مشكله في فتيس كيا سيفيا 2001 اتوماتيك

**EmadAziz** · 13-07-2016 04:02 PM

السلام عليكم انا عضو جديد في المنتدي ودي اول مشاركه ليا عشان بصراحه لقيت الناس هنا بتفهم فا حابب اسألكوا في حاجه مسببالي ازمه، انا معايا كيا سيفيا 2001 لسه شاريها من شهر ونصف تقريبا والمشكله ان الفتيس كان بينقل عادي جدا ومره واحد لقيتها بتنقل بصعوبه مع العلم ان لما اجيب d و r بتطلع سالنسيه عادي لوحدها وبتمشي، بعدين قولت يمكن زيت زودت زيت مشيت كويس يومين ورجعت تاني لازم اشيل رجلي من البنزين وادوس تاني عشان تنقل، انا قريت ان ممكن يكون فلتر زيت الفتيس وناس قالتلي بلف، عموما العربيه عايزه كبالن عشان لو ليها علاقه بالموضوع :) ياريت تردوا في اسرع وقت ارجوكوا وشكرا مقدما :)

**م/أحمد عبد الفتاح** · 13-07-2016 04:56 PM

تصلح الكبالن وتغير الزيت والفلتر بتوع الفتيس بالنوع الموصى بيه فى الكتالوج بتاع العربية - وتخلى الموتور ميه ميه من زيت وبوجيهات وفلاتر وبنزين وسيور لان اى حاجه فى الموتور بتاثر عالفتيس - وكمان انت لسه شاريها وهى موديل ٢٠٠١ يبقى تعمل كل الصيانات بتاعتها - لو عملت كده احتمال كبير المشكلة تختفى وماتخليش حد يلعب فى اى حاجه فى الفتيس دلوقتى لغاية ماتعمل الشغل ده