زيت 134

**bestlove2** · 15-07-2016 08:44 PM

لو سمحتم ممكن اجيب زيت فريون 134من فين ونوعه والسعر وأسف للإطالة

وكل عام وانتم الى الله اقرب

**mbx4e** · 16-07-2016 09:25 PM

اخوان رزق الكيلو ب85 تقريبا
زيت تخليقي وتجيب لزوجه رقمهاحاجه وتلاتين

**bestlove2** · 16-07-2016 09:39 PM

تسلم على الرد بس اقدر اجيبه من فين

**mbx4e** · 16-07-2016 10:45 PM

انت من فين ؟
وعايز تجيبه ليه ؟

**mbx4e** · 16-07-2016 10:50 PM

عربيتك ايه موديل كام تفاصيل بس عشان نعرف نساعد صح
ايه العطل او الصيانة اللي ناوي تعملها؟

**mbx4e** · 16-07-2016 10:56 PM

هو منفذ بيع شركة اخوان رزق في شارع نجيب الريحاني في وسط البلد في القاهره والسعر تقريبي للكيلو 85او اغلى
وزي ماقلت قبل كدا زيت كباس العربية لفريون 134a بيكون زيت تخليقي وليس معدني زي زيت كباس التلاجه
والزيت ليه لزوجتين بالارقام حاجه وتلاتين وحاجه وستين مش فاكر بالزبط وكل ليها استخدامه وانت في فرع اخوان رزق اسأل البياع في موضوع لزوجة الزيت التخليقي او الساينثتيك synthatic
وفي عبوة نص كيلو

**bestlove2** · 17-07-2016 05:54 AM

العربية اوبل استرا موديل 2002 فريون 134 كنت غيرت الكباس وعايز اشحن الدورة بفسى وفعلا شحنتها بس الزيت ناقص فعايز اجيب زيت واشحن من تانى

**mbx4e** · 17-07-2016 09:38 AM

المشاركة الأصلية كتبت بواسطة bestlove2

العربية اوبل استرا موديل 2002 فريون 134 كنت غيرت الكباس وعايز اشحن الدورة بفسى وفعلا شحنتها بس الزيت ناقص فعايز اجيب زيت واشحن من تانى

الكباس القديم لسا عندك ؟ وايه كانت مشكلته عرفت منين ان الزيت ناقص؟ هاتحط كمية قد ايه ؟ في صوت خشونة في الكباس ولا حاجه؟
الزيت الزياده بيسد السربنتينه عند المفروض كنت قست الزيت اللي في الكباس القديم لو لقيته اقل من 150 ملي لتر او سم مكعب او جم بحاجه بسيطه يبقى تحط نفس الكمية دي اللي اقل من ١٥٠مللتر لو لقيته قليل اوي او قليل كتير
والكباس القديم فيه صوت ورايش والزيت مش نازل صافي يبقى تتاكد ان السربنتينه مش مسدوده من جواها بالرطوبه والرايش والزيت واتأكد ان الاكسبنشن نفس القصة مش مسدود وكمان الدراير
غيرت الكباس فين ؟ بنفسك او عند من؟

**bestlove2** · 19-07-2016 02:44 AM

انا اللى غيرت الكباس وطبعا مكنش فيه زيت واضفت له مقدار فنجان زيت وكنت مغير سربنتينة بس طلعت مسدودة فاضطريت اركب القديمة وكان داخلها مية بس ما اتفكت كان واحد صاحبى بيغسلها ودخل فيها مياه وطبعا فضلنا ننفخ فيها بالهواء بس اكيد مش كل الرطوبة طلعت فدلوقت انا محتاج الزيت عشان اعمل فاكيوم للدورة كلها واشحن من تانى لأن فى صوت خشونة تقريبا كدة ان الزيت والفريون باظ من المية

وياريت لو مكان اجيب منه فلتر سربنتينة كمان اكون شاكر

**mbx4e** · 21-07-2016 11:49 AM

مبدأيا ممكن اعرف انت ضفت زيت للكباس على اي اساس ومقدار الفنجان كام ملي تقريبا؟
الكباس لو انت جايب استيراد المفروض بتشيك على ٣حاجات
بتشيك على الكلاتش وبتجربه على البطارية وبتشوف البليه بتاعت الطنبوره ناعمة ولاخشنه
بتشيك على الكبس بتاعه والشفط عن طريق انك بتسد اي فتحه من الاتنين اللي فيه و بتلف الكلاتش بتاعه باليد ٥او٦مرات وتسمع صوت الزيت وهو يتحرك بالبلدي بيلق جواه وتسيب مره واحده عشان تحس بقوة الكبسه ومره تجرب تسد الفتحه التانيه وتلف في نفس الاتجاه مره تانية وتسيب مره واحده هاتحس بالشفط
والكباس الاستيراد الكويس هتلاقيه بيتباع باللواكير الالمونيا بالمواسير بتاعته عشان بتحافظ على الزيت بتاعه وبتوع الاستيراد عارفين كدا وبيسبوه فيهم لغاية اما تتطلب منهم ويبقى مزنقون فيها او بينقصك50 ويعبيها ب١٠٠ وتبص على الزيت المفروض يبقى لونه صافي ولونه فاتح مصفر او لموني فسفوري مخضر سنه بسيطه عشان فريون برا بيحطوا عليه صبغة اشعة فوق بنفسجيه او uv لكشف التسريبات في المستقبل
وبيتباع على التجربه يعني انت جربته مش عاجبك بترجعه او بتبدله
السربنتينه اللي انت عملته بالوصف اللي بتقول عليه
١-جبت استيراد اول خطأ وحطيت فنجان زيت افرض الفنجان دا انت حطيته في مدخل الطرد يبقى طبيعي هايخش عليها ويسدها هي والدراير لان بيبقى فيهم زيت مكلكع ورطوبه مع بداية شحن الفريون
قلنا السربنتينه جديده عشان بتسد بسهوله من اثار الزيت اللي فيها بيدخلها رطوبه وتراب وتبهدل الدنيا وترفع الضغوط على الكباس ويضعف
انت كدا محتاج تغير سربنتينه ودراير او فلتر فريون مع الكباس لان دول اساس خراب الكباس القديم
الاكسبنشن هايتفك ويتنضف بس مش ببنزين او جاز او تنر هاتنظفه بكحول او سبرتو ابيض
التلاجه ممكن بنزين بسيط وضغط هوا جامد وتكبس من ناحية وتسيب مرا واحده وممكن تنضفها بفريون ونتروجين
من الاخطاء اللي وقعتوا فيها السربنتينه مابتتغسلش بمياه من جوا فيها زيت وتراب يبقى المياهاتعمل فيها ايه مع دول هاتطحن وتكلكع
عايز تغسلها صح حط لها بنزين وضغط هوا جامد وسخن عليها من برا بسشوار او هيت جن بعد مالبنزين ينشف نهائيا ونمكن بفريون ونتروجين لو متوفر
بعد كدا هاتغير كل الاوليسلات باولسهات نظيفه يفضل اللي لونها اخضر وتحط عليها زيت فريون قبل التركيب
جمع نظامك كله والتفريغ مايقلش عن ساعه ويكون بطرمبة فاكيوم لو مش متوفرة يبقى كباس تلاجه قوي مايقلش عن نص حصان دا يفضل يعني عشان تبخر اي رطوبه وتشفط اي هو او بنزين لو نظفت بيه مثلا موجوده جواه
طبعا
انت بقى لو عايز تحط زيت بعد الفاكيوم او قبله يعني قبل ماتجمع النظام براحتك انا افضل بعده عشان الزيت يخش على نظافة ومايتفاعلش مع الرطوبه ويحل او يسد اي حاجه بتلكك
غير كدا انت ممكن بعد الفاكيوم تتدي شحنه قد ربع كيلوا فريون تأكيد تنضيف وتعملها فاكيوم بعدين تظيف الزيت
الزيت مكتوب مقدار الزيت الي على الكباس بالملي لتر او بالسنتيمر المكعب سي سي او بالجرام وكلها واحد يعني١٠٠ملي =١٠٠سي سي=١٠٠جرام
لو نظفت السربنتينه جامد والدراير من الزيت القديم لدرجة انك متأكد مافهاش زيت ضيف حوالي ١٠:٢٠ كبييرك ٣٠ ملي او جرام زيت زياده ومش اكتر الا لو معاك المانوال وبيقلك غير كدا
وبالنسبة للدراير ابعتلي رقمك عالخاص عشان افهم منك اي موديل اللي عندك .

الموضوع: زيت 134

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة