الرخصه انتهت فى 2016/8/6 لكيا سيفيا ملاكى هل يمكن البيع لنفسى الآن....فى شهر المهله

**جمال ابو حماده** · 08-08-2016 02:54 AM

تاريخ انتهاء الرخصه 2016/8/6.....وتاريخ الفحص 2018.......ملاكى الشرقيه.....فهل هناك مهله.....؟ شهر على مايقولون؟.....انا ماشى بتوكيل.....طيب هل ينفع اعمل عقد مسجل خلال شهر المهله....؟ ام لازم ارجع لمرور الزقازيق واجيب شهادة بيانات وخطاب موجه للشهر العقارى...؟ ومن ثم ابيع لنفسى واسجل؟ ثم اعود لنقل الملكيه من مرور الزقازيق لمرور فاقوس....؟
.
هل استطيع انا تجديد الرخصه فى مرور الزقازيق....رخصة السياره المنهيه.....؟ علما بان محل اقامتى فاقوس...؟
هل لو غيرت محل الاقامه ....اجدد بدون....نقل ملكيه او شهادة بيانات....وهل البطاقه الشخصيه يثبت فيها تغيير محل الاقامه ام بتعدى.....؟؟؟ شاكر لكم الرد ....

**svneleven** · 08-08-2016 06:48 AM

حضرتك ممكن تجدد باسم صاحب العربية القديم في مرور الزقازيق لو مكتوب في التوكيل البيع للنفس و الغير و ابلتجديد و الترخيص غير كده انت مضطر تجيب شهادة بيانات موجهه للشهر العقاري بتاعك و تروح هناك تسجل و ترجع علي المرور بتاعك ترخص باسمك و تنقل ملكية و لو هتعمل كده يبقي الاحسن تروح المرور بتاعك تعمل فحص و ترفع بصمة و هيطلب منك مطابقة بصمة تروح علي المرور القديم تطابق بصمة و تعمل شهادة بيانات و مخالفات عشان يبقي مشوار واحد و ترجع علي الشهر العقاري ثم اخيرا المرور بتاع حضرتك ترخص و تنقل ملكية.

**bluemail** · 08-08-2016 08:34 AM

طالما الرخصة انتهت الشهر العقاري هيطلب شهادة بيانات
عموما فاقوس قريبه من الزقازيق يعني مفيش مشكلة ان شاء الله
بالتوفيق

**جمال ابو حماده** · 20-08-2016 08:14 AM

فعلاً ...الشهر العقارى.....طل شهادة بيانات...للبيع والتسجيل....وعموما عرفت معلومه أنه التوكيل بيشطبوا فيه على كلمة التجديد والترخيص....لانه صاحب العربيه المباعه.....لو اشترى عربيه تانيه هيدفع ضريبة ترفيه...350ج تقريبا....ولا أعرف هل هى ضريبه متكرره سنويا أم لا...شكرا لكم...وبالتوفيق

**bluemail** · 20-08-2016 03:55 PM

معلش انت متاكد من ان ضريبة الرفاهية 350 جنيه
اعتقد كانت 60 جنيه تقريبا

**جمال ابو حماده** · 28-08-2016 12:53 PM

لست متأكداً من ضريبة الرفاهيه....لكن لو كانت كذلك..60ج وهو يرفض التجديد بالترحيص فلربما السبب يرجع لان صاحب االسياره الاصلى...عاوز يريح دماغه من اى مسؤوليه قانونيه وهذا حقه...وهذه تؤخذ بعين الإعتبار عند شراء المستعمل....
.......................
نعود للموضوع هل لازم عدد 2 شهادة بيانات....واحده للشهر العقارى بياخدها ولا يردها.....وواحده لمرور فاقوس وهو المرور الجديد
هل هناك غرامه ما .....فى حالة التاخير......الشهر المهله يخلص فى 2016/9/6 فهل مجرد بدئى فى التعامل مع المرور اكون قد لحقت نفسى ام العبره بالنهايه.....ماهى ضريبه السنه والسنتين.والثلاثه ؟..وماهو تامين السنه والسنتين والثلاثه؟؟..كم رسوم التسجيل فى الشهر العقارى ل كيا سيفيا كورى 2001....ماهى مصاريف نقل الملكيه ل حالتى هذه اجمالا.؟..علما انه فى الرخصه القديمه الفحص فى 2018/8/6...فهل تاريخ الفحص فى الرخصه القديمه لا طائل منه ؟؟؟....شكرا لسعة الصدر من جانب حضراتكم

**sherif_mahalla** · 28-08-2016 01:40 PM

نعود للموضوع هل لازم عدد 2 شهادة بيانات....واحده للشهر العقارى بياخدها ولا يردها.....وواحده لمرور فاقوس وهو المرور الجديد بالنسبة لشهادة البيانات معرفش لكن أظن إنه مش بياخد أي أصول
الشهر العقاري مبياخدش غير صور بس
هل هناك غرامه ما .....فى حالة التاخير
حاجات بسيطة
......الشهر المهله يخلص فى 2016/9/6 فهل مجرد بدئى فى التعامل مع المرور اكون قد لحقت نفسى ام العبره بالنهايه
مش عارف
.....ماهى ضريبه السنه والسنتين.والثلاثه ؟
الضريبة المقررة من المرور على سير المركبة المرخصة و هتكون ليك حوالي 750 جنيه لثلاث سنوات
..وماهو تامين السنه والسنتين والثلاثه؟؟
على حسب منتا عاوز ترخص سنه أو سنتين أو تلاته هتدفع الرسوم التأمين الإجباري و هي على حسب السلندر و المحرك يعنى الأربعة ليها سعر و السته سعر و هتبقي في حالتك تقريبا 275 جنيه
..كم رسوم التسجيل فى الشهر العقارى ل كيا سيفيا كورى 2001....
هي بتتحدد حسب الموديل و السلندرات و هتبقى تقريبا 400 جنيه في حالتك
ماهى مصاريف نقل الملكيه ل حالتى هذه اجمالا.؟
من غير موضوع شهادات البيانات دي جهز حوالي 1500
..علما انه فى الرخصه القديمه الفحص فى 2018/8/6...فهل تاريخ الفحص فى الرخصه القديمه لا طائل منه ؟؟؟....شكرا لسعة الصدر من جانب حضراتكم
الفحص بيبقى بعد ثلاث سنوات من آخر فحص لكن بيبقى مطلوب في حالة
نقل الملكية
الحوادث لا قدر الله
و معنى إن الرخصة خلصت و لسة الفحص
إن حضرتك لو معاك توكيل فيه التجديد كنت هتخلص إجرائاتك في نصف ساعة
تدفع التأمين و الضريبة و تجدد سنتين و تروح
لكن كده يبقى هو مكنش دافع غير سنة واحدة
فأنصحك لو مش ناوي تبيع إدفع تلات سنين و خلص دماغك عشان متعيدش الكرة بعد سنة

**جمال ابو حماده** · 29-08-2016 09:36 PM

فعلاً انا موش ناوى ابيع.....لإن السياره فابريكه وانا إتعلمت عليها وبهدلتها ودلوقتى بجدد عفشتها...وهى عربيه جيده جدا....بالمقارنه بمثيلاتها...والحمد لله...وفعلا سوف استمع لنصيحة حضرتك وارخص ثلاث سنوات.....حتى إن بعت فهو تيسير على الشارى....وهو مبدأ حضارى.....انا البائع تعبنى.......وانا كرهت ذلك ..لكننى لن اتعب من سابيع له فى المستقبل.....لمبدأ حب لأخيك ما تحب لنفسك.....شكرا لك استاذى شريف...على المعلومات القيمه....وآسف على الإزعاج....جعل لك الله ذلك فى ميزان حسناتك.....ورطلب أخير....ان تعطينى رابط....للكيا ...سيفيا...أقوم فيه برفع الصور لصيانة اجزاء اقوم به بنفسى.....مثل تغيير فلتر او عمة هواء الموتور....تركيب المقبض.....الخ....من الاشياء البسيطه التى لا تحتاج متخصص...ولكونى على درايه بتلك الاشياء من خبرات سابقه...وقد سعرت بعض اجزائها...على سبيل المثال.....فلتر الهواء.....للكيا سيفيا...40ج......مقبض او اكره الباب....80ج....كورى الصنع....و راس الكوبلن الداخلى ب 250ج ...والراس الخارجى ب 180 ج.....والمساعدين امامين وخلفيين....ب 1800 المساعد الواحد ب 450 ج يابانى الصنع.......ودى جوله كانت فى الزقازيق ونتيجتها استقريت على تغيير الكوبلن كاملا استيراد من الاسماعليه ان شاء الله.....وال 4 مساعدين سوف يكونو جديد....طبعا .وان جدد جديد سوف انشره للاستفاده....شكرا لك وتحياتى