمين يعني) وفيهم كل الاوبشنز والتيجو فيها فتحة سقف كمان.. وانا دلوقتي محتار جداً أشتري صيني ولا لأ ؟! خصوصاً ان التيجو بقالها سنين في السوق وأثببت نفسها جداً (الناس اللي معاهم تيجو بيشكروا فيها بس اللي مش معاهم بيقولوا عليها مش كويسة !!! )

أما ال V3 فهي لسه جديدة لكن على حد علمي بيقولوا ان البرليانس بصفة عامة هي أحسن المراكات الصيني في السوق...

فياترى أجيب صيني علشان أضخم وأفخم ولا أخليني في الرينو.. وياترى لو هجيب صيني يبقى أيهما أفضل برليانس V3 ولا شيري تيجو ؟؟؟!!!

انا صحيح مش عاوز أخسر كتير لما اجي ابيعها بس بقول لنفسي اني على ما آجي أبيعها (بعد 7 او 8 سنين مثلاً هتكون ان شاء الله العريبات الصيني خلاص أثببت نفسها في السوق وانتشرت والخسارة في بيعها هتقل).. مش كده برضو ؟؟

وانا بصفة عامة مش عاوز لوجان سيدان علشان مش عالية (مش SUV ولا Cross over يعني) وانا نفسي في عربية بالشكل ده.. لكن لو اللوجان السيدان أحسن بكتير والفرق يستاهل ممكن آجي على نفسي واشتريها وخلاص.. لكن حاسس اني مش هكون مبسوط لو جبت عربية شكلها مش عاجبني اوي.. هي مش وحشة انا عارف بس التانيين كلهم أفخم بصراحة (بالنسبة ليا يعني)..

ملحوظة: انا إستبعدت النيسان صني لأنها أولا سيدان وثانياً لأن شكلها الخارجي مش عاجبني خااااااااااالص بصراحة..

آسف على الإطالة.. وشكرا مقدماً لكل الإعضاء المحترمين

**Colin Chapman** · 29-05-2016 03:35 PM

اضغط على الرابط
http://www.nilemotors.net/Nile/486707-x25-2016-a.html

**Colin Chapman** · 29-05-2016 03:39 PM

اضغط على الرابط
http://www.nilemotors.net/Nile/48649...6-5-125-a.html

**m-sabry** · 29-05-2016 04:57 PM

شكرا على الرد.. بس انا بصراحة ناوي لو هشتري صيني أشتري عربية قدمت في السوق وسمعتها مسمعة.. علشان لما اجي ابيعها مخسرش كتير اوي.. اخسر شوية ماشي لكن كتير اوي لأ.. ومش عاوز أكون من اوائل اللي جربوها..
يعني مثلا التيجو بقالها سنين واتعرفت كويس.. والبرليانس بيقولوا ماركة محترمة جداً.. وده الانطباع السائد عند الناس وده يهمني جداً علشان لما اجي ابيعها مخسرش كتير اوي.. حتى لو كانت السينوفا او الجاك حلوين.. المهم سمعتهم في السوق.. وده لسه مش ظاهر اوي للناس..
وأخيراً تحياتي لك وشكرا على الرد..

**رامي مصطفى** · 29-05-2016 05:36 PM

ربنا يوفقك
البريليانس v3 شكلها فوق الخيال بس ماحدش يعرف ايه ظروفها ولا حد اشتراها وعملها تقرير فياريت لو حد عنده معلومات عنها يفيدنا

**Mohamed Desoky** · 29-05-2016 05:56 PM

اركب التيجو فى اى معرض لغبور وهتعرف انك هتشترى التيجو لاسباب كتبر 1 عربيه مسمعه فى السوق ومش بتخصر كتير عادى زى الكورى 2 عربيه وراها وكيل قوى اسمه غبور فى حد فى مصر اقوى من غبور فى سوق السيارات وقطع غيار التيجو متوفره داخل التوكيل وفى السوق واسعارها عاديه زى الكورى واقل كمان 3التيجو والانفى حاصلين على موافقة الاتحاد الاوربى للبيع والتداول داخل الاتحاد واكيد امريكا لانها تعتمد على مواصفات الاتحاد الاوربى للجوده وشركة شيرى الوحيده الحاصله على هزا الترخيص ؟ ولكل الاسباب دى فكر فى التيجو لانى بحلم بيها تكون عربيتى من كتر متابعتى ليها شايف انها مناسبه للسوق المصرى وفيها كلى اللى بتمناه ربنا يوفقك فى الايام المباركه وكل عام وانتم بخير