الموضوع: يا ريت يا جماعة الخبرة افيدو

المشاركة الأصلية كتبت بواسطة م/أحمد عبد الفتاح

الانتشار بتاع العربية واعادة البيع من الحاجات المهمة جدا فى اختيار العربيات فى مصر - يعنى لو سيات بطلت تنتج العربية دى كمان سنة ولا اتنين حاتعمل ايه ؟ فى حين لو تويوتا بطلت تنتج الكورولا (وده احتمال اقرب للمستحيل ) لازم تلتزم بانتاج قطع غيارها علشان تقدر تغطى عدد العربيات اللى بتنتجه من اكتر من اربعين سنة ومنتشرة فى مصر وفى كل بلاد العالم - لذلك لو انا اللى باشترى حاروح على الكورولا على طول

اختلف معاك فى موضوع ان سيات تبطل والناس تحتاس في عربياتها. سيات مش شركة صغيرة وواحدة من مجموعة فولكس فاجن وتشترك معاهم فى قطع غيار كتير.
لكن على الرغم من كدة اختيارى بين العربيتين اللى فى السؤال حاتكون الكورولا، ده علشان أجدد على مستوى الموتور والفتيس واكتر فى أنظمة الأمان بالإضافة الى ان ليون ستايشن زى ما انا فاهم، فتبقى الكورولا سيدان أفضل.

المشاركة الأصلية كتبت بواسطة م/أحمد عبد الفتاح

اللى اقصده مش ان شركة سيات تقفل بالكامل اللى قصدته انها تبطل تنتج طراز معين فى عربياتها ودى بتبقى مشكلة كبيرة جدا فى قطع الغيار فى مصر لكن لو حضرتك عايش فى بلد اجنبى حاتقدر تلاقى قطع الغيار اللى انت عاوزها فى التوكيلات او حتى تقدر تجيبها اونلاين فى وقت قليل جدا ممكن يوصل ل ٤٨ ساعة - لكن حتى دلوقتى لو حضرتك رحت لتوكيل مجموعة فولكسفاجن فى مصر ومحتاج قطعة غيار فى اى عربية من عربيات المجموعة والقطعة مش موجودة ممكن تقعد حوالى ٣ اشهر عالاقل علشان يجيبوها وعلى فكرة ممكن تكون قطعة غيار عادية مش معضلة ولا اول مرة تحصل زى مثلا صديق ليا معاه تيجوان وخرموله الرادياتير اثناء الصيانة الدورية وملاقوش رادياتير تانى عندهم وبعتوا جابوه من بره والعربية فضلت واقفة عندهم ٣ شهور او اكتر ( وغيره على حسابه) - حاليا المفتاح بتاعه ضاع منه من اسبوع وكان مضيع مفتاح قبل كده وراح التوكيل علشان يجيبوله مفتاح جديد متكود فى الشركة برقم الشاسية وقالوله ٣ اشهر من بعد العيد يعنى من النهاردة !!!!!!

3 شهور ليه....؟ قطع الغيار جاية ماشية.
اطول مرة عربية الوالد قعدت عندهم كانت 3 أسابيع وكانت جايبة فتيس dsg المرة اللى قبلها كان الفتيس برضو بس قعدت 6 أيام بس.
هما غالبا عاوزينه يزهق ويشترى هو الرادياتير على حسابه علشان ما يشيلوش ثمنه

المشاركة الأصلية كتبت بواسطة م/أحمد عبد الفتاح

ياباشا موضوع ال dsg والميكاترونيك شركة فولكس كانت عاملة حسابها وبعتالهم منه كمية لانهم كان عندهم علم بالموضوع ده انه بيحصل وعدلوا الميكاترونيك وبعتوا لكل توكيلاتهم فى العالم كمية من القطعة الجديدة

كلام سليم و ده تللى حصل فى المرة الأولانية
تانى مرة بقى ماكانش موجود وعلشان كدة العربية قعدت 3 أسابيع