افضل عربية في حدود 80 ألف.. فيات بونتو ايفو 2011 ولا فورد فييستا 2010؟

**A_B_S** · 12-07-2016 10:14 PM

السلام عليكم

لو سمحتوا ياجماعة انا بدور علي عربية في رينج 70-80 الف وشوفت عربية بونتو ايفو 2011 اوتوماتيك حالة ممتازة مش محتاجة مصروفات و فورد فييستا 2010 حالة جيدة جدا بس محتاجة صرف مش كتير عشان فيها قطمة دريكسيون و دهان خارجي (مش ضروري) عند الكبوت كده عشان الشمس

إيه رأيكم في العربيتين بحالتهم وايه الافضل منهم في
-الامكانيات
-وتوافر واسعار قطع الغيار
-واستهلاك البنزين
-و اعادة البيع

وإيه اهم عيوب كل عربية منهم

وشكراااا جزيلا

**ibrahiiimooo** · 13-07-2016 11:13 AM

بص يا سيدي
بالنسبة للفيات انا مركبتوش قبل كده علشان اقدر احكم عليه انما انا حاتكلم عن الفورد
رينج 80 الف الافضل فيه هيا فوكس موديلات 2006-2008 الشكل اللي قبل الفيس ليفت , الموديل اقل فعلا بس المميزات اكثر بكتير عربية اوسع (الفيستا عربية شبابي ضيقة ما تنفعش لعائلة ) ثبات الفوكس اعلى بكتير من الفيستا , مشاكل ميكانيكية معدومة و حاجاتها الاستيراد رخيصة و متوفرة , الفيستا الحلوة هي ال1400 سس علشان ده نفس الفتيس يتاع الفوكس 2008 بس سحبها مش حلو علشان 1400 لكن الفيستا ال1600 بنفس الفتيس الباور شيفت بتاع الفوكس 2012 و اللي الناس بتخاف منه و فيه شوية مشاكل
لو في دماغك فورد يبقى فوكس لغاية 2008 احسن كتييير

**A_B_S** · 13-07-2016 12:14 PM

المشاركة الأصلية كتبت بواسطة ibrahiiimooo

بص يا سيدي
بالنسبة للفيات انا مركبتوش قبل كده علشان اقدر احكم عليه انما انا حاتكلم عن الفورد
رينج 80 الف الافضل فيه هيا فوكس موديلات 2006-2008 الشكل اللي قبل الفيس ليفت , الموديل اقل فعلا بس المميزات اكثر بكتير عربية اوسع (الفيستا عربية شبابي ضيقة ما تنفعش لعائلة ) ثبات الفوكس اعلى بكتير من الفيستا , مشاكل ميكانيكية معدومة و حاجاتها الاستيراد رخيصة و متوفرة , الفيستا الحلوة هي ال1400 سس علشان ده نفس الفتيس يتاع الفوكس 2008 بس سحبها مش حلو علشان 1400 لكن الفيستا ال1600 بنفس الفتيس الباور شيفت بتاع الفوكس 2012 و اللي الناس بتخاف منه و فيه شوية مشاكل
لو في دماغك فورد يبقى فوكس لغاية 2008 احسن كتييير

هو أنا عاجبني الفييستا اكتر من الفوكاس لاني عايز عربية شبابي اصلا ومايهمنيش اوي السحب وكده لاني مش بسافر كتير ومعظم مشاويري داخل القاهرة، والفوكاس عربية عائلية ومحترمة جدا طبعا لكن مش مناسبة ليا

اللي مخليني متردد في الفورد فييستا ان قطع غيارها غالية وماعرفش استهلاكها للبنزين عالي ولا لأ وهل هي عربية مشاكلها كتير ولا ايه