الموضوع: ميكانيكي فيات اونو في الأسكندرية

لو سمحت يا استاذة فاطمة
هو الميكانيكى بتاعك طلع غالى فى السعر زى ماتوقعت فى تركيب الفرن وقواعد الماتور ولا لا

آه طبعاً زي ما حضرتك توقعت. وبعدين مواعيده مش كويسة خالص يقولي عشر دقائق هاكون عندك وهو في بورسعيد. انا عايزة ميكانيكي آمين تكون كلمته واحدة مواعيده تمام والله حضرتك انا تعبت

طب انا هقولك على طريقة كويسة تعرفى بيها ميكانيكى كويس
حضرتك تسالى على محلات قطع غيارالفيات اللى قريبة منك فى اسكندرية وهما اكيد هيدلوك واسئلى اكثر من محل
وومكن تراسلينا على موقع رابطة التمبرا الجزء السادس لو عنك عطل او طالبة اى قطع غيار استيراد من عزبة شلبى بالمطرية عشان نتبادل الاعطال والخبرات وكيفية اصلاحها والاسعافات الاولية لها لكى نتمكن من تشغيل العربية لحد ماتوصلنا البيت او الميكانيكى

أنا فعلاً فكرت في كدا انا بكرا بإذن الله نازلة شارع صلاح الدين في كل قطع الغيار. عشان برضه البوجيهات بتاعت العربية عايزة تتغير وقلت أسأل على ميكانيكي كويس هما أكيد عارفين
حاضر هادخل على الرابط واشوف شكراً لاهتمام حضرتك والرد
ولو حد يعرف ميكانيكي كويس يقولنا برضه
شكراً يا أصحابي

هاتىبوجيهات 3 شمعة هتساعدك فى دوران العربية واتاكدى الاول انى عربيتك انجكشن ولا كرابتير
لان البوجيهات هناك نوع للكرباتير ودى العادى منة25 الى 50
اما الانجكشن 3 شمعة هتلاقيه من100جنيه
وابقى طمنينا على النيجة بك لتفاصيلها عشان الكل يستفيد فى الموقع اللى قولتك عليه
عشان انا عاوز الرابطة القديمة للفيات التمبرا ترجع من تانى وبحاول المهم من تانى زى فيلم كف القمر
واوعى تنسى انك من رابطة الفيات

ماكنتش اعرف موضوع 3 شمعة دا!!!حاضر بس ممكن حضرتك تكتب الرابط هنا عشان أنا مش لاقيها.
حاضر هاقولكوا النتيجة
ادعولي عشان انا ببقى مكسوفة قوي في محلات قطع الغيار كلهم8 رجالة وأنا البنت الوحيدة

ماكنتش اعرف موضوع 3 شمعة دا!!!حاضر بس ممكن حضرتك تكتب الرابط هنا عشان أنا مش لاقيها.
حاضر هاقولكوا النتيجة
ادعولي عشان انا ببقى مكسوفة قوي في محلات قطع الغيار كلهم رجالة وأنا البنت الوحيدة

ادى الربط واسف عن التاخير لان بنام بدرى عشان شغلى فيه سفر
http://www.nilemotors.net/Nile/424335-a-18.html