تجربه شراء كاوتش جديد - انتهت ب Pirelli P7

**islam_mongy** · 13-08-2016 09:04 PM

أصدقائي الأعزاء
نشرت من ٤ - ٥ ايام طلبا للمشوره في شراء كاوتش جديد لل IX35 مقاس ٢٢٥ / ٦٠ R17
للأسف لم يرد علي احد بالنصيحة
قررت البحث بدقه بنفسي و الاجتهاد
اولا كان قراري بالابتعاد عن الماركات المجهولة ثم كان قراري بالابتعاد عن الكوري (كومهو و هانكوك أشهرهم) بدافع التغيير و البحث عن الأفضل
اول شئ: ماحدش فاهم حاجه في السوق و كله بيفتي
ثانيا: الاّراء في المنتدي متضاربة .. و تنبع غالبا من التجارب الشخصيه .. و هذا مهم و لكن ليس كافيا
ثالثا: هناك معايير العالم كله يتحدث عنها عند اختيار العجلات .. غالبا احنا ماسمعناش عنها قبل كده .. هذه المعايير هي:
1- EU Label indicators (الورقه الملزوقه علي الكاوتش و فيها ألوان) .. ترمز الي الآتي:
استهلاك البنزين (Rolling Resistance) -- أحسنهم A و أسوأهم G
ثم Wet Grip مسافه التوقف عند الفرامل (الفرق بين كل درجه ٣ متر عند الفرامل تقريبا)
ثم Noise level - الصوت الصادر عن العجل
هذا فيديو توضيحي بسيط لل EU label
EU tire label explained | Goodyear car tires
2- Traction تماسك العجل عند الفرامل .. و أحسنهم AA يليه A
3- الحمولة و السرعه: 88H مثلا او 99V و اعتقد ان كثيرا من المقالات استفاضت في شرحها
طبعا كل ذلك بجانب المقاس و تاريخ انتاج الكاوتش
رابعا: اصحاب محلات الكاوتش بيفتوا .. و واحد منهم ملقاش المقاس اللي انا عاوزه كان عاوز يديني مقاس اعرض و يقوللي أحسن .. طبعا ما سمعوش عن تأثير تغيير مقاس العجل و ما يجب ان يراعي حتي لا يؤثر علي السياره و علي عداد السرعه .. أي كلام !! طبعا رفضت.
خامسا: الانترنت مليانه تقارير و reviews عن الاطارات و تقدر تطلع منه برأي مبدئي عن أحسن الأنواع ..و أشهرهم
Tyre reviews, tests and ratings - Tyre Reviews
أحسن الأنواع هي:
Bridgestone, Goodyear, Continental, بدون ترتيب Pirelli, Dunlop, Michelin
و تليها باقي الماركات

كان اختياري بين البيريللي P7 و الكونتيننتال .. حيث ان بقيه الماركات لا يوجد منها هذا المقاس في مصر
كانت مواصفات البيريللي و ال reviews أحسن عند مقارنته بالكونتيننتال (بالنسبة للموديل الخاص بمقاسي و ليس علي الإطلاق)
و بالنسبة للسعر كان السعر الرسمي واحد تقريبا .. و ان كان الكونتيننتال موجود عند الوكيل فقط (شركه تاير برو) .. بعكس البيريللي موجود عند اكثر من ٨ موزعين معتمدين .. و تمكنت من العثور علي سعر جيد من احدهم مع تاريخ انتاج معقول (٨ شهور) و صناعه ألماني و توكلت علي الله.
الخلاصه: تجربه مؤلمه و مزعجه بسبب الفتي
من فضلكم ابحثوا و قارنوا بين العجل علي حسب المواصفات الفنيه و ال reviews ... و لا تستمع لنصائح بتوع الكاوتش

**ahmedfor3** · 13-08-2016 09:50 PM

تسلم على التجربه

**Mohamed Desoky** · 13-08-2016 11:48 PM

السلام عليكم ورحمة الله وبركاته شكرا على المعلومات القيمه ؟بس فى الاخر مش فاهم تجربتك حصل فيها ايه هل البريللى فى مشكله انتى كتبت معلومات كويسه فى الاول بس مش فاهم النهايه ؟؟؟؟؟؟؟؟؟؟؟؟؟؟؟؟؟

**islam_mongy** · 14-08-2016 05:34 AM

آسف علي عدم الوضوح
انا قصدت بالتجربة المزعجة هو البحث و السؤال و اللف علي بتوع الكاوتش و عدم الثقه في معلوماتهم
بالنسبة للكاوتش: انا لِسَّه مركبه امبارح.. سأوافيكم برأيي بعد الاستخدام فتره كافيه .. و ان كنت طبعا ملاحظ فرق شاسع في الثبات و الفرامل و الملفات

**adel_edrees** · 15-08-2016 12:15 AM

ماجدش فاهم حاجة فى الكاوتش و كله بيفتى عالم الكاوتش عالم مظلم فى مصر يسيطر عليه مجموعة من التجار الجهلاء عموما الستة الكبار هم كونتنتال و جوديير و بيريللى و ميشلان و بريدجستون و دانلوب ممكن نقشة فى الكومهو تلاقى تقييمها أعلى من تقييم نقشة (موديل) من الستة الكبار
Tyres by Brand - Tyre Reviews

**islam_mongy** · 15-08-2016 10:59 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته انتى ماكتبتش سعر الكاوتش كام لانى بدور على نوع كويس عايز فردتين جداد امامى فى حدود الف ج يدوب عرفت احوشهم فى جمهورية مصر العالميه ياه على الرفاهيه اللى عايشين فيها يامصر ربنا يرحمنا ؟ المهم قبل ما الالف ج تضيع وقبل العيد والمدارس احسن المدام مش هتسبهم هتفتح ليهم اى سكه مش هتغلب انا اللى هغلب انى اعرف اكسر فلوس تانى مش بقولك عايش مدلع ؟ عايز نوع اكس من الهانكوك لانه تعب فى عام ونص و25 الف كيلو وصناعة اول 2015 وخرب بدرى مقاس 14 <60<185 ياريت حد يقولى على نوع محترم فى جمهورية الغشاشين المصريه ؟

طبعا السعر حسب المقاس
في المقاس بتاعي 225 / 60 r17 الالف جنيه تجيب كوري )كومهمو او هانكوك او نكسن()
انا جبت البيريللي ب ١٦٠٠ للفرده بطلوع الروح
الكونتيننتال ب ١٨٠٠
الميشلان تقريبا مش موجود ... و اللي عنده عاوز يبيعه ب ٢٠٠٠ و انت طالع
مرحبا بكم في مصر
و بكره تشوفوا ماسر

**Mohamed Desoky** · 15-08-2016 11:14 PM

شوفناها ولبسنا كويس ؟كده يبقى مش هركب كاوتش لان الالف مش هتجيب غير فردتين كورى مشكوك فيهم هانكوك جاربته وزفت والكومهو زفت يبقى مش هركب كاوتش ونشيل الفلوس للمدارس وتحيا ماسر تحياماسر ؟

**AlGazar2** · 16-08-2016 05:45 AM

الف جنية تجيب فردتين محترمين مقاس 14 و 15 كمان

مقاس ال ix مقاس كبير و نادر الى حد ما فغالى جدا طبعا

انما 14/60/185 مقاس متواجد و صغير فموجود منه فى كل الانواع تقريبا من احسنها لاسوءها