لازم تكون العربية مواصفاتها انها flex fuel وده معناه انها تقدر تستخدم نوعين وقود فى نفس التانك وان خط الوقود والتانك والموتور مصممين للعمل مع الكحول الايثيلى - بس اللى بيرفع الاوكتين هو الكحول الميثيلى او الميثانول - بس ده ليه تاثير كبير على خطوط الوقود والتانك والموتور بيزود معدلات التاكل بدرجة كبيرة وكمان ماينفعش تسيبه فى التانك لمدة كبيرة - ولازم تكون العربية معدة لاستخدام خليط الميثانول مع البنزين - الكحول الايثيلى او الايثانول احسن شوية من ناحية التاكل على اجزاء المحرك والتانك وخط الوقود وهو اكثر انتشارا فى بنزينات امريكا واوروبا ( بتلاقى على طلمبة البنزين مسدس تفويل مكتوب عليه E85 ) وبيبقى غطا التانك بتاع العربية لونه اصفر او عليه دايرة صفرا او مكتوب على الغطا E85 ومعناها انها تستطيع العمل بوقود عبارة عن ايثانول وبنزين بنسبة ٨٥٪ ايثانول الى ١٥٪ بنزين والنسبة دى حاليا ابتدوا يخلوها E75 او E70 فى اوروبا
المفضلات