اجيب فيرنا ولا افيو اوتوماتيك

**amrmovie** · 22-08-2016 03:47 PM

السلام عليكم

انا اختياراتى انحسرت بين هيونداى فيرنا اوتوماتيك 2017 و شيفروليه افيو اوتوماتيك 2017

انصجونى بأيه ؟

**Lolo86** · 22-08-2016 03:53 PM

ربنا يوفقك يارب

**gemy1990** · 22-08-2016 05:23 PM

انا لو مكان حضرتك هجيب حاجه مستعمل علشان حرام ادفع المبلغ دا في عربيه مفيهاش حتى اربجايه واحده توحد ربنا

**gemy1990** · 22-08-2016 05:36 PM

لو علشان قسط انا عمي معاه افيو 2008 على كلامه فيها مشكله في التكيف كل سنه تقريبا بيغير الكومبروسر ممكن تكون مشكله فرديه او هو بيبالغ و سقتها بالنسبه ليا "معايا شاهين" حسيت سواقتها رخمه القوايم كانت مضيقاني في الرؤيه بس اكيد مع التعود هتاخد عليها اتأكد من موضوع التكيف دا و لو تمام انا شايفها احسن من الفيرنا بكتير ك ركوبه بس قطع غيار اكيد اغلى خلي بالك من النقطه دي و ربنا يكتبلك الي فيه الخير و مبروك مقدما

**Yehya Badr** · 22-08-2016 06:26 PM

عايز النصيحة لوجة اللة عيد النظر في العربيتن : الأفيو عربية تعبانة بكافة المقاييس ولم تنجح في مصر ! الفيرنا دلوقت اخر سنة يعني عربية بواقي ! و لو لازم يعني واحدة من دول جيب أي حاجة تانية مستعملة بسعر الزيرو

**amrmovie** · 23-08-2016 12:34 PM

المشكله ان اسعار العربيات ناااااااااااااار و دول اللى ممكن اجيبهم اقل من 135000 جنيه

انا اشتريت مستعمل من سنه و قرفت من حاجه اسمها مستعمل لانك مش عارف المالك السابق كان بيسوق ازاى او بيصينها صح ولا اى كلام

**micromoud** · 23-08-2016 05:43 PM

فيرنا اوتوماتيك

**borio1704** · 23-08-2016 06:25 PM

لو ما عندكش اختيارات تانية... يبقى الفيرنا بدون شك..

أول مشكلة معروفة عن الآفيو هي الصدأ.. وبالذات عند الرفارف من تحت ... وممكن كمان من عند البربريز..

تاني مشكلة.. التكييف.. أول حاجة بتضرب في العربية هو كمبريسور التكييف... وعمره لا يتعدى 3 سنوات على الأكثر... وسعره جديد لا يقل عن 2000 جنيه.

ثالث حاجة... الأمان... والآفيو زي اللانوس بالضبط... بتتحول لكومة صاج مع أقل حادثة... والآفيو لو أخدت نجمتين (من خمسة) في اختبارات الحوادث يبقى كويس قوي.. مع العلم بإن الفيرنا واخدة 3 نجوم.

رابع حاجة.. أداء العربية... فرق السحب كبير جدا... وده كمان بيأثر في استهلاك البنزين.

خامس حاجة.. الاعتمادية بشكل عام... كون الآفيو إنتاج شركة جنرال موتورز فده لوحده كفاية إنك تبعد عنها... مشاكل وأعطال ... على عكس الفيرنا...

عمرك شفت آفيو تاكسي؟؟؟؟؟

كفاية كده.

...