الموضوع: تنصحونا بايه ؟

السلام عليكم .


أولا أنا أبويا مقبل على شراء عربية جديدة فقلت أطلب المشورة من أهل الخبرة

طبعا قبلها كان راكب أكسنت 2010 مانويال وناوى يغير لأتوماتيك

نوع سواقته داخل المدينة ...مع القليل من السفر للى لا يتعدى 100 كم (محافظات الصعيد بقى )

هو مش من النوع للى بيجرى .....أخره 120 فبالتالى مش مهم العربية سريعة ....المهم تكون بتوفر بنزين

الثبات مهم طبعا ......وطبعا هو ميعرفش غير العربية السيدان (مش مهم يكون ثباتها عند السرعات 180 و190 ...زى ماقولت عمره ما هيوصل للسرعات دى )

الوسع من الداخل مهم ......لأننا أسرة كبيرة

وياريت يكون الفتيس الأتوماتيك نوعه كويس (مش من النوع للى بيعطل كل شوية ) ......لأنه بيكره جدا مشاكل الفتيس

من ناحية الصيانة ياريت تكون العربية صيانتها مريحة شوية (يعنى جوة التوكيل وبرة التوكيل تكون متوفرة )

ومن ناحية قطع الغيار يكون سعرها مناسب مش غالية ولا رخيصة (معقولة )

الكماليات مش قوى (يعنى مش مهم التكييف تتش ولا لا ..المهم يكون شغال )......ويفضل يكون فيها abs و اير باج

يفضل يكون سعرها ما بين 140 _160 ألف فى الرنج ده


تنصحونا بايه بقى ؟

رينو لوجان