فاتوره التليفون الارضي جت 500 جنيه !!!!!!

**ahmad--ezzat** · 10-08-2016 10:01 AM

يارجاله الفاتوره بتاعت التليفون الارضي اللى فى البيت عندي جت 500 جنيه...مع ان الاتصالات قليله جدا ويكاد يكون مفيش استخدام للارضي
المهم رحت استفسرت لقيت 400 جنيه تقريبا مسابقات ومكالمات صوتيه !!!!!!!
وطبعا انا قافل الدولي والموبيلات
قلت الخط مسروق...عملت محضر وجت لجنه وفتحوا الكابينه وشيكو ومالقوش ان الخط مسروق !!
مش عارف اعمل ايه تاني المشكله فين !!!!!!!
هل ممكن الموضوع بيجي بالغلط زي مخالفات المرور وافاتوره الكهربا

**م أحمد** · 10-08-2016 10:38 AM

و هو لو الخط مسروق هيبقى من الكابينة !!!

شوف البوكس اللى جنب البيت خاصة لو حد عارف انك بتسيب البيت

و ممكن الأولاد و انت مش موجود يعملو كدة

**ahmad--ezzat** · 10-08-2016 10:40 AM

المشاركة الأصلية كتبت بواسطة م أحمد

و هو لو الخط مسروق هيبقى من الكابينة !!!

شوف البوكس اللى جنب البيت خاصة لو حد عارف انك بتسيب البيت

و ممكن الأولاد و انت مش موجود يعملو كدة

انا اقصد البوكس اللى جنب العماره فعلا
مفيش حد عندي فى البيت للاسف له فى الكلام ده وده اول شهر تيجي الفاتوره بالشكل ده

**eslamrace** · 10-08-2016 09:10 PM

حضرتك حتعمل شكوى في السنترال وبعد كده حيقولك ادفع رسوم بتاع حاجه وعشرين جنيه ويترد عليك خلال مده معينه اول لما المده تخلص وطبعاً من غير حل حتكلم الجهاز القومي لتنظيم الاتصالات غالباً علي رقم ١٥٠ من التليفون الأرضي وتبلغهم اللي حصل وأنك لاغي الخدمة الصوتية ومع ذلك جت عليك فاتوره بالرقم ده حيسجلوا الشكوى وحيردوا عليك خلال ١٥ يوم وان شاء الله تتحل المشكله

انا كان عندي حاجه شبيهه لكده كان جايلي ٨٠ جنيه تلغراف واحنا عمرنا مبعتنا حاجه زي دي كلمناهم وطبعاً لازم تدفع الاول فكلمونا بعديها ب ١٣ يوم وقالوا حيتخصم المبلغ من الفواتير الجايه