الموضوع: تقطيع السيارة

السلام عليكم
انا معايا نوبيرا 1 موديل 1998
العربية من شهرين تقريبا بقت بتنتش علي الطريق وبتحبط علي المطبات وساعات بتبطل
ومرتين قطعت تماما وعشان ادورها فضلت ساند بنزين حوالي دقيقتين ( في المرتين العامل المشترك ان البطرية فصلت فكيت الكابل وركبته حصل انها مش عايزة تدور غير بسندة بنزين طويلة)
وسحب العربية ضعيف وصوتها عالي بعد 2500 لفة في الدقيقة
النهاردة غيرت بوجيهات ونضفت حساس الهوا وغيرت فلتر بنزين وهوا
ولسه الوضع ذي ما هو
بالعكس ازداد سوء
وفي رجفة وانا ممور العربية والار بي ام بيقعد يعلي ويوطي والعربية بتبقي علي وشك تبطل وساعات بتبطل فعلا

من المتهم رقم 1 للعيب ده؟؟؟؟؟
وشكرا مقدما

انا فعلا غيرت النهارده سلوك وبواجي وموبينه
حتي الان تمام
بس وانا باركن عملت حركة كده قلقتني
حاسس اني هانزل دلوقت الاقيها رجعت تاني

ربنا يستر
لو رجعت الشك هيروح لحساس الكرنك او tps او الايدل او الرشاشات
المشكلة اني كاشف كمبيوتر ومافيش غير الموبينه اللي طلعت error
ربنا يستر وسيتم موافات الجميع بكل جديد لعلها تنفع احد
وشكرا للاهتمام والمجهود وربنا مايورينا في كهربتنا حاجة وحشة