الموضوع: ايهما افضل ولماذا؟ تمبرا ام لانسر

تيمبرا افضل لإنتشارها وتوافر قطع غيارها وسرعة اعادة البيع مقارنة باللانسر
ربنا يوفقك

لاول اهلا و سهلا بيك ثانيا انت وقعت صح على رجالة التمبرا جميعا هنا على المنتدى لان كل اصحاب التمبرا على المنتدى مجموعة ممتازة و اخوة بالنسبة للسؤال انا ممكن اكتب لك صفحات متعددة عن التمبرا بس حا احاول ألخص لك قدر الامكان توكل على الله و انت مغمض بس اهم حاجة تقع على تمبرا كويسة مش متهانة حا تستريح جدا جدا و صعب تغيرها و نبدأ فى الموضوع بص التمبرا أفضل الموديلات بها أولا خليك فى ال 1600 سى سى مش ال 1400 لانها أضعف كموتور و فية منها من غير كماليات اما التمبرا ال 1600 كمالياتها كالاتى تكيف و بور و 2 زجاج كهرباء أمامى و و صالون واسع جدا انا طولى 180 سنتى مش بعرف أظبط المراية اليمين الا لما بتحرك شوية على الكرسى اليمين و الكنبة الخلفية جيدة و مساحة للأقدام كويسة يعنى ركبك مش حا تخبط فى الكرسى الامامى ابدا زى الشاهين و الدوجان صوت الموتور ناعم مش زى الريجاتا حتى أنعم السحب على السريع ممتاز عاوز تجيب أكتر من 170 كيلو مثلا مفيش مشكلة و ممكن اكتر السرعة القصوى 184 كيلو بالساعة العفشة نظامها قوى جدا جدا بس ناشفة شوية التكيف لو مظبوط جيد جدا بس مش زى تكيف اليابانى و الكورى بس بالاجمال جيد الشنطة بحر مساحتها حوالى 550 لتر يعنى كبيرة الثبات فوق الممتاز العربية وزنها 1580 كيلو ايوة 1580 كيلو جرام الرقم صحيح مش مكتوب بالخطأ الموديلات الاحسن الايطالى يعنى الايطالى كان لحد تفريبا 94 او 95 بعد كدة تجميع شركة النصر للسيارات و سعر الايطالى موديل 94 ممكن يكون أغلى من موديل 98 المصرى هية كدة لو قعدت اعدد المميزات كتير جدا العيوب بقى لازم تفهم العربية كويس جدا علشان ما تكونش متعبة معاك اسعار قطع الغيار أغلى من الشاهين و الدوجان بس الميزة ان صعب تلاقى لها قطع غيار صينى او قطع غيار مضروبة كلة تركى او ايطالى او المانى اسعار قطع الغيار بالنسبة لعربية بالامكانيات دى مش خسارة ابدا فيها و بتعيش و القطعة الى بتغيرها انساها حبتين الصنايعية مش بيحبو يشتغلو اوى فيها بتاخد وقت فى تغير قطع الغيار و خصوصا العفشة لان العفشة نظام متكامل مع بعضة يعنى علشان تغير حاجة حا يفك كذا حاجة من وجهت نظر الميكانيكى دة عيب بس دة من عوامل الامان الممتازة بالسيارة و يوجد نوعين من ال 1600 سى سى كاربراتير و أنجيكشن و ما اظنش انك حا تلاقى الانجيكشن الا لو ايطالى و استيراد يعنى كانت داخلة مصر على اساس انها مخصصة للمعاقين عافاهم الله و شفاهم و دى عربيلت نمرة واحد ممكن تلاقى العربية فابريكا جوة و برة بس موضوع العربيات المعاقين دى انتهت خلاص الا لو لقيت واحدة ما عليهاش حظر بيع مش عاوز أطول عليك و لو ليك استفسار اسالة

المشاركة الأصلية كتبت بواسطة ahmed.biso13

لاول اهلا و سهلا بيك ثانيا انت وقعت صح على رجالة التمبرا جميعا هنا على المنتدى لان كل اصحاب التمبرا على المنتدى مجموعة ممتازة و اخوة بالنسبة للسؤال انا ممكن اكتب لك صفحات متعددة عن التمبرا بس حا احاول ألخص لك قدر الامكان توكل على الله و انت مغمض بس اهم حاجة تقع على تمبرا كويسة مش متهانة حا تستريح جدا جدا و صعب تغيرها و نبدأ فى الموضوع بص التمبرا أفضل الموديلات بها أولا خليك فى ال 1600 سى سى مش ال 1400 لانها أضعف كموتور و فية منها من غير كماليات اما التمبرا ال 1600 كمالياتها كالاتى تكيف و بور و 2 زجاج كهرباء أمامى و و صالون واسع جدا انا طولى 180 سنتى مش بعرف أظبط المراية اليمين الا لما بتحرك شوية على الكرسى اليمين و الكنبة الخلفية جيدة و مساحة للأقدام كويسة يعنى ركبك مش حا تخبط فى الكرسى الامامى ابدا زى الشاهين و الدوجان صوت الموتور ناعم مش زى الريجاتا حتى أنعم السحب على السريع ممتاز عاوز تجيب أكتر من 170 كيلو مثلا مفيش مشكلة و ممكن اكتر السرعة القصوى 184 كيلو بالساعة العفشة نظامها قوى جدا جدا بس ناشفة شوية التكيف لو مظبوط جيد جدا بس مش زى تكيف اليابانى و الكورى بس بالاجمال جيد الشنطة بحر مساحتها حوالى 550 لتر يعنى كبيرة الثبات فوق الممتاز العربية وزنها 1580 كيلو ايوة 1580 كيلو جرام الرقم صحيح مش مكتوب بالخطأ الموديلات الاحسن الايطالى يعنى الايطالى كان لحد تفريبا 94 او 95 بعد كدة تجميع شركة النصر للسيارات و سعر الايطالى موديل 94 ممكن يكون أغلى من موديل 98 المصرى هية كدة لو قعدت اعدد المميزات كتير جدا العيوب بقى لازم تفهم العربية كويس جدا علشان ما تكونش متعبة معاك اسعار قطع الغيار أغلى من الشاهين و الدوجان بس الميزة ان صعب تلاقى لها قطع غيار صينى او قطع غيار مضروبة كلة تركى او ايطالى او المانى اسعار قطع الغيار بالنسبة لعربية بالامكانيات دى مش خسارة ابدا فيها و بتعيش و القطعة الى بتغيرها انساها حبتين الصنايعية مش بيحبو يشتغلو اوى فيها بتاخد وقت فى تغير قطع الغيار و خصوصا العفشة لان العفشة نظام متكامل مع بعضة يعنى علشان تغير حاجة حا يفك كذا حاجة من وجهت نظر الميكانيكى دة عيب بس دة من عوامل الامان الممتازة بالسيارة و يوجد نوعين من ال 1600 سى سى كاربراتير و أنجيكشن و ما اظنش انك حا تلاقى الانجيكشن الا لو ايطالى و استيراد يعنى كانت داخلة مصر على اساس انها مخصصة للمعاقين عافاهم الله و شفاهم و دى عربيلت نمرة واحد ممكن تلاقى العربية فابريكا جوة و برة بس موضوع العربيات المعاقين دى انتهت خلاص الا لو لقيت واحدة ما عليهاش حظر بيع مش عاوز أطول عليك و لو ليك استفسار اسالة

شكرا لحضرتك على هذه المشاركة المتميزة وشرف ليا انى اكون وسط هذه المجموعه الرائعة اخوك احمد من بورسعيد
العربية الى قدامى
تمبرا موديل ٩٠ منطقة حرة عامله ١١٤ الف كيلو لانها كانت مرفوعه ٧ سنين واول دهان ليها حاليا فى الدهان وفباريكه دول حتى اللباد موجود والتابلو ديجتال
هل ممكن اركب ليها تكييف ؟