مشكلة : صوت تخبيط مع تشغيل التكييف عند الوقوف فقط

**ibrahim refai** · 29-06-2016 08:41 PM

سلام عليكم
معايا ماتركس 2006
وعندي مشكلة ان لما بشغل التكييف وانا واقف لسه متحركتش او ف الزحمة بسمع صوت تخبيط او كركره .. غالبا مصدرها من الناحيه الشمال اللي هي جهة السواق
والصوت ده سواء معشق الفتيس او من غير تعشيق
وبيزيد لو انا راجع بظهري ومدي r

يا ريت اللي حصلتله المشكله دي او يعرف حلها يفيدني

**ibrahim refai** · 29-06-2016 08:50 PM

للعلم
رحت لميكانيكي وبعد ما كشف قالي قاعده فتيس
وبالفعل غيرت قاعده الفتيس بس الصوت لسه موحود
القاعده القديمة كانت متهالكه وبالفعل بس واضح انها مكنتش المصدر
قواعد المتور ال3 قالي سليمة كلها بس عشان قديمة ف طريه وهابطه شويه بس سليمه

قريت ان ممكن الصوت يكون من مروحة التكييف او بلية التكييف
مستني رأي أهل الخبره ولو كده هتبقى عايزه واحد بتاع تكيفات مش ميكانيكي ولا ايه؟

**mbx4e** · 30-06-2016 12:22 AM

قصة الاصوات مابتقاش واضحة بس حضرتك انت ربطها بتشغيل التكييف ممكن تكون بلية الكباس بس هل الكباس موجود ناحية السواق؟
بتقول المروحه ؟اي اللي جاب المروحة للكباس هو في حته وهي في حته والمروحه ظاهره تقدر تبص عليها وتحدد لما تشتغل بتعمل صوت ولا لا مهزوزه مش راكبه صح قواعدها او شاسيها في كسر فلما يشتغل التكييف ومع ووضع الحركه من السكون بتتحرك زي صوت طرقعه مثلا شوف وافحص
الا لو لا قدر الله المشكلة من الكباس او السير بتاعه اكشف واعرف الصوت منين
عل فكره ممكن الصوت يبقى من اي جزء فبر او معدن ومع حمل تشغيل الكباس (اللي غالبا مكانه يمين يعني مكان الراكب جنب السواق) بيبقى في عدم توازن بين اليمين والشمال مع تحميل الكباس وممكن يبقى الجزء الفبر الحمايه من تحت بيتهز مع الكباس اللي تحت الموتور وممكن الكرتيره وممكن حاجه مفكوكه في حوض الموتور تتهز مع تشغيل الكباس كل دا وارد اكشف صح واعرف السبب ومصدر الصوت ولو الكباس او التكييف سبب مباشر وقتها نقدر نساعد وتحت امرك لكن على وصفك اعتقد ان مش سبب مباشر حتى لو كان ليه صله او الصوت بيظهر مع التشغيل بسبب حمل الكباس على الموتور

**mbx4e** · 30-06-2016 12:23 AM

ياريت صوره للموتور او فيديو

**tameem2010** · 30-06-2016 01:04 AM

الجزء الشمال اللى عند السواق في الماتريكس مفيهوش غير الفتيس ومجموعة الكوبلن الداخلي
مجموعة التكييف والسيور والبلي والطنابير بتاع نقل الحركة كلها في اليمين
الاقرب هو فعلا قاعدة فتيس نتيجة تحميل التكييف وتعشيق الكلتش بتاع الكمبروسور في الطنبورة بتاع التكييف انه يعمل هزة او طقة لو القاعدة مش سليمة

ممكن الصوت يكون من مروحة التبريد الراديتير انها خشنة
بس ده هيخلي سرعة المروحة مش تمام وده هيؤدي ان الحرارة ترفع على السرعات البطيئة او الزحمة مع لتكييف

**ibrahim refai** · 30-06-2016 04:28 AM

ألف شكر يا رجالة على الرد وربنا يجازيكم خير
https://youtu.be/AlrEpV4Pwjw
ده فيديو سجلته وانا برجع لورا بالعربيه والصوت كان واضح جدا

عايز ااكد على كام نقطه بس
الصوت مبيطلعش غير اذا كان التكييف شغال
مبيطلعش غير والعربيه واقفه او لما تقف ف زحمة ولما العربيه بتاخد الR وبتبقى راجعه لورا وبيبقى واضح جدا
ممكن الصوت يروح شويه بس بيرجع تاني
قاعده الفتيس اتغيرت والصوت لسه موجود

انا معرفش ايه السبب لحد دلوقتي ولا ايه الحل!
والميكانيكي مش عارفلها حل!