الموضوع: سؤال ضروووري: ايه الفرق بين كيا ريو ٢٠١٦ و ٢٠١٧ ؟؟

المشاركة الأصلية كتبت بواسطة abdelrahmansa

طب حكاية انها مركونة بقالها سنة دي تقلق؟؟ و هل في فرق في الموتور او الفيتيس او اي فرق تاني؟؟؟ و شكرا لاهتمام حضرتك

لا مفيش تغيير من ناحية الميكانيكا إطلاقا..

يجوز فيه فرق في شكل الاكصدام قدام وورا... بس مش متأكد ده كان نزل من 2016 ولا 2017.


بالنسبة للركنة ما تقلقش منها.. في الآخر بتاخد نفس العربية في الحالتين... مع فرق صغير.. إن الأجزاء الكاوتش في العربية القديمة هتبدأ تشقق أو تتحلل قبل العربية الجديدة بحوالي سنة.

وتقدر تعتبر إن ده هو السبب الرئيسي في نزول سعر العربيات المخزنة.. طبعا بالإضافة إلى إن العربية "اسمها" موديل سنة فاتت.. وده أكيد بيفرق كمان في سعر إعادة البيع.. خصوصا خلال أول 3 سنين من عمر العربية.

على فكرة.. موضوع تحلل وتشقق الكاوتش ده عادي وبيحصل في كل العربيات بدون استثناء... سواء كنت بستخدم العربية أو راكنها.

وهو ده السبب في إن معظم العربيات بتبدأ تفتح بقها في الصيانة بعد 5 سنين... لإن الأجزاء الكاوتش بتبدأ تظهر مشاكلها بعد 5 سنين.


...