اوبترا ٢٠١٧ تقفيل مصري ولا لوجان هاي لاين؟ عاوز اوتوماتيك زيرو بأحسن اوبشنز

**m-sabry** · 15-06-2016 09:03 PM

نقاط تفوق الاوبترا:
فتحة سقف الكترونية
فتيس ستيب ترونيك ٦ سرعات
زجاج فاميه أمامي وخلفي
طارة بها زراير للتحكم بالراديو (كاتبين كده في الكتالوج ومعرفش هل ممكن برضو التحكم في الكاسيت برضو ولا الراديو بس.. بس غالبا ينفع)

نقاط تفوق اللوجان:
مثبت ومحدد سرعة
الكاسيت فيه بلوتوث (اما الاوبترا فالكاسيت بتاعها مفهوش بلوتوث )
طارة مالتي فنكشن

باقي الاوبشنر كلها واحدة..

عاوز عربية قطع غيارها متوفرة بسهولة وبسعر كويس (اكيد هفرح لو ارخص) وسعر إعادة بيعها كويس

ملحوظة هامة: الاوبترا الجديدة ٢٠١٧ بقت تتجمع في مصر مش في الصين وده مع بداية ٢٠١٦..

**abo_salah** · 15-06-2016 09:30 PM

حضرتك اولا مش هاتستعمل مثبت السرعه غير علي طريق سفر ..
يعني مالهوش لازمه جوه البلد نهائي لانك مش هاتلحق تستخدمه

متهيالي الاوبترا اوسع سواء صالون او شنطه
اللوجان صالون اضيق وشنطه اصغر

بالنسبه لموضوع الكاسيت حضرتك ممكن تفك اللي فيها وتركب لها اي كاسيت انت عايزه

بالنسبه للزجاج الفاميه ...
اللي مسموح بيه في المرور خلفي فقط ..
حتي لو مكتوب في ورق العربيه خلفي وامامي في المرور مش هايعملوها امامي وخلفي
الا لو ليك واسطه طبعا وحد يقدر يخدمك فيها
بس لو حصل ووقفت في كمين رزل ممكن يسحب منك الرخص لان القانوني خلفي فقط

متهيالي كمان ان موتور الاوبترا اكبر وHorse Power اكبر من اللوجان .. ولا ايه ؟؟؟

**m-sabry** · 15-06-2016 11:45 PM

المشاركة الأصلية كتبت بواسطة abo_salah

حضرتك اولا مش هاتستعمل مثبت السرعه غير علي طريق سفر ..
يعني مالهوش لازمه جوه البلد نهائي لانك مش هاتلحق تستخدمه

متهيالي الاوبترا اوسع سواء صالون او شنطه
اللوجان صالون اضيق وشنطه اصغر

بالنسبه لموضوع الكاسيت حضرتك ممكن تفك اللي فيها وتركب لها اي كاسيت انت عايزه

بالنسبه للزجاج الفاميه ...
اللي مسموح بيه في المرور خلفي فقط ..
حتي لو مكتوب في ورق العربيه خلفي وامامي في المرور مش هايعملوها امامي وخلفي
الا لو ليك واسطه طبعا وحد يقدر يخدمك فيها
بس لو حصل ووقفت في كمين رزل ممكن يسحب منك الرخص لان القانوني خلفي فقط

متهيالي كمان ان موتور الاوبترا اكبر وHorse Power اكبر من اللوجان .. ولا ايه ؟؟؟

شكرا على الرد..
حضرتك متأكد من موضوع الزجاج الفاميه ده؟؟؟!!!! يعني
و زجاجها الفابريقة فاميه فده مش قانوني؟ يعني في كل كمين من حقهم قانونا يدفعوني غرامة؟؟؟ طب انا ذنبي ايه كمالك سيارة وهي جاية كده فابريقة؟؟؟
ارجو حضرتك تأكدلي المعلومة وياريت لو حد من السادة اﻻعضاء عنده فكرة عن الموضوع ده يفيدنا بمعوماته.. وشكرا

اما بالنسبة لمثبت السرعة هو مريح اوي في السفر بس فعﻻ استعماله نادر
بالنسبة للشنطة... شنطة اللوجان الجديدة كبيرة فعﻻ 510 لتر في حين ان شنطة اﻻوبترا اقل بسيط من 500 يمكن 470.. فرق مش كبير يعني

بالنسبة للكاسيت حضرتك معاك حق ممكن اغير بتاع اﻻوبترا بس اعتقد ان الجديد مش هينفع اتحكم فيه من الطارة المالتي فنكشن زي اللوجان والله اعلم.. ياريت حد يقولنا لو عنده فكره

بالنسبة للموتور اﻻتنين 110 حصان ب16 صباب بس اﻻوبترا 1500 واللوجان 1600 cc

**abo_salah** · 16-06-2016 12:43 AM

والله انا باتكلم علي موضوع الازاز من واقع تجربه شوفتها بنفسي في مرور رابعه مدينه نصر
المهندس في المرور رفض يرخص عربيه زجاج فاميه كامل
ورفض وختم الورق فاميه خلفي وجانبي خلفي فقط
لان ده القانوني
قال بالحرف ماليش دعوه باللي مكتوب في الورق .. انا ليا القانوني خلفي جانبي فقط
امامي مش قانوني غير لعربيات القوات المسلحه والشرطه فقط

وطلعت الرخصه خلفي وجانبي خلفي فعلا
ووحاجه حصلت معايا انا نفسي
ان العربيه عندي مثبوت علي الرخصه فاميه خلفي .. وانا كنت مركب عليه ورق غامق اكتر
بصراحه عديت علي كماين كتير ماحدش كان بيتكلم بحجه انه مثبوت علي الرخصه
لكن جيت في كمين رخم رمضان اللي فات علي الصحراوي قبل الفطار بساعه
وقفني
وماسابنيش غير اما سحب الرخصه
واخددتها بعد شهر من المرور
ودفعت غرامه 300 جنيه
وبرضه ماسلمونيش الرخصه غير اما شيلت الفاميه اللي مركبه وعملوا فحص للعربيه
حضرتك ممكن تسال في المرور اللي ناوي ترخص فيها
لو في ترخيص فاميه امامي ولا لا وتتاكد بنفسك

**S O P H O S** · 16-06-2016 03:42 PM

حضرتك ليه خرجت الصني من تفكيرك

**m-sabry** · 16-06-2016 06:17 PM

المشاركة الأصلية كتبت بواسطة abo_salah

والله انا باتكلم علي موضوع الازاز من واقع تجربه شوفتها بنفسي في مرور رابعه مدينه نصر
المهندس في المرور رفض يرخص عربيه زجاج فاميه كامل
ورفض وختم الورق فاميه خلفي وجانبي خلفي فقط
لان ده القانوني
قال بالحرف ماليش دعوه باللي مكتوب في الورق .. انا ليا القانوني خلفي جانبي فقط
امامي مش قانوني غير لعربيات القوات المسلحه والشرطه فقط

وطلعت الرخصه خلفي وجانبي خلفي فعلا
ووحاجه حصلت معايا انا نفسي
ان العربيه عندي مثبوت علي الرخصه فاميه خلفي .. وانا كنت مركب عليه ورق غامق اكتر
بصراحه عديت علي كماين كتير ماحدش كان بيتكلم بحجه انه مثبوت علي الرخصه
لكن جيت في كمين رخم رمضان اللي فات علي الصحراوي قبل الفطار بساعه
وقفني
وماسابنيش غير اما سحب الرخصه
واخددتها بعد شهر من المرور
ودفعت غرامه 300 جنيه
وبرضه ماسلمونيش الرخصه غير اما شيلت الفاميه اللي مركبه وعملوا فحص للعربيه
حضرتك ممكن تسال في المرور اللي ناوي ترخص فيها
لو في ترخيص فاميه امامي ولا لا وتتاكد بنفسك

متشكر جدا لحضرتك على المعلومة..

**m-sabry** · 16-06-2016 07:52 PM

المشاركة الأصلية كتبت بواسطة s o p h o s

حضرتك ليه خرجت الصني من تفكيرك

عملت استخارة ومش مرتاح لها بصراحة.. ومع ذلك متضايق لاني عارف انها كويسة وفيها اوبشنز عالية اوي... سمارت كي ومرايات بتقفل كهرباء و تكييف للكنبة الخلفية وصالون وااااااسع جداً إلخ.. بس بعد الاستخارة مش مستريح لها مش عارف ليه.. بس انا بيني وبينك برضو من الاول مش عاجبني شكلها من ورا ( من ادام شكلها بقى احسن طبعاً من الاول بس لسه شكلها من ورا مش حلو اوي).. ده غير انها ضخمة شوية عليا.. أصل انا شكلي صغير وهحس اني عايم فيها هههههههه :)

ادعيلي ربنا يوفقني للي فيه الخير ان شاء الله.. انا لسه محتار بس معتمد على الله بسأل الناس والحمد لله بحاول اعمل كذا استخارة..

**abo_salah** · 16-06-2016 11:09 PM

ربنا يكرمك ان شاء الله
اتكل علي الله واحجز التيجو

**scientist9508** · 16-06-2016 11:27 PM

بسم الله الرحمن الرحيم

الزميل الفاضل طالب النصح الرشيد

لا أرى أن المقارنة صعبه. سأكتب عن نقاط تفوق اللوجان.

1 - مثبت السرعه

جهاز مثبت السرعه جهاز خطير جدآ و جودته تساوى حياتك. أوافق الزميل صاحب الرأى بأن إستخدامه قليل فى بلدنا عمومآ.
سأخبرك بشىء لم تسمعه من قبل. جهاز مثبت السرعه إذا حدث به أى عطل مهما كان تافه و بسيط ولو كان أن يعلق فإن الثمن يكون حياتك
أعلم يقينآ بأن الحوادث التى سببها مثبت السرعه غير مسموعه فى مصر و أعتقد (إستنتاج خاص من عندى) لقلة عددها و لكنها موجوده . . .لذلك أنصحك بأن تكون فى البر الآمن و تبتعد عن مثبت السرعه

2 - بلوتوث الكاسيت

ميزه ممتعه . . و لكن مع التجربه غيرمجديه . . كل أصدقائى الذين يمتلكون هذه الرفاهيه فى سياراتهم و يستخدمونها فى الرد على المكالمات أو إجراء مكالمات تنتهى بإنهاء إستخدام الرفاهيه قبل إنهاء المكالمه نفسها و إستخدام الهاتف المحمول نفسه لإكمال المكالمه و ذلك لأن جودة الصوت بإستخدام هذه الرفاهيه تكون رديئه . . لذلك لا تعول عليها كثيرآ

بعيدآ عن مقارنات الرفاهيات . . أنصحك بالإبتعاد عن اللوجان . . سياره فاشله مهما كثرت إمكانياتها

لفترة من الوقت كرهت النيسان صنى من كثرة شكاوى ملاكها منها و أيضآ بسبب تاريخ الوكيل المخزى و لكن ملاكها يؤكدون أن كل عيوب الموديل السابق قد تم تلافيها فى النسخه الجديده المعدله . . لذلك ضعها فى الإعتبار

و إليك مقولة صدق من قؤول فصيح . . وكيل الصنى (مودرن موتورز) و وكيل الأوبترا(منصور) يتنافسان فى الفشل و إستفزاز العميل . . . أعانك الله أن تتحمل

هداك الله لأرشد أمرك و أقومه

السلام عليكم و رحمة الله و بركاته