عملت السيرفس كامل والمشكلة متحلتش لانوس 2

**mohammed dodda** · 05-07-2016 09:26 PM

المشاركة الأصلية كتبت بواسطة alizahran5

يا فندم شيكت على الشكمان ولا لا ارجو الاهتمام
لفحص الشمان حاول تفك شويه من عند القزوز واطلع جرب لو المشكله مستمرة يبقى لازم فحص

جارى التنفيذ وربنا يستر

**mbx4e** · 08-07-2016 07:51 PM

مشكلة حساسات

**bluemail** · 08-07-2016 10:15 PM

حساس شكمان
انت حطيتها علي الجهاز وفعلا ظهر ايرور
مركز سبيد سيرفس في جسر السويس الناس بتشكر فيه جدا واسعاره حلوه

**mohammed dodda** · 18-07-2016 09:23 AM

دلوقتى يا جماعة انا محتار وقرفت من العربية; بعد العيد رحت لبتاع شكمانات قالى الشكمان تمام ومفيش علبة بيئة ....عملت سكان للعربية عند واحد تانى مهندس فى مركز صيانة عندنا فى السويس قالى حساس الماب قراءاته عالية وفيه مشكلة....راح معايا عند واحد بتاع استيراد وجربنا اتنين حساس ماب عالطريق والبرجلة والدخنة السودا مراحتش برضه...قالى انتا نضفت الرشاشات بايه قولتله باسبراى انجكشن..قالى بكره هاتلى العربية هاحط الرشاشات عالالتراسونيك وهاقيس فيش الرشاشات بحاجة اسمها كيت تقريبا مش فاكر.....دلوقتى انا هلخص مشكلة العربية وحضراتكم تفيدونى بقى ; العربية بتبرجل عالسلانسيه وبتقطع وساعات بتبطل منى وصوت الماتور مش سلس و طبيعى يعنى عالى ومتقطع كإنه مخنوق ودخنة سودا متقطعة يعنى بتروح وتيجى مش مستمرة واستهلاك بنزين عالى جدا يعنى اللتر بيعمل 4.2 كيلو متوسط جوا وبرا البلد ولمبة التشيك مبتنورش الا بعد ال 80-100 كم وجهاز الاعطال بيقرأ حساس شكمان وهيه ماشية وحساس ماب وهيه واقفة والمفروض النهاردة اوديها للمهندس يشوفلى الرشاشات وفيشها...نسيت اقول انى لما عملت السيرفس غيرت البوجيهات (ngk) لكن دلوقتى البوجيهات مهببة وسودة ومكملتش 400 كم لسه...دلوقتى ياجماعة انا مبحبش ابخل عالعربية بس المفروض قبل ما تاخد العلاج نشخص المرض وانا مش فاهم وعايز افهم....معلومة اضافية انا سألت على اسعار الحاجات اللى مشكوك انها بايظة عند هشام ابراهيم فى دمشق وعند عزيز سليمان فى التوفيقية وكانت كالاتى (اصلية جديدة gm); حساس شكمان 675 جنيه فى دمشق و620 جنيه فى التوفيقية- طقم رشاشات 2000 جنيه فى دمشق- حساس الماب مش موجود جديد خالص بس لقيته عندنا فى السويس جديد ب 500 جنيه استوك قديم عند الراجل من عشر سنين...اسعار الاستيراد عندنا فى السويس130 حساس الماب 100 حساس الشكمان ومسألتش عالرشاشات...افيدونى افادكم الله

**m_k_elhosiny** · 18-07-2016 03:16 PM

أعتقد المشكلة أغلبها في حساس الشكمان
أولا ... فك الفيشة بتاعته خالص و هي عبارة عن سلك واحد و جرب مشي العربيه هايختلف و للا لأ و خللي بالك إن لمبة تشيك هاتنور و استهلاك البنزين هايكون عالي بس أقل من الوضع اللي انت بتعاني منه دلوقتي
لو لقيتها ظبطت معاك بنسبة تحسن و لو 10 أو 15% يبقى ما تتعبش نفسك و غيره علشان الصنايعية ما تدخلكش في متاهات
تغييره المفروض يكون جديد مش استيراد و لو اني عارف انه غالي ( أنا مغيره عندي قبل كده ) لكن الأعراض عندي كانت أقل