الموضوع: تقرير صيانة الـ٥٠،٠٠٠ كم رينو لوجان

اتجننت و اتهفيت في عقل بالي و قولت اعمل صيانة الـ٥٠،٠٠٠ طلعت ع فرينش موتورز و العربية كانت عايزة طقم مساعدين امامي اصلا و كان عندي موضوع تقشير الدريكسيون بشتكي منه بس قالوا هيشوفوا و يردوا عليا او اروح التوكيل !! المهم تم استلام العربية و عملوا الصيانة زيت و فلتر زيت و فلتر هوا و ربطوا عفشة و نضفوا فلتر تكييف و العربية كانت محتاجة تيل فرامل ( كملت ) و غيروا طقم مساعدين ( عكة وحشة بعد كل ده قولت هي جت ع غسيل موتور اغسل يا عم الحج الموتور فووم خلي لوللا تدلع و الليلة ديه كلها اعدت فيها من ٩ الصبح لحد 4 لما خلاص كنت جايب اخري و مش طايق اكلم حد و مستعجل و الدنيا مكربسة عندي مش متعود ع كده من فرينش موتورز الصراحة متعود ان اي حاجة بتخلص في ساعتين زمن يمكن عشان المساعدين و اخيرا و ليس اخرا الليلة ديه كلها اتكلفت ٣٢٤٢ ج كنت هسيبلهم العربية رهن مش عايزها ( اومال هعمل ايه في صيانة الـ٦٠،٠٠٠ ) و اخدنا خصم الجروب ( هييح اخيرا فيه حاجة تفرح ) و اخيرا بعد ما الواحد اتسلق في الحر استلمت لوللا اللي مدوخاني
و بشكر م / احمد اسماعيل مدير الفروع و م / امين مدير فرع الرحاب كان بيتابع العربية و هي في الصيانة و طلع جربها معايا اخر اليوم لما اشتكيت من ملاحظات بعد الصيانة و أ / احمد في الحسابات شخص محترم و مرح و كفاية كده عليكم و اراكم في تقارير صيانات اخري و ربنا يستر :)