رجة بعد تغيير الصلايب

**AhmedAlex88** · 30-06-2016 10:08 PM

السلام عليكم،

معايا عربية لادا ٢١٠٥، كنت بسمع صوت الصلايب باستمرار، روحت اشتريت جديد وروحت للميكانيكي حل عمود الكردان، وغير الصلايب وركبه، طلعت بالعربية اجرب حسيت برجة خصوصاً على الـ ٣٠ والـ ٤٠ بتختفي بعدها،
مع العلم ان مش كان فيه اي رجة تماما قبل تغيير الصلايب حتى على اخر سرعة بوصلها.
رجعت للميكانيكي، قالي المثلث فيه رفة، ووصلة الكردان الامامية فيها رفة،
روحت للخراط جرب الكردان الوصلتين على الجهاز عنده، وقالي سليم ١٠٠٪ الحمد لله،
اشتريت مثلث جديد وركبته، وركب الكردان تاني،
طلعت اجرب ومشيت بيها طريق اجرب على كل السرعات،
للاسف مش قادر احدد، لكن حاسس ان لسة فيه رجة بسيطة مش كانت موجودة الاول،
هي مش رجة جامدة زي اول مرة لما غيرت الصلايب،
لكن حاسس كأني حاسس بحركة عمود الكردان، كأن فيه رجة بسيطة مخلياني حاسس بحركته.

انا مش عارف، حد قابل مشكلة زي ديه ؟
بانتظاركم.

**فتح الباب** · 30-06-2016 11:05 PM

لن يتبقى لك سوى اجراء واحد وهو ترصيص الكردان .... فقط اسأل عن ترصيص الكردان وهتتعب شويه لغاية ماتوصل لهذا الصنايعى لان مش موجودين كتير ..... وهتسمع كلام كتير وفتى زى مثلا هو فى ترصيص كردان وكتير ما تاخدش فى بالك ومتسمعش لحد . خد هدف ثابت..... معرفش عنوان حد بالتحديد لكن غالبا موجودين فى القاهره

**م/أحمد عبد الفتاح** · 01-07-2016 12:00 AM

اكشف على قواعد الفتيس والموتور

**Colin Chapman** · 01-07-2016 02:51 AM

المشاركة الأصلية كتبت بواسطة فتح الباب

لن يتبقى لك سوى اجراء واحد وهو ترصيص الكردان .... فقط اسأل عن ترصيص الكردان وهتتعب شويه لغاية ماتوصل لهذا الصنايعى لان مش موجودين كتير ..... وهتسمع كلام كتير وفتى زى مثلا هو فى ترصيص كردان وكتير ما تاخدش فى بالك ومتسمعش لحد . خد هدف ثابت..... معرفش عنوان حد بالتحديد لكن غالبا موجودين فى القاهره

وكمان فى صلايب كتير جديدة رديئة فى السوق بعد التركيب بتعمل كده !!!!

**AhmedAlex88** · 01-07-2016 03:46 AM

المشاركة الأصلية كتبت بواسطة م/أحمد عبد الفتاح

اكشف على قواعد الفتيس والموتور

شكرا للرد،
لكن مش كان فيه اي مشكلة قبل تغيير الصلايب، فهل ممكن تكون المشكلة في قواعد الموتور او الفتيس ؟

**AhmedAlex88** · 01-07-2016 03:49 AM

المشاركة الأصلية كتبت بواسطة colin chapman

وكمان فى صلايب كتير جديدة رديئة فى السوق بعد التركيب بتعمل كده !!!!

شكرا للرد،
انا جيبت احسن نوع لقيته كان ياباني عامل حدود ٩٠ جنيه تقريبا، مش عارف !

**borio1704** · 02-07-2016 06:57 PM

بحكم عهملي في تجميع الكرادين في بداية عملي.. فالمشكلة مشكلة ترصيص بدون شك.

اللي بيحصل في الغالب إن الصنايعي بيدق على عمود الكردان بالشاكوش علشان يفور الصلايب... وده أكبر غباء بيعمله أي ميكانيكي...

أي جزء بيلف ما ينفعش يدق عليه نهائيا..

الأجزاء دي حساسة جدا.. وأي اعوجاج فيها بيسبب عدم اتزان وبالتالي بتحتاج ترصيص من أول وجديد.. وغالبا ما بيتعالجش إلا بإعادة ضبط الأجزاء المعووجة دي مرة تانية.

...

-

الموضوع: رجة بعد تغيير الصلايب

LinkBack

أدوات الموضوع

عرض

-

-

-

المواضيع المتشابهه

اعمل عمرة أم تغيير شورت بلوك أم تغيير موتور فيكترا 94

تغيير وش سلندر للمرة الثالثة ولا تغيير شورت بلوك

الموضوع ايه الأفضل للموتور تغيير جوان وش السلند ولا تغيير طقم شنبر

الصلايب باظت

الصلايب

الكلمات الدلالية لهذا الموضوع

المفضلات

المفضلات

ضوابط المشاركة