الموضوع: نيو اوبترا ولا صني ولا لوجان

حضرتك فعلا جبت من الاخر
المقارنه دى عادله فعلا- العربيات ال3 متقاربين فى حاجات كتير
الحيره اللى حضرتك فيها فى محلها
لو تقدر تسال ملاك العربيات دول على الطبيعه ولو تقدر تجربهم دى حاجه كويسه
متكتفيش بالنت- اسال ملاكهم

كل واحد راكب عربيه هيحاول يقنعك بيها وهتوه اكتر- وممكن كمان مركبهاش وينصحك عادى جدا

نصيحه اخيره لما تروح تشتريها لازم تكون مقتنع بيها وعارف عيوبها ومميزاتها على قد متقدر

شراء العربيه زى الجواز- لازم تكون مستعد ومقتنع :)

سؤال: حضرتك معاك ايه حاليا؟ او كان معاك ايه؟ ايه خبرتك مع السيارات؟

انا شارى الاوبترا بقالى شهر تقريبا شاريها يوم 12/6/2016 ....... العربيه ماااشيه زى الفل بصراحه تحفه وانا كنت متردد زيك كده بالظبط بس انصحك بيها تحفه بكل المقاااييس غير كده فيها اوبشن اعلى من الللوجان والصنى انا عامل بيها 1400 كم هات الاوبترا وريح دماااغك ثبات وتكييف واوبشن وموتور هى عيوبها بس ضعف الخامات الداخليه بس هتقارنهم باللوجان والصنى يبقو تقريبا زى بعض ..... لو لقيت المستورده يبقا احسن من المحلى..... وانا تحت امر حضرتك فى اى وقت ...

المشاركة الأصلية كتبت بواسطة medo eldighady

انا شارى الاوبترا بقالى شهر تقريبا شاريها يوم 12/6/2016 ....... العربيه ماااشيه زى الفل بصراحه تحفه وانا كنت متردد زيك كده بالظبط بس انصحك بيها تحفه بكل المقاااييس غير كده فيها اوبشن اعلى من الللوجان والصنى انا عامل بيها 1400 كم هات الاوبترا وريح دماااغك ثبات وتكييف واوبشن وموتور هى عيوبها بس ضعف الخامات الداخليه بس هتقارنهم باللوجان والصنى يبقو تقريبا زى بعض ..... لو لقيت المستورده يبقا احسن من المحلى..... وانا تحت امر حضرتك فى اى وقت ...

هو دا بظبط اللى بتكلم فيه- مبروك على عربيتك الاوبترا
طبيعى جدا انك تبقا مبسوط وراضى- العربيه لسه جديده وبخيرها
هتلاقى واحد معاه صنى وبيقول نفس الكلام
وهتلاقى واحد معاه لوجان وبيقول نفس الكلام
الثلاث عربيات كلهم جداد فالسوق- مترمطوش فالشارع المصرى بما فيه الكفايه عشان يبان عيوبهم ومميزاتهم بصوره اوضح

الى صاحب الموضوع انا اقدر اشكك فى امكانيات الاوبترا واللوجان والصنى اللى راكبها
بلاش تحط نفسك فى حيره اكتر وبلاش احنا اللى بننصح ننصح من وجه نظر محدوده
انا عن نفسى مركبتش الاوبترا ومركبتش اللوجان لكن اقدر اتكلم بحياديه عن الصنى
مقدرش ابلغك "هات الصنى" وان الصنى احسن منهم واطلع بيها السما- انا مركبش باقى العربيات عشان احدد ان الصنى احسن


ياريت لو حد جرب الثلاث عربيات يقدر يشاركنا ويكون جربهم كفايه- للاسف يمكن منلقيش

وياريت الاعضاء ملاك العربيات دى يقدملنا تقارير محايده عن عربيتهم عشان احنا القراء نقدر نكون صوره واقعيه عنهم

حاجه اخيره العربيه الناجحه بجد مش بتتقاس دلوقتى
هل هتعيش فالشارع المصرى ولا تنقرض؟
كمان خمس سنين هتكون فين؟؟؟؟؟؟؟؟؟؟؟؟؟؟؟؟؟؟
طب كمان 10 سنين؟

الاجابه !!! معرفش
الزمن هو اللى هيحكم

اسف يا ميدو- انا مش بهاجمك كشخص لكن بهاجم فكره
وبينى وبينك الاوبترا شكلها احلى من الصنى

و الله يا جماعه انتو جبتوا من الاخر و ربنا يجازيكو خيييير فعلا عالنصيحه
انا حاليا معيش عربيه و دي اول عربيه ملكي للاسف يمكن ده مخوفني اكتر عشان انا لا بفهم ميكانيكا و لو عربيه عطلت انا هعطل جنبها

انا مرتاح جدااا لشكل و امكانيات الاوبترا بس اللي موجوده هيا المصري فقط انا سالت و المستورده مبقتش تنزل خلاص
الصني ممكن تكون مشاكلها مش كتيير بس معروف صاجهاا ورق ازاي و انتشارها ده مش عارف حاجه تطمن و لا تقلق

انا معايا حوالي ٦٠،٠٠٠ جنيه والله لو يجيبوا عربيه مستعمله بس محترمه و تتحمل مشوار اكتر من ١٠٠ كيلو في اليوم كنت جيبتها بس للاسف مستعمل نضيف فوق ٨٠،٠٠٠ و كمان زي البطيخه الله اعلم باللي باعهها

اتفق مع الاخ اللي بيقول ان كل اللي اشترى عربية هيحاول يقنعك بيها..
بس احب انقل لحضرتك مقارنة انا عملتها وحاولت فيها مكنش متحيز..
صحيح انا اخترت الاوبترا في الاخر واشتريتها خلاص واستلمتها بفضل الله بس انصحك تقرأ المقارنة علشان تعرف الفرق بينهم وتختار الانسب لاحتياجاتك..
هتلاقي المقارنة هنا

http://www.nilemotors.net/Nile/490047-a.html

المشاركة الأصلية كتبت بواسطة m-sabry

اتفق مع الاخ اللي بيقول ان كل اللي اشترى عربية هيحاول يقنعك بيها..
بس احب انقل لحضرتك مقارنة انا عملتها وحاولت فيها مكنش متحيز..
صحيح انا اخترت الاوبترا في الاخر واشتريتها خلاص واستلمتها بفضل الله بس انصحك تقرأ المقارنة علشان تعرف الفرق بينهم وتختار الانسب لاحتياجاتك..
هتلاقي المقارنة هنا

http://www.nilemotors.net/nile/490047-a.html

الف مبروووك يا باشا ربنا يكفيك شرها و المقارنه فعلا مش سايب حاجه ماتكلمتش فيها

سوال بس هو انا ان شاء الله هجيب قسط في ايه احسن مكان ممكن اسال عليها فيه ؟؟ و طبعا مفيش قسط مباشر مع منصور زي غبور صح ولا ايه ؟؟

اعتقد ان منصور بيقسط والله اعلم.. لاني قبل ما ادفع سألوني هتدفع كاش؟ قلتلهم ايوه
روح لمنصور.. ليه معارض كتير فيي كذا منطقة.. جامعة الدول مهندسين والشيخ زايد وغيرهم كتير.. وربنا يكتبلك اللي فيه الخير