العربية بتنزل زيت فتيس اعمل ايه لسة جايباها ؟

**Lolo86** · 18-08-2016 09:06 PM

السلام عليكم

معلش يا جماعة حدوشكم تانى معايا

انا اشتريت عربية فيات مستعملة 128 موديل 77

ولسة يدوب مكملتش شهر ولسة بتعلم

قبل ماشتريها وديتها لميكانيكى وشكر فيها وبيارة بصى عليها من تحت

طبعا شكروا فيها وقلولى خديها وانتى مغمضة عنيكى دى احسن واحدة فى اللى شفناهم

ومتغير المساعدين بتوعها وعفشة جديدة ومشدووودة جامد

جيتها ب 18000

كانت تمام وكويسة بس سافرت 15 يوم اللى فاتوا

وانا مسافرة اتصل بى اخويا قالى عربيتك بتنزل زيت من تحت

وفى واحد قاله ده خطييير جدا لانه احتمال يكون يااما زيت فتيس او موتور

طبعا جيت من السفر وجبت الميكانيى اللى اصلا قالى اشتريها وكويسة

قالى ده زيت فتيس

وان فى جوان اتقطع لااازم ازود الزيت دايما وابص عليه كل اسبوع

ياما احل الفتيس ب 150 جنيه وارتاح من الموضوع ده

طبعا اضايقت وقلتله وده مظهرش ليه من الاول اشمعن اما سافرت

قالى لانك ركنتيها كتير فكانت زمان نقطة واحدة مش باينة بعد فترة بقت بقعة كبيييرة

وظاهرة دلوقتى فى سؤال

ايه رايكم هل امشى عادى بيها وازود الزيت دايما ولا احل الفتيس واخلص

وسؤال تانى ليه بتاع البيارة ملاحظش ده من قبل ماشتريها لانى مكنتش اشتريتها

وهل كدة صاحب العربية غشنى لانه قالى مفهاش ولا عيب

يمكن كان رابط الجوان عشان ميبانش الزيت وبعدين رجع زى الاول

صاحب العربية اللى اشتريتها منه ميكانيكى يعنى اكيد عارف كويس ان كانت بتنزل زيت

طبعا الميكانيكى قالى ده عمرها الافتراضى

اعمل ايه ؟ وانا اصلا لسة بقول ياهادى وبفكر ابيع العربية لانى مصدومة

**amr011111** · 18-08-2016 10:26 PM

العربيه موديل 77 يعنى بقالها 39 سنه وبالتالى طبيعى كل شويه هتظبطى فيها حاجه. الموضوع بسيط والافضل تغيرى الجوان والميكانيكى مع بعض

**Lolo86** · 18-08-2016 10:50 PM

المشاركة الأصلية كتبت بواسطة amr011111

العربيه موديل 77 يعنى بقالها 39 سنه وبالتالى طبيعى كل شويه هتظبطى فيها حاجه. الموضوع بسيط والافضل تغيرى الجوان والميكانيكى مع بعض

يعنى هو غلط انى اجيب عربية موديل قديم ؟؟؟؟؟؟؟؟؟؟؟؟

طيب ليه الميكانيكى قالى خديها ؟؟؟؟؟

ايه الميكانيكى دى ؟ يعنى احل الفتيس ولا ايه؟

**sherif_mahalla** · 18-08-2016 10:57 PM

هتبيعيها عشان ١٥٠ جنيه زيت فتيس
أمال اللي بيصرفوا عمرة كاملة بعد ما يشتروا و لا اللي بتطلع رشة دواخل و مغيره نص و لا موتور
لو ده هو العيب الوحيد
يبقى مضحكش عليكي و لا حاجة
بس انتي قلتي الدبرياش تقيل
يمكن اللي بيسرب ده السبب

**Lolo86** · 19-08-2016 12:06 AM

المشاركة الأصلية كتبت بواسطة sherif_mahalla

هتبيعيها عشان ١٥٠ جنيه زيت فتيس
أمال اللي بيصرفوا عمرة كاملة بعد ما يشتروا و لا اللي بتطلع رشة دواخل و مغيره نص و لا موتور
لو ده هو العيب الوحيد
يبقى مضحكش عليكي و لا حاجة
بس انتي قلتي الدبرياش تقيل
يمكن اللي بيسرب ده السبب

لا طبعا مش عشان 150 جنيه

لا عشان صاحب العربية غشنى ومقالش انها بتنزل زيت

واكيد فيها بلاوى تانى وانا بنت مش حروح واجى عالميكانيكى

الدبرياج علهولى الميكانيكى و حطله زيت و بقى اخف

بس لسة مطلعتش بيها لغاية دلوقتى عشان اتاكد انه بقى كويس

ولسة دلوقتى حالا العربية مدورتش طلعت البطارية بازت

ومحتاجة اغيرها ب 500 شفت العيوب اللى من اول شهر ؟

**م أحمد** · 19-08-2016 12:22 AM

فتيس ايه اللى يتحل علشان بتجيب زيت !!!....يا اما دى 128 غير اللى نعرفها!!!

الفتيس لو بيجيب زيت هيبقى من 3 اماكن فقط و الاتنين لا علاقة لهم بحل الفتيس نهائيا لانه مالوش جوان زيت

المكان الأول من كاوتشة اسمها كاوتشة المزيكا رابطة بين دراع الغيارات اللى فى الصالون و جسم الفتيس تمنها 5 جنيه و تغييرها 25 ج مثلا و دى اوطى نقطة فى الفتيس

المكان التانى مكان حساس المارشدير او الرجوع الى الخلف ...الكاوتش اللى فيه بتضرب تمنه 25 جنيه و تغييره 10 ج

و فى مكان تالت و هو طبة الفتيس اللى بيتزود منها الزيت و دى نادر لو سربت زيت

فى برضه كاوتشة الكوبلن و دى اللى بتحتاج فك جنب او جانبين من العفشة مش تنزيل الفتيس بالكامل مصنعيتهم 80 مثلا بخلاف تمن الكاوتش

تمن لتر زيت الفتيس 15 ج و بياخد 4 لتر لو فاضى

ابعدى عن الميكانيكى دا و اعتبره المشكلة نقطة تعارف على المعاملة و نصيحة شوفى ميكانيكى امين بيشتغل بايده و بيحترم العربية...و لما تحصل مشكلة تسيبى العربية له و ترجعى بعد ما يخلصها و الا هتتعبى

**Lolo86** · 19-08-2016 12:50 AM

المشاركة الأصلية كتبت بواسطة م أحمد

فتيس ايه اللى يتحل علشان بتجيب زيت !!!....يا اما دى 128 غير اللى نعرفها!!!

الفتيس لو بيجيب زيت هيبقى من 3 اماكن فقط و الاتنين لا علاقة لهم بحل الفتيس نهائيا لانه مالوش جوان زيت

المكان الأول من كاوتشة اسمها كاوتشة المزيكا رابطة بين دراع الغيارات اللى فى الصالون و جسم الفتيس تمنها 5 جنيه و تغييرها 25 ج مثلا و دى اوطى نقطة فى الفتيس

المكان التانى مكان حساس المارشدير او الرجوع الى الخلف ...الكاوتش اللى فيه بتضرب تمنه 25 جنيه و تغييره 10 ج

و فى مكان تالت و هو طبة الفتيس اللى بيتزود منها الزيت و دى نادر لو سربت زيت

فى برضه كاوتشة الكوبلن و دى اللى بتحتاج فك جنب او جانبين من العفشة مش تنزيل الفتيس بالكامل مصنعيتهم 80 مثلا بخلاف تمن الكاوتش

تمن لتر زيت الفتيس 15 ج و بياخد 4 لتر لو فاضى

ابعدى عن الميكانيكى دا و اعتبره المشكلة نقطة تعارف على المعاملة و نصيحة شوفى ميكانيكى امين بيشتغل بايده و بيحترم العربية...و لما تحصل مشكلة تسيبى العربية له و ترجعى بعد ما يخلصها و الا هتتعبى

والله انا مش بفهم كويس فى العربيات بس هو قالى كدة

عموما حغير الميكانيكى ده

بس سؤال تانى هو غلط امشى بيها وهى بتنزل زيت ؟؟؟؟؟؟؟؟؟؟؟

**svneleven** · 19-08-2016 06:20 AM

لا مش غلط طالما بتزودي الزيت علي طول. لكن مش مستحب لان ممكن تسريب الزيت يزيد بعد كده. حضرتك ما تكبريش الموضوع المهم تشوفي ميكانيكي امين قريب من حضرتك يحل الموضوع و تتعاملي معاه بعد كده علي طول. و دي مشاكل بسيطة في كل العربيات.

**Colin Chapman** · 19-08-2016 07:21 AM

المشاركة الأصلية كتبت بواسطة م أحمد

فتيس ايه اللى يتحل علشان بتجيب زيت !!!....يا اما دى 128 غير اللى نعرفها!!!

الفتيس لو بيجيب زيت هيبقى من 3 اماكن فقط و الاتنين لا علاقة لهم بحل الفتيس نهائيا لانه مالوش جوان زيت

المكان الأول من كاوتشة اسمها كاوتشة المزيكا رابطة بين دراع الغيارات الجلبة النحاساللى فى الصالون و جسم الفتيس تمنها 5 جنيه و تغييرها 25 ج مثلا و دى اوطى نقطة فى الفتيس

المكان التانى مكان حساس المارشدير او الرجوع الى الخلف ...الكاوتش اللى فيه بتضرب تمنه 25 جنيه و تغييره 10 ج

و فى مكان تالت و هو طبة الفتيس اللى بيتزود منها الزيت و دى نادر لو سربت زيت

فى برضه كاوتشة الكوبلن و دى اللى بتحتاج فك جنب او جانبين من العفشة مش تنزيل الفتيس بالكامل مصنعيتهم 80 مثلا بخلاف تمن الكاوتش

تمن لتر زيت الفتيس 15 ج و بياخد 4 لتر لو فاضى

ابعدى عن الميكانيكى دا و اعتبره المشكلة نقطة تعارف على المعاملة و نصيحة شوفى ميكانيكى امين بيشتغل بايده و بيحترم العربية...و لما تحصل مشكلة تسيبى العربية له و ترجعى بعد ما يخلصها و الا هتتعبى

فعلا يا افندم الجلبة النحاس بتاعت دراع الغيارات او كاوتش الكبالن الداخلى وبعد كده تغير زيت فتيس فالفالينا تقيل علشان الفتيس ميونش او يجعر !!

**م أحمد** · 19-08-2016 11:45 AM

المشاركة الأصلية كتبت بواسطة colin chapman

فعلا يا افندم الجلبة النحاس بتاعت دراع الغيارات او كاوتش الكبالن الداخلى وبعد كده تغير زيت فتيس فالفالينا تقيل علشان الفتيس ميونش او يجعر !!

الجلبة دى بين الملعقة واول الفتيس بتبقى بارزة من الفتيس....و دى الدراع بتاع الغيارات بيدخل و يخرج منها ... مكانها رخم جدا و شحط كاوتشة المزيكا دى فيها ارخم و ارخم...المصنعية بتاعتها اد تمنها 5 او 6 مرات....اسمها مزيكا علشان التعاريج بتاعتها شبه الاوكورديون بتروح و تيجى مع حركة الغيارات....الكلام مش ليك انت طبعا :)