الموضوع: ممكن حد يعرفني اية صوبع الميزان في العربية افيو

الأول لازم تعرف إيه لازمة الميزان وبعدين نقوللك إيه هما الصوابع...

الميزان (ساعات بيسموه استابليزر) هو عمود على شكل حرف U.. بيبقى ممسوك من النص في القنطرة وأطرافه كل واحد مربوط في عجلة...

مهمة الميزان هو تقليل ميل العربية في الملفات علشان ما تقلبش بسهولة... والعمود هنا بيبقى عامل زي سوستة بتمسك العجلتين في الشاسية.


صوابع الميزان هما الحتتين اللي لونهم أخضر في الصورة دي:



ودول يعتبروا مكملين للاستابليزر (الميزان) نفسه... لإنهم بيمسكوه في المقصات .. بالذات لو كان المكان مزنوق .. ده غير إنه بيسهل تصنيع الميزان نفسه.


لو الصوابع دي بايظة.. حتلاقي العربية بتعمل حركات ميل مفاجئ في الملفات القوية بالذات.


...