الموضوع: مشكلة ارجو من الأخوة مساعدتى

السلام عليكم اشتريت عربية بيجو 504 و يا ريتنى ما اشتريت العربية كانت شغاله تاكس و دنيتها خربانة المهم و بقت ملاكى و اتباعت بتوكيل من مالكها الأصلى و الوكيل باع لنا بعقد هى ملاكى بورسعيد و عاوز انقلها دمياط طبعا العربية كانت شبه خالصانه بس شدناها و للاسف فيه مشكلة ان البرومة اكلت جزء من رقم الشاسيه اللى مدقوق ع القايم و مفيش رقم تانى فى الفجوة العربية دى ورتنا الويل و سواد الليل احنا بنعترف ان احنا غلطنا لما اشتريناها بس للاسف يفيد بايه يا ندم المهم الرخصه منتهية العربية مشيت معانا شوية و خربت من وقتها و كانت مركونه لحد السنة دى ربنا ادانا ان انا يدوب نشد و نرخص علطول بس المشكلة ان المرور لما روحت له اول مرة عندنا قاللى فيه رقم مش باين و روح دق رقم الشاسيه فى المرور بتاعها روحت مرورها قالى لازم المرور الجديد يطلب بورق ان هو يدق الشاسيه انا الحقيقة مش عارف اعمل ايه كرهت العربيات كلها و لما رجعت اول مرة من هناك عملنا حادثة و كانت حاجة اعوذ بالله و كانت وقتها الرخصة سارية الكلام ده كان فى سنة 2013 انا دلوقتى مش عارف اعمل ايه اسف جدا انى طولت على حضراتكم بس اعمل ايه من غلبى شكرا جزيلا السلام عليكم

متشكر اوى لاهتمامكم و ردكم السريع