الموضوع: عاوز اعرف تكلفة تركيب التكييف في شاريد93 1000 سي سي

/السلام عليكم
انا اشتريت شاريد موديل 93 بدون تكييف وعايز اركب تكييف المكنة عندي تمام 9/10 كنت عايز اعرف التكلفة بتاعت المكونات وهل هي جديدة ولا مستعملة والمصنعية ؟؟؟؟
جزاكم الله خيرا

انت عايز ايه جديد ولا مستعمل
الافضل كله جديد
ماعدا الكباس ممكن هو بس يبقى مستعمل
وانت عايز نظام جنرال (عموله يعني.هههههه ينفع مع كزا عربية مش شاريد بس مع اختلافات بسيطه )ولا تركب حاجتها اجزاء مستعمله او جديده ولا تجيب تكييف موديل معين وتقيفه انه يركب عندك ولا عايز تعمل حاجات جنرال وحاجات بتاعتها وحاجات بتاع موديل تاني
معرفة التكلفة مش هاتفرق معاك في حاجه بس هي مش هاتقل عن 3000 ( ودا رقم متوسط تقريبي يزيدو او ينقصو 300)اجزاء مستعمله منها الكباس والوحده الداخلية
لو هاتجيب كله جديد في حدود 4000 ورقم تقريبي متوسط
من برا في الموتور هايركب كباس وسربنتينه وهاتزود مروحه ياهتغير النظام بمروحتين والخراطيم والدراير
كباس مستعمل بتاعها الاصلي يعمل كام? ماعرفش بس ان شفت بتاع السوزوكي استيراد بالدنسو الصغير ب ١٢٠٠:١٥٠٠ على التجربه
هاتركب حاجه تانية لو في مكان يسمح في الحوض زي كباس بتاع اللانوس من 400:600 حسب الحاله عالتجربة
هاتفل او تعدل قواعد وكبس فتحات الخراطيم اللواكير هاتكلم في 250
السربنتينه جديده 350:450
المراوح هاتزود مروحه ولا تغير اللي عندك بمروحتين وكتاوت وضفيرة كباس ومصنعية تقسيم ضفيره200:300
الدراير وحساس البرشر 250
الوحده الداخلية الكويل + مروحة البلاور
ياتجيب بتاعتها استيراد لو ليها معرفش سعرهاكام ياتعدل عليها حاجه مثلا زي العربيات الصغيره الاكسنت القديمه مثلا
ياما تركب الوحده اللي بتيجي للفيات منفصله جديده بالسربنتينه بالاكسبنش بالترموستات بالضفيره بتاعها للاسف مش عارف سعرها مؤخرا كام بس نسألك لو عايز اهم حاجه تبقى حضرتك عارف ومحدد انت عايز ايه في التفاصيل دي لانها بتفرق في الاداء وابعمر الافتراضي والكفاءة والسعر والتكلفة