هل ممكن أخد عربيتى و أنا مسافر؟

**M.Mostafa_82** · 19-07-2016 05:31 PM

السلام عليكم و رحمه الله و بركاته..

لو سمحت يا جماعه عندى سؤال ممكن يكون جديد من نوعه :)

هوه ممكن لو معايا عربيه فى مصر و جالى سفر بره و عاوز أخد العربيه معايا بره "للسعوديه مثلا" بدل ما أبيع فى مصر و أرجع أشترى تانى فى السعوديه... هل ده ممكن؟
أنا عارف إن جو الخليج له مواصفات خاصه و كده بس أنا بتكلم على المبدأ

هل ده شئ ممكن؟

شكرا جزيلا

**M.Mostafa_82** · 20-07-2016 04:37 PM

مفيش حد عنده أى فكره يا شباب ؟

**abo_salah** · 20-07-2016 10:06 PM

اعتقد ممكن عادي
بس الفكره غريبه شويه
لان اللي بيحصل
ان الناس كلها بتجيب عربيات في السعوديه مثلا مش بتشحن عربيتها من مصر
لان هناك العربيات ارخص والمصاريف اقل بكتير واحتمال تجيب هناك عربيه احسن من اللي انت راكبها في مصر :d

**M.Mostafa_82** · 23-07-2016 02:18 PM

المشاركة الأصلية كتبت بواسطة abo_salah

اعتقد ممكن عادي
بس الفكره غريبه شويه
لان اللي بيحصل
ان الناس كلها بتجيب عربيات في السعوديه مثلا مش بتشحن عربيتها من مصر
لان هناك العربيات ارخص والمصاريف اقل بكتير واحتمال تجيب هناك عربيه احسن من اللي انت راكبها في مصر :d

أه طبعا عندك حق ..

بس الفكره إن لو معاك عربيه فى مصر و هتسافر سنه سنتين أكتر أقل بيبقى فى العادى قدامك حل من إتنين:
1- ترفع عربيتك فى مصر (و طبعا هتشترى غيرها لما تسافر)
2- تبيعها (بس لما ترجع مصر هتشترى عربيه تانى)

فده اللى خلانى أفكر إنى أخدها و انا مسافر بس برضه هنا فى مشكلتين:
1- مصاريف شحنها و دخولها للبلد اللى أنا مسافرلها.
2- إن مواصفات جو بره غير مصر فأكيد العربيه هتحتاج لتعديل عشان تبقى مناسبه.

بس أنا قلت أحسب الأمور كلها و أعرف إيه أحسن.