الموضوع: فتيس بونتو 2000

السلام عليكم
انا كان عندى مشكلة فى فتيس عربيتى وعملت فيه شغل مرة من ييجى 6 شهور ورجع تانى باظ فجيبت واحد استيراد وتمام الحمدلله،
المشكلة اللى عندى دلوقتى انّى لما بمشى بالعربية كتير بلاقى الغيار الأول والثالث معجّن كدة معايا لما بجيبه، يعنى مثلا لو جبت 2 او 4 تحس بتكة التعشيقة، لكن ال1 و3 تحس انّك بتحرك العصاية فى طينة ! والكلام ده مبيحصلش والعربية باردة أو مركونة، بيحصل لما بمشى بيها كتير.

قلت يمكن زيت الفتيس وحش، روحت غيرته تماما بزيت توتال 90 وبردو مافيش تغيير.
الموضوع ده مش مأثر على سحب العربية ولا مثلا الغيار بيرد بعد ما بجيبه والدنيا تمام بس تحريكة عصاية الفتيس مش مريحانى ومش عارف اقنع الميكانيكى ان فيه حاجة .. فكرت فى الاتياش بس هى بتنقل كويس الحمدلله فمش عارف بقى.

لو حد عنده اقتراح ياريت يساعدنى وجزاكم الله خيرا