مشكله فى نوبيرا 2 اوتوماتيك وعاوز الخلاصة

**zendo** · 05-09-2016 02:23 AM

عندى مشكلة غريبة بقالها مده وهى ان العربية لو مشيت بيها فترة كده تنتش على الطلعة كده يعنى من وضع الثبات واجى اتحرك ادوس بنزين تقطع او متسحبش كان حاجة بتصدها او مكتفاها غيرت بوجيهات وسلوكها وعملت الجوان وغيرت زيت الموتور ونفس القصة وصوتها عالى فى المشى انما سلانسية لا هى بتعمل الموضوع ده لما تسخن وامشى بيها شوية تبتدى تعمل كده انما وهى باردة لا وهى اتوماتيك كهربا كورى موديل 99 فتيس كهربا بتقرفنى دايما فى الزحمة لان بقف وامشى تقعد تقطع او متسحبش تنتش كده بتاع 4 او 3 مرات ولازم مضغطش على دواسة البنزين جامد علشان اسايسها وبعد كده تمشى عادى ارجو الافادة ضرورى علشان مجبش حاجة والبس تمنها

**mbx4e** · 05-09-2016 04:20 AM

حطها على جهاز سكانر كشف اعطال موتور وفتيس وخد تقرير مطبوع على ورق بأرقام واكواد الاعطال الاول عشان نقف على ارض ثابته في حل المشكله وماتكشفش عند واحد بيديك النتيجه شفوي لانه غالبا بيشتغل بطريقة عشوائية وبيوفق البرامج بتاعته على متطلبات السوق وهنا بيعتمد على خبرته والموضوع يخش في تخمينات وسكة التجربة والخطأ زي نظام صنايعية اليومين دول

**دعبدالرحيم** · 05-09-2016 04:52 AM

الفتيس دا بسببه خسرت كتير وفي الاخر بعت العربيه..لو هي غالية عليك اقلبها مانيوال وانسي العك بتاع الفتيس دا..

**bluemail** · 05-09-2016 09:35 AM

الخلاصه ، الفتيس يتغير

**zendo** · 05-09-2016 06:42 PM

انا مغير فتيس قريب من كام شهر ومعتقدش انة فتيس لانة بينقل عادى جدا ومفيش لمبة بتنور سواء تشيك او باور هى المشكلة لما العربية امشى بيها مده او تسخن تبتدى تنتش وتكن كده على الطلعة بس وبيزيد لما اشغل التكييف بتعملها 3 او اربع مرات وبعد كده العربية ماشية عادى اهدى او اقف امشى من الثبات تعمل الحركة دى وتمشى عادى فيه ناس قالولى موبينة او طرمبة بنزين بتودع وعلى فكرة فيه ملحوظة ان العربية وهى باردة بتبقى خشنة شوية وصوتها عالى لكن مع المشى بتنعم وصوتها يهدى نسبيا انتم ايه رايكم

**som3a2** · 06-09-2016 01:01 PM

المشكله دي مع واحد صاحبي في لانسر بومه 2006
وكله قال طرمبة بنزين

**salam100100** · 06-09-2016 01:45 PM

انا مش عارف هيفيدك الموضوع دا ولا لا

http://www.nilemotors.net/Nile/491643-2001.html

احنا محتاجين نحدد المشكله فالموتور ولا الفتيس دى اول خطوه

**borio1704** · 06-09-2016 03:13 PM

أعتقد المشكلة في الحساسات...

جرب تستخدم منظف دورة الوقود (منظف البخاخات).. ممكن تأثر في تنظيف الحساسات وأحيانا كتير بتجيب نتيجة مبهرة.

بس الموضوع عايز تستخدم المنظفات دي كل فترة (كل 5000 كم أو مع غيار الزيت).

...

**salam100100** · 18-09-2016 12:24 PM

اعراض طرمبه البنزين بتبان اكتر على السرعات العاليه- التقطيع بيبان اكتر على السرعات العاليه

لو ظهرت على السرعات الواطيه انا بحطه رابع احتمال بعد حساس الايديال والبوجيهات حساس ال tps وال map

ياريت تبلغنا وصلت لايه؟ مشكلت حضرتك مشكله متكرره فعربيات كتير