ريداتير الياريس ياخد كام لتر مياه تبريد

**h_askalany** · 30-07-2016 09:01 PM

السلام عليكم
لياريس 2007
بإذن الله ناوية أغير مية الريداتير فأنا كنت حاطة مياه فالفولين حمراء و كان الجركن 5 لتر و كان مكفي و فايض
بس الجركن الجديد اللي بينزل دلوقتي 4 لتر او تقريبا 3.7 بالتحديد فها هيكفي أجيب جركن واحد ولا هحتاج 2
مع العلم انا حركتي بالعربية مش كتير و الماية مش بتنقص عندي اوي يعني مش بحتاج ازود ميه كتير

**م/أحمد عبد الفتاح** · 30-07-2016 10:19 PM

فى كتالوج العربية فيه جدول بالسوائل بتاعة العربية ومواصفاتها حتلاقى مكتوب فيه سعة دورة التبريد
coolant capacity بس عموما هى مش بتكمل فعلاً الـ ٥ لتر حوالى ٤,٧ لتر بس راجعى الكتالوج للتأكيد

**h_askalany** · 31-07-2016 01:35 AM

المشاركة الأصلية كتبت بواسطة م/أحمد عبد الفتاح

فى كتالوج العربية فيه جدول بالسوائل بتاعة العربية ومواصفاتها حتلاقى مكتوب فيه سعة دورة التبريد
coolant capacity بس عموما هى مش بتكمل فعلاً الـ ٥ لتر حوالى ٤,٧ لتر بس راجعى الكتالوج للتأكيد

حضرتك انا شارية العربية مستعملة فا مش عندي كتالوج بتاعها

**h_askalany** · 31-07-2016 01:40 AM

المشاركة الأصلية كتبت بواسطة tameem2010

ماهو فيه فرق بين انك هتغير مياه الراديتير
وانك هتغير المياه كلها
لان فيه مياه بتكون في الراديتير حوالى 2 :2.5 لتر
وفيه مياه بتكون في الموتور تقريبا 3 لتر مبتنزلش لما تفك الراديتير وديه عشان تنزلها بتشيل ترموستات الكوعة لان الترموستات بيكون قافل وحاجزها جوا البلوك ولو هتغير نوع المياه يبقى لازم تتخلي الميكانيكي يصفى المياه القديمه تماما

ده غير حوالى 1/2 لتر في القربه

دورة التبريد كلها في حدود 5-6 لتر

معلش علشان انا فهمي عل قدي في المواضيع ده :-)
هي العربية كنت حاطه ليها مياه حمراء فالفولين و صلاحيتها خلصت فا عايزة اغيرها و لما حطتها قبل كده كان الجركن 5لتر و مخلصش و فضل منه تقريبا لتر فعلشان كده كنت عايزة اعرف هل الجالون هيكفي ولا لأ

**م/أحمد عبد الفتاح** · 31-07-2016 01:59 AM

المشاركة الأصلية كتبت بواسطة h_askalany

حضرتك انا شارية العربية مستعملة فا مش عندي كتالوج بتاعها

مش عارف ليه فى طبع عندنا إن فيه ناس كتير لما بتبيع عربياتها مش بتدى للمشترى الكتالوجات بتاعة العربية !!!!! حايعملوا بيها ايه بعد مالعربية إتباعت !!!!
عموماً ده لينك من موقع تويوتا بالياريس ٢٠٠٧ فيه كل اجزاء الكتالوج تحملى اللى انتى عاوزاه بى دى اف - وهو فيه اجزاء للهاتش باك وأجزاء للسيدان - حاتركزى الاول مع الجزء بتاع maintenance and care
بس معلش الموقع بتاع تويوتا واقع من يومين ويمكن يشتغل بكرة ان شاء الله
2007 Toyota Yaris Owners Manual and warranty - Toyota Owners

**م/أحمد عبد الفتاح** · 31-07-2016 02:04 AM

وده موقع تانى تحملى منه الكتالوج كله
2007 Toyota Yaris Owner's Manual - JustGiveMeTheDamnManual.com

**eng. wesam** · 01-08-2016 10:58 PM

سائل التبريد للياريس 5.1 لتر دي التوتال كابستي يعني لو دوره التبريد مافيهاش خالص لكن لو فيها هتحتاجي اكيد اقل من ال 5.1
سائل الفرامل dot 3
زيت الفتيس بتاخد 1.7 لتر
البوجيهات
دينسو k16r-u
ngk bkr5eya

مقاس ضبط الاطارات 32 امامي وخلفي لو العربيه فاضيه مافيهاش ركاب
33 لو هتزودي الكاوتش وفي معاكي ركاب