سر زيادة أسعار السيارات

**Samah AbdAllah** · 08-07-2016 06:13 PM

صرح رئيس شعبة السيارات بالغرفة التجارية عمر بلبع، إن هناك فجوة بين العرض والطلب في سوق السيارات فالطلب أكثر بكثير وذلك لزيادة سعر الدولار واليورو وعدم توافرهما.

وأوضح بلبع في لقائه مع الإعلامي محمد على خير في برنامج مصر في ساعة على قناة العقارية ــ أن تجار السيارات يقومون بتخزين السيارات تحسبا لزيادة أسعارها، لافتًا إلى أنه لا يوجد في مصر بيع للسيارات إلا من خلال الـ"over price" وهو مبلغ يضاف على سعر السيارة يقرره الموزعون مقابل التسليم الفوري بدلا من الانتظار لأشهر عند شراء السيارة من الوكيل بالسعر الرسمي.

وأعرب بلبع عن أمله في زيادة المكون المحلي في صناعة السيارات، لافتًا إلى أن هناك 13 شركة تجميع سيارات في مصر، وأن نسبة المكون المحلي في السيارات هو 40 % فقط.

وناشد السيد/ عمر بلبع، بتفعيل الاتفاقات الموقعة في شرم الشيخ خلال المؤتمر الاقتصادي، ومنها إنشاء مدينة السيارات في قناة السويس، والتي تعمل على استقطاب شركات أجنبية بكوادرها لتدريب العمالة المصرية، وإنشاء سوق سيارات مجمع في إحدى المدن الجديدة منها أكتوبر أو التجمع.

وعن صناعة سياراة مصرية كاملة، قال بلبع إنه مازال حلم كبير، لافتًا إلى نسبة السلامة في السيارات بالأسواق المصرية ضعيفة جدا، حيث إن هناك فروق كبيرة بين السيارة التي تأتي مصر والتي تصدر لأمريكا على سبيل المثال.

وطالب رئيس شعبة السيارات بالغرفة التجارية عمر بلبع، بتوفير ما أسماه بالدولار الجمركي، وهو توفير الدولار للمستوردين بسعر محدد ومتاح، حتى يستطيع المستورد إعداد دراسة جدوى يجعلها أكثر جدية ومصداقية.

نقلا عن قناة العقارية

**م/أحمد عبد الفتاح** · 08-07-2016 11:23 PM

المشاركة الأصلية كتبت بواسطة mohamed desoky

الراجل اعترف ان السيارات المجمعه فى مصر لا توجد بها مواصفات السلامه وان المكون المحلى 40 فى الميه ده كدب لان السياره عباره عن محرك وشاسيه وفرش داخلى وحجات كتير بس سياته ماقلشى هيا الدفيره والشكمان والكراسى كل دول انتاج محلى يساوى 40 فى الميه لاطبعا دول بلكتير 10 فى الميه فقط ؟بس مكنة التصريحات لازم تزود لحد 80 فى الميه حد هيعارضه كله كلام فى كلام ؟خلاصة كلامه اقتصاد منهار بس ؟

ياباشا الراجل قال :
"نسبة السلامة في السيارات بالأسواق المصرية ضعيفة جدا، حيث إن هناك فروق كبيرة بين السيارة التي تأتي مصر والتي تصدر لأمريكا على سبيل المثال." وواضح انه بيقصد السيارات المستوردة من الخارج - ومساء الفل :)

**م/أحمد عبد الفتاح** · 09-07-2016 01:17 AM

هو الراجل قال نسبة السلامة فى السوق المصرى ضعيفة جدا وده مبيعنيش السيارات المجمعة فى مصر الراجل وضح قصدة فى التكملة لما قال هناك فروق كبيرة بين السيارة التى تاتى مصر والتى تصدر لامريكا بمعنى هل شركة تويوتا مثلا تقدر تنزل امريكا بعربية فيها مثلا وسادة هوائية واحدة للسائق فقط ؟؟؟؟ طبعا متقدرش ولا شركة سوزوكى تقدر تنزل عربية ميكروباص ٧ راكب لامريكا بدون اى وسائل سلامة زى مابيجيلنا هنا ؟؟؟؟ طبعا متقدرش

**م/أحمد عبد الفتاح** · 09-07-2016 01:58 AM

الموضوع مش جهاز مراقبة جودة - الموضوع اننا معندناش مقاييس مصرية محترمة ستاندرد مصرى يبقى مكتوب فيه ان العربية اللى تدخل مصر لازم يكون فيها على الاقل كذا و ...... كذا و...... عدة بنود تمثل الحد الادنى من الاشياء الواجب توافرها فى السلعة المستوردة او المصنعة محليا وخلصت القصة

**Colin Chapman** · 09-07-2016 03:07 AM

المشاركة الأصلية كتبت بواسطة Mohamed Desoky

مساء الخير يا هندسه ممكن حضرتك توضحلى الفرق بين نسبة السلامه فى السوق المصرى ؟بين ضعيفه جدا او مش موجوده خالص ممكن اعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

**Colin Chapman** · 09-07-2016 03:16 AM

المشاركة الأصلية كتبت بواسطة م/أحمد عبد الفتاح

الموضوع مش جهاز مراقبة جودة - الموضوع اننا معندناش مقاييس مصرية محترمة ستاندرد مصرى يبقى مكتوب فيه ان العربية اللى تدخل مصر لازم يكون فيها على الاقل كذا و ...... كذا و...... عدة بنود تمثل الحد الادنى من الاشياء الواجب توافرها فى السلعة المستوردة او المصنعة محليا وخلصت القصة