الموضوع: اسئلة عن لانسر بومة

مساء الفل ياباشا
بومه بالمواصفات دى بتبدء من 90 الف الى 140 الف
العرببه فيتيسها ممتاز وماشوفتش حد اشتكى منه
البومه 1300 موفره جدا فى البنزين بس سحبها زفت ولو شغلت التكييف بتقلب بطه بلدى طبعا كلامى على الاوتوماتيك
اما 1600 بتبقى ممتازه
اتمنى أكون قدرت افيد حضرتك

المشاركة الأصلية كتبت بواسطة lancer06

بوما ١٣٠٠ اوتو من ٨٠ الف الى ٩٠ الف بعد زياده الاسعار وبنتكلم عن حاله ممتازه
١٦٠٠ اوتو من ٩٠ الف الى ١٠٠
لان موجود منها كلاسيك وهاف ( فى بينزل منها بجنوط حديد بتسمى كلاسيك فقيره فى الكماليات وفى منها الهاف بتنزل بجنط وعتب وسبويلر )
١٦٠٠ سوبر اكشن ( جميع الكماليات ) من ١٠٠ الى ١٣٠ الف ( فتحه سقف عتب سبويلر فرش جلد واتنين ايرباج وخزان اسطوانات)
واللونين الكحلى والاسود بيكونو سعرهم اقل من باقى الالوان ( السوق ماشى كده )
وزى ما الاخ سمسم قال ال ١٦٠٠ اقوى فى السحب لكن ١٣٠٠ مش بطه بلدى ولا حاجه احكم عليها لما تكون حالتها ممتازه وصدقنى هتغير رأيك
وفكر برضه فى الكرولا ٢٠٠٥ الى ٢٠٠٧
١٣٠٠ اوتو حكايه سحب ونعوميه واداء واقتصاديه لدرجه كبيره فى قطع الغيار والبنزين
لكن ثبات بعد ١٠٠ البوما تكسب
تحياتى

اجابة وافية ... بس اسمحلى اسأل ..... ايه هو خزان الاسطوانات ده ؟؟؟

هل سعر الكورولا ال 2005 نفس سعر اللانسر ال 2008 ؟؟؟ فى نفس رينج ال 130 الف ؟

المشاركة الأصلية كتبت بواسطة lancer06

اهلا بشمهدنس احمد خزان الاسطوانات هو
cd changer
https://encrypted-tbn3.gstatic.com/i...qdotdldfc3m16w
بيسمح بتخزين ٦ اسطوانات فيه وكل اللى عليك انك تضغط على رقم الاسطوانه اللى عاوزها تشتغل
الكورولا من ٢٠٠٥ الى ٢٠٠٧ نفس الشكل والسعر متقارب ما بينهم
الاتوماتيك منها بيبدأ من ١١٥ ألف الى ١٤٠ ألف
فابريكا وعداد قليل
دا بالنسبه لل ١٣٠٠ لأنها محبوبه جدا تجميعها زى الانسر ١٦٠٠ مع عزل ممتاز واستهلاك اقل للبنزين لكن من صفر الى ١٢٠ بعد كده الانسر تفتح بمعنى ان التسارع فيها فى البدايه سريع ومع السرعات العاليه بطىء وثبات مش حلو ( دا على السرعات العاليه بس )
الانسر افضل من ناحيه الثبات والشكل الشبابى اكتر وكماليات اكتر دا بالنسبه لاعلى فئه فى الكورولا واعلى فئه فى الانسر فى السنين اللى ذكرتها

تحياتى اخى الكريم

شكرا اخى الكريم على الشرح و الايضاح

اعذرنى ... انا معدتش على محطة ال سى دى خالص .... الكاسيت ابو بكر .... و بعدين الجديد الى فيه usb :)