بصفة عامة الفتيس الاوتوماتيك فى معظم العربيات لو على وضع ١ العربية مش حاتنقل باقى النقلات يعنى حاتمشى عالاول بس وده بتستعمله لما تكون عاوز عزم كبير من الموتور زى مطلع جامد او عجلة غرست منك وبيبقى السرعة بطيئة جدا - وفى غالبية الفتايس ساعات بيعملوا تأمين للفتيس علشان ماتقرصش عالاول كتير بان الفتيس يرجع ينقل عادى لو عديت ال٥٠ كم/ساعة تقريباً .ولو على وضع ٢ يبقى العربية حاتطلع عالتانى ومش حاتكمل باقى النقلات وده بينفع لو طالع مطلع خفيف مش بسرعة أو لو حاتتحرك بالعربية وتحت العجل فيه حاجه مزحلقة طين مثلاً أو تلج ـ أو لو نازل منزل خفيف مزحلق شوية . بس عموما وضع الـ D هو الأفضل ومحدش بيحتاج ١ أو ٢ قوى غير لو عربية ٤x٤ أو لو قاطر عربية تانية وطالع مطلع جامد. وكمان الـ ١ أو ٢ بتجيبهم والعربية واقفة علشان الفتيس مايبوظش.
المفضلات