الموضوع: مشكله في كمبريسور فورد إسكورت

الفترة او المدة وقتها قد ايه؟
غير كدا اخبار درجة الحرارة وتبريد المكيف وكفائته عامله ازاي بالنهار في الزحمة و على الطريق السريع او بالليل؟
شحنة الفريون جيده ولا لا؟
هل فيه صيانة اتعملت مؤخرا والمشكلة ظهرت بعدها؟

[QUOTE=mbx4e;3876089129]الفترة او المدة وقتها قد ايه؟
مجرد لما يشتغل حتي لو دقيقه واحده
غير كدا اخبار درجة الحرارة وتبريد المكيف وكفائته عامله ازاي بالنهار في الزحمة و على الطريق السريع او بالليل؟
بالنهار مش كويس اوي والليل وعلي الطريق السريع كويس
شحنة الفريون جيده ولا لا؟
اه مشحون فريون مستورد
هل فيه صيانة اتعملت مؤخرا والمشكلة ظهرت بعدها؟
التكييف مكانش شغال من 5 سنين وتم تغيير كمبريسور وتنظيف سربنتينه

يعني ايه فريون مستورد تفيدني اكتر بالتفاصيل عشان اقدر اساعدك؟
مبدأيا الضغوط عامله ايه تعرف قراءتها كام؟
الكباس اللي راكب بتاعها ولا متعدل
غيرت حاجه غير الكباس؟
مبدأيا عندك سدد بالدوره داخلي او خارجي وغالبا تحتاج تغير اي حاجه من دول سربنتينه خارجيه ودراير و اكسبنشن هل غيرت اي حاجه فيهم ؟
وتعرف قراؤات الضغوط قبل واثناء وبعد وفيها قد ايه فريون بالجرام وزيت قد ايه وهل فيه تسريب ولا لا ؟

يعني ايه فريون مستورد تفيدني اكتر بالتفاصيل عشان اقدر اساعدك؟
مبدأيا الضغوط عامله ايه تعرف قراءتها كام؟
الكباس اللي راكب بتاعها ولا متعدل
غيرت حاجه غير الكباس؟
مبدأيا عندك سدد بالدوره داخلي او خارجي وغالبا تحتاج تغير اي حاجه من دول سربنتينه خارجيه ودراير و اكسبنشن هل غيرت اي حاجه فيهم ؟
وتعرف قراؤات الضغوط قبل واثناء وبعد وفيها قد ايه فريون بالجرام وزيت قد ايه وهل فيه تسريب ولا لا ؟[/quote]

أقصد ان الفريون مش إخوان رزق لكن نوع تاني الفني قال إنه مستورد
حاشوف الضغوط واكتبهالك
الكباس اللي اتغير بتاعها
غيرت الكباس وغيرت الفلتر علشان كان مسدود
عاوزك تقولي اعرف ازاي فيها قد ايه فريون بالجرام وزيت قد ايه
الدوره مفيش تسريب

تقصد فلتر هوا المكيف ولا فلتر الفريون او الدراير؟جديد ولا مستعمل؟
تعرف الزيت والفريون اللي فيها من خلال الفني او الصنايعي وهو بيشحن يقدر يعرف شحن قد ايه بشكل تقريبي طبعا الا لو شغال بعلب صغيره يقدر يحدد اكتر
بعد الشحن لو صدف وظهرت مشاكل تقدر تعرف الفريون اللي فيها من خلال جهاز محطة خدمة الشحن لان فيه خاصية شفط الفريون من العربية والزيت كمان ويرجعهم تاني ودا على حسب المكان متوافر عنده الجهاز ولالا
مش هاعرف احدد السبب من غير معرفة الضغوط .
الكباس عندك ممكن يبقى سبب ممكن بلف كونترول بتاعه ممكن فصل حماية كمان
شحنة الفريون ممكن تكون سبب ناقصه او زايده
(مش مزبوطه)فاتخلي الكباس يفصل حساس برشر او ثرموستات او حساس فصل حماية تجمد.
واخبار السربنتينه ايه ؟
مافهاش سدد زيت او رايش من الداخل؟
انا شاكك في الحوار دا.
اخبار التبريد بيقل لما العربية تقف في الزحمة او الكباس بيفصل ويزيد مع السرعة؟ بشكل عام في الليل والنهار ؟
واخبار التبريد او ادائه بالليل عن النهار ؟ في الزحمه او الوقوف او على سرعة 70kmمثلا ؟
نوع الفريون ايه اللي اتحط؟
اسم الماركة ورقم الفريون ١٢ولا ١٣٤؟
انا بسألك على الكميه على اساس انك شفت الفني فالمفروض تسأله هي بتاخد قد ايه او انت هاتشحن قد ايه او على الاقل هو يعرفك
لو الكباس اللي عندك عليه الاستيكر بتاعه هتلاقي رقم غاز الفريون 134a وكمية الزيت 200 مليليتر يبقى المفروض ياخد فريون 750 جرام او مليلتر يعني وزن كيلو الاربع
الخلاصه عشان حضرتك ماتضيعش من كثر الكلام واسف للاطاله اسباب العطل مش هايخرج من الاحتمالات دي وممكن يكون اكتر من حاجه الكشف الطبيعي بيظهر طبعا :
بلوف الكباس الكلام دا يبان من قراية العدادات او بلف الكونترول.
زبط الشحنه(زايده او ناقصه) ودي تأثر على
حساس البرشر او الثرموستات او حساس فصل حماية.
السربنتينه فيها مشكلة سدد خارجي مافيش تهوية مراوح كافيه وجيده او قوية يعني سرعات المراوح او اتجاه الهوا عكس او متربه جامد او الزعانف متنيه كتير
او سدد داخلي بسبب الرطوبه والزيت او رايش ولحامات قديمة كتير .