برجاء الرد للاهميه و لضيق الوقت

**mohamed_taha** · 04-09-2016 04:54 PM

السلام عليكم

افيدوني بالله عليكم عايز اجيب عربيه في حدود ال 200 الف لحد 210,000 انا مشواري كل يوم رايح جاي 140 كيلو متر من هضبه الاهرام للعبور و عايز عربيه اسريه عندي ولدين و بسافر في الصيف كتير تنصحوني بي ايه

انا معجب بالداستر بس المشكله انها مانيوال مش عارف اجيبها و لا في حاجه احسن

ملحوظه : بلاش الصيني

**احمد فهمى** · 04-09-2016 05:12 PM

ايلانترا او سيراتو انسب عربيه لك واستهلاكك وقطع غيار فكل مكان وبيعها سهل وملهمش مشاكل

**دعبدالرحيم** · 05-09-2016 02:42 AM

بعد التيوتا كورولا مفيش عربيه تتركب

**hanyyacot** · 06-09-2016 04:27 PM

رينو فلوانس انسب اختيار ليك , عربية واسعة صالون وشنطة , وعالية عن الارض وامان عالى abs و فرامل ممتازة , فيها محدد ومثبت سرعة للسفر , ثبات هايل على الطريق فى السرعات العالية , صاج تقيل و مصفحة من تحت , استهلاك للبنزين موفر جدا

**borio1704** · 06-09-2016 05:09 PM

بالنسبة للاستخدام المكثف اللي حضرتك وصفته.. يبقى لازم تركز في الياباني والكوري فقط..

أي عربية أوروبية هتزعلك قوي...

سيبك من الكلام الفاضي بتاع الثبات والحاجات اللي الناس بتحاول تقنع نفسها بيها دي.. أغلب العربيات مش بتفرق عن بعض نهائي طول ما انت ماشي في حدود 100-120 كم/س... وحتى لحد 150... عربيات كتير بتثبت نفسها.. مش شرط تكون أوروبية.

بالنسبة لموضوع السفر...

لو حضرتك محتاج مساحة كبيرة علشان بتاخد معاك حاجات ما تتحطش في شنطة عربية سيدان (عجل للأولاد مثلا).. فيبقى حضرتك محتاج عربية mpv أو suv...

للأسف... مفيش SUV محترمة بالمبلغ اللي حضرتك حاطه...

يبقى نخلينا في الـMPV

ممكن تروح على سوزوكي إرتيجا... هي سبعة راكب بس تقدر تنيم الكرسيين اللي ورا ويبقى عندك مساحة رهيبة للتخزين... عيبها الوحيد هو موتورها الضعيف إلى حد ما.

أنا شخصيا أفضل إنك تروح على كيا كارينز الجيل اللي فات (موديل 2012)... عربية واسعة جدا.. والشنطة الخلفية كبيرة جدا جدا.

صحيح هي قديمة شوية.. بس مميزة جدا.

...