سؤال فني للخبراء في التكييف

**أحمد عثمان** · 31-05-2016 07:23 PM

السيارة : شيفروليه لانوس 2011
المشكلة : كان فيه تسريب في دورة التكييف و بعد كل شحن التكييف يرجع يدفي تاني زي الفل, المهم بدون تطويل المشكلة طلعت في الإكسبانشن و غيرته و العربية تحت التجربة.
المهم إن لما باخد بالعربية مشوار طويل التكييف يكون زي الفل في الأول و بعدين قوة الهوا تقل و طبعاً التبريد, و لما سألت الصنايعي بتاع التكييف قالى إن المشكلة دي سببها إبرة في الكباس مسئولة عن فصل الكباس و تشغيله بعد فترة و إن الإبرة دي بتشتغل زي الثرموستات كده.
السؤال : الكلام ده صح و لا إشتغالات؟؟
هل ممكن تغيير الإبرة بدون فك الكباس؟؟
الفريون حيتسرب في حالة فك الإبرة و لا لأ؟؟
لو في صورة للإبرة دي و طريقة الفك يبقى كتر خيركم
أرجو المساعدة في حل هذه المشكلة عشان أنا خايف تتسبب في عطل الكباس تماماً
شكراً

**mbx4e** · 13-06-2016 06:00 AM

الابرة دي اسمها بلف الكونترول في الكباس
الفريون هايخرج لانه بيركب في الكباس
شغلها مالوش علاقه بالثيرموستات خالص
البلف او الصمام دا فايدته والكلام دا بيحصل جوا الكباس مابيتشافش بالعين المجرده
انه عند زياده الضغط (ضغط الفريون طبعا ) عن درجة ضغط معين في جزء غرفة الطرد داخل الكومبرسور بيفتح غرفة او جزء الضغط العالي (الطرد او السخن) على غرفة الضغط المنخفض (السحب او البارد) داخل الكباس من خلاله هو لانه بيكون عباره عن ماسورتين وجواه سوسته قويه جدا وليه فتحات لتغيار مسار الفريون جو الكباس (سواء بيفصل غرف الضغط عن بعضها فالكباس يشتغل او يفتحهم عل بعض فالكباس يفصل)٠٠٠ فالضغوط تتعادل فنتيجه لتعادل الضغوط تبطل عملية التبريد (ودا نظام حماية للكباس بسبب التغيير او عدم ثبات عدد لفات المحرك في الدقيقه او R P M )
لازم تحل الكباس عشان تقدر تغيره وتركب جديد بس وتغيير زيت الكباس بالمره وماتستخدمش غير زيت تخليقي من اخوان رزق وكباس اللانوس بياخد ml700: 740ml يعني كيلوالا ربع فريون و ٢٠٠ مل زيت للتقفيل المصري والكباس الكوري ٢٦٥ مل زيت ونفس كمية الفريون طبعا فريون ١٣٤ او R 134a

**أحمد عثمان** · 25-06-2016 03:01 PM

ألف شكر على الرد الوافي.
و الحقيقة أنا بعمل حاجة مش عارف إذا كانت صح و لا غلط و هي إني ببطل التكييف كل نصف ساعة 5 دقايق عشان أريح الكباس لأن الانوس مفيهاش ثرموستات.
ربنا يستر و ميكونش ده غلط على حاجة تانية.

**mbx4e** · 29-06-2016 01:42 PM

المشاركة الأصلية كتبت بواسطة أحمد عثمان

ألف شكر على الرد الوافي.
و الحقيقة أنا بعمل حاجة مش عارف إذا كانت صح و لا غلط و هي إني ببطل التكييف كل نصف ساعة 5 دقايق عشان أريح الكباس لأن الانوس مفيهاش ثرموستات.
ربنا يستر و ميكونش ده غلط على حاجة تانية.

خليها كل ساعة ١٠ دقايق
وانت كدا بتعمل حاجه عادية