سيارة فى حدود 80000جنيه

**مصطفى صلاح** · 16-06-2016 06:59 PM

انا مشترك جديد وبسال ايه افضل سيارة ب 80000جنيه حاليا

**Mohamed Desoky** · 16-06-2016 10:34 PM

المشاركة الأصلية كتبت بواسطة مصطفى صلاح

انا مشترك جديد وبسال ايه افضل سيارة ب 80000جنيه حاليا

السلام عليكم ورحمة الله وبركاته استاز صلاح حرام تدفع 80 الف ج فى عربيه مستعمله مهما كانت حالتها لان المبلغ ده قريب جدا من الزيرو اوعى تجيب مستعمل كمل واركب زيرو حتى لو صينى ؟

**m-sabry** · 17-06-2016 05:40 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته استاز صلاح حرام تدفع 80 الف ج فى عربيه مستعمله مهما كانت حالتها لان المبلغ ده قريب جدا من الزيرو اوعى تجيب مستعمل كمل واركب زيرو حتى لو صينى ؟

اتفق مع الرأي ده تماما.. بس لو مش هتقدر تزود يبقى ممكن تجيب فيرنا موديل حديث.. قطع غيار رخيصة جدا واي حد بيفهم فيها..
ابعد عن الﻻنوس واﻻفيو طبعا.. متفكرش فيهم

**m-sabry** · 17-06-2016 05:47 PM

الفيرنا معايا بقالها سنين ومريحاني جدا.. بس خلي بالك انها جراية.. يعني بﻻش تتهور وانت سايقها.. بس ميزتها انها بتطير.. يعني لما اﻻشارة تفتح هتﻻقي نفسك اول واحد طاير ومحدش هيسبقك.. حتى افخم عربية..
يعني اعرف ميزتها واستغلها بس خلي بالك وبﻻش تتهور...
بلدنا طبعا زحمة وطول ما انت ماشي بتﻻقي نفسك تقف وتمشي تقف وتمشي.. مع الفيرنا هتستريح جدا.. هتﻻقي نفسك بتعدي في وسط الزحمة بسهولة ﻻن كل العربيات اللي حواليك بما فيها افخم عربية على ما تبدأ تتحرك هتكون انت خدت خطوتين زيادة.. وبعدين كلكوا تقفوا تاني.. ولما تيجوا تتحركوا هتﻻقي نفسك سبقتهم تاني خطوتين وهكذا !!!!
لو ركزت على كل العربيات اللي حواليك هتﻻقي نفسك اكتر عربية بتفوت في الزحمة بسبب قوة تسارعها.. تحس ان موتورها حصان جامح وانت ماسك اللجام وموقفه واول ما تسيب يطلع يجري !!!

**m-sabry** · 17-06-2016 05:51 PM

طبعا موفرة في البنزين وقطع غيار ببﻻش وسعر إعادة البيع عالي..ماشاء الله ﻻ قوة اﻻ بالله

**m-sabry** · 17-06-2016 05:53 PM

الزيرو طبعا افضل لﻻمانة.. بس اﻻسعار ولعت وصعب تﻻقي بالسعر ده..
ربنا يوفقك لما فيه الخير

**S O P H O S** · 18-06-2016 04:25 PM

لو زيرو اعتقد مش هيجيبوا حاليا حاجة قوية فرأي

**Mohamed Desoky** · 18-06-2016 04:52 PM

المشاركة الأصلية كتبت بواسطة m-sabry

الفيرنا معايا بقالها سنين ومريحاني جدا.. بس خلي بالك انها جراية.. يعني بﻻش تتهور وانت سايقها.. بس ميزتها انها بتطير.. يعني لما اﻻشارة تفتح هتﻻقي نفسك اول واحد طاير ومحدش هيسبقك.. حتى افخم عربية..
يعني اعرف ميزتها واستغلها بس خلي بالك وبﻻش تتهور...
بلدنا طبعا زحمة وطول ما انت ماشي بتﻻقي نفسك تقف وتمشي تقف وتمشي.. مع الفيرنا هتستريح جدا.. هتﻻقي نفسك بتعدي في وسط الزحمة بسهولة ﻻن كل العربيات اللي حواليك بما فيها افخم عربية على ما تبدأ تتحرك هتكون انت خدت خطوتين زيادة.. وبعدين كلكوا تقفوا تاني.. ولما تيجوا تتحركوا هتﻻقي نفسك سبقتهم تاني خطوتين وهكذا !!!!
لو ركزت على كل العربيات اللي حواليك هتﻻقي نفسك اكتر عربية بتفوت في الزحمة بسبب قوة تسارعها.. تحس ان موتورها حصان جامح وانت ماسك اللجام وموقفه واول ما تسيب يطلع يجري !!!

السلام عليكم ورحمة الله وبركاته زميلى لا تفرح بميزة الفيرنا انها جرايه دى مش ميزه اولا لان شوارع مصر مش حلبة سباق لا دى حجات كتير وموتور الفيرنا طبيعى يكون قوى لانه بيجر بودى وزنه 850 كيلو يعنى القوه دى لان وزن السياره خفيف جدا وكل وسائل الامان معدومه فى السياره وممكن تشوف فى شوارع مصر حوادث الفيرنا من اقل خبطه الدنيا بتخرب خالص علشان كده الفيرنا موجوده فى مصر والهند بس لان دمنا رخيص ؟مفيش داعى للفرحه وانا راكب عربيه بتجرى لكن لاقدر الله اقل خبطه هتوصل للركاب بسهوله علشان كده اقدر اقولك ان الانفى احسن من الفيرنا بشويه اولا وزن السياره 1300 كيلو للانفى والفيرنا 850 كيلو قوة المحرك واحده بودى الانفى مصفح جيدا وده اللى خلاها تفوقة فى اختبارات السلامه الاوربيه هيا والتيجو وعمرنا ماسمعنا ان الفيرنا دخلت بس من باب الاختبارت الاوربيه وهقولك ان معظم السيارات الصينيه البودى قوى جدا وبدئه دخول اوربا وامريكه سدقنى اوعى تفرح بلفيرنا لانها نعش متحرك وربنا هو الستار ؟

**dr_haitham79** · 20-06-2016 07:40 AM

انصح تخليهم مقدم زيرو وتقسط حسب دخلك وامكانياتك

لو مستعمل:
نيو اكسنت
ياريس
كروز
لوجان من حد مضمون

تجيب حاجة كويسة بحدود سبعين..وتظبط النواقص فيها وترخص بالباقى.