الموضوع: تقرير عن جيب جراند شيروكي

تقرير عن جيب جراند شيروكي

الشكل الحالي نزل سنة 2011 و تم عمل facelift في 2014 و كوده WK2

العربية بتاتي بابعاد
طول: 4828
عرض: 1943
ارتفاع: 1802
قاعدة عجلات: 2915

سعة تانك البنزين: 93 لتر
سعة الشنطة: 990 لتر و 1900 مع طي المقاعد الخلفية

وزن العربية بيتراوح بين 2112 كج الى 2199 حسب الموديل
ال drag coefficient ليها: 0.371 (0.39 لل SRT)

الخلوص الارضي: 215 ملم لنظام التعليق العادي و 274 للتعليق الهوائي

العربيه بتيجي ب 5 فئات و اريع مواتير 3 بنزين و 1 ديزل
الفئات هي:
Laredo
Limited
Overland
Summit
و اخيرا النسخة الرياضيه ال SRT

الاربع نسخ الاولي بيجوا بخيارين من المواتير

الاول: متور V6 Pentastar سعه 3600 سي سي بقوة 290 حصان عند 6300 RPM و عزم 353 نيوتن عند 4800 RPM و تسارع من 0-100 في 7.7 ثواني

الثاني: متور V8 Himi سعة 5700 سي سي بقوة 360 حصان عند 5150 RPM و عزم 520 نيوتن علي 4250 RPM و تسارع من 0-100 في 6.6 ثوان

ال SRT بقي بتكون بمحرك V8 Himi سعة 6400 سي سي بقوة 475 حصان عند 6000 RPM و عزم 637 نيوتن علي 4300 RPM و تسارع من 0-100 في 4.4 ثوان

و برضه كلهم بينزلوا بالفتيس ال ZF8 الشهير و ان كان في فئات من العربيه بيتم تجميع الفتيس في امريكا مش بيجي من المانيا

الاوبشنز بتفرق من موديل للتاني طبعا
بس الموديلات العاليه بتتشارك في الجلد (4 الوان), فتحة سقف او بانوراما, نظام ال uconnect مع ال navigation , سنسولا امامي و خلفي مع كاميرا خلفيه, جنط 20, فوانيس زنون مع DRL

عوامل الامان الاساسية زي 8 ايرباجز و فرامل ABS و EBD و انظمة Traction control و ESP بالاضافة الي نظام الحد من خطر الانقلاب

في برضه المواصفات الاختياريه زي تبريد و تدفئة الكراسي, نظام صوتي من هارمن كاردن, نظام التعليق الهوائي, نظام تثبيت السرعه المتكيف مع نظام منع التصادم الامامي, نظام رصد النقط العمياء و اكتشاف الاجسام عند التراجع

انا معايا ال Summit ال V6
بقالها معايا 6 شهور حاليا و ماشي بيها حوالي 5500 كيلو
بشكل عام العربية محققة اغلب احتياجاتي
المتور ال 6 سلندر مناسب لحجم العربيه و التسارع معقول و ان كان طبعا ال V8 هيكون احسن

كون معايا ال summit ففيها كل الاوبشنز اللي محتاجها و اللي مش محتاجها كمان
العربيه راسية في الطوالي و لا باس بيها في الملفات.

العفشه بتاعتها تميل الي النعومة و الراحه ففي شويه body roll في الملفات

الخامات الداخليه كويسة و التقفيل متوسط الي جيدة و بصراحه لا توصل الي مستوي الالماني لكن بشكل عام المقصورة مريحه للعين و اليد و في الجلوس كمان
مساحات التخزين قليله شويه

العزل كويس بس بعد سرعه 150 صوت الهوا بيقي عالي و مصدرة المرايات

بشكل عام انا شايف انها البديل الارخص للالماني في الفئة دي و شايف انها بتوفر مميزات و اوبشنز كتير مقابل سعرها و جاري تقييم اعتمادية العربية و اللي للاسف تعتبر مصدر الشكوي الرئيسي منها سواء جوه مصر او براها للاسف

ده كده تقييمي ليها و تقريري عنها بشكل سريع و تحت امر الجميع في اي استفسار
بخصوص العربيه

في مصر بقي
و حسب موقع التوكيل
المتوفر ال Laredo و ال Limited والاتنين V8 بسعر 609 و 660 الف