يا جماعه انا معايا كيا بيكانتو 2012 حد يفيدنى بعد اذنكم

**Magdy amir** · 08-09-2016 10:31 PM

ياجماعه العربيه تمام لما بتكون بارده مجرد ما بتسخن من المشى و كدا الموتور بيسخن جدا و المروحه بتشتغل لكن مبتفصلش انا فضلت اعد جانبها نص ساعه المروحه شغاله مبتفصلش لان العربيه مولعه رغم ان لمبه الحراره مش منوره انا معنديش مؤشر لكن هى لمبه و لما بتسخن كدا بتاثر على السحب و بتبدا انها تتخنق و تسقف فى الطلعه على الغيار الاول او على التانى و لو شغلت التكييف فى الظروف دى بيسقع و الكمبروسر شغال لكن لو فصل الجو بيبقى حر رغم ان التكييف شغال انا مش فاهم فى ايه ليه سخنه اوى كدا و ليه المروحه اعدت كل الفتره دى ؟؟؟ حد يفدنى دا ممكن يكون من ايه العربيه الزين بتاعها تمام الميه تمام و لسه عامله صيانه ال 50.000

**م/أحمد عبد الفتاح** · 08-09-2016 11:08 PM

هل هى كانت كده قبل الصيانة ولا بدأت الموضوع ده بعد الصيانة ؟وايه اللى تم فى الصيانة ؟

**Magdy amir** · 08-09-2016 11:26 PM

المشاركة الأصلية كتبت بواسطة م/أحمد عبد الفتاح

هل هى كانت كده قبل الصيانة ولا بدأت الموضوع ده بعد الصيانة ؟وايه اللى تم فى الصيانة ؟

اه قبل الصيانه كانت بس مش كدا بالتحديد الموضوع بدا فى مره و هى لسه 49000 و شويه ان لمبه الحراره نورت مره واحده بقيت اسبها تبرد و بعد كدا اكمل روحت بيها سبتها قالولى حاجه اسمها ايدل و تنضيف بوابه و غيرو سرموستات المروحه لانها اتحرقت حتى ساعتها العربيه باتت عندهم اكتر من 3 ايام و فضلو يجربوها و لما وحت استلمتها قالى تمام احنا غيرنا و ظبطنا كدا تمام و انت جرب لو ظهر حاجه تعال و من ساعتها مظهرش حاجه الا دلوقتى و انا عامل 52000 يعنى بقالى 3000 كيلو كانت طبيعيه بس و الصيانه تغير زيت و فلتر بس

**م/أحمد عبد الفتاح** · 08-09-2016 11:47 PM

طيب مستوى المية انت بتقول كويس يبقى إحتمال كبير إن ثرموستات الكوعة قافش وهو قافل وعلشان كده بيسخن العربية - وعموماً المشى بيها كده حايبوظ حاجات تانية كتير واولهم الثرموستات وبعد كده المشاكل حاتخش عالجوان والموتور فماتمشيش بيها كده إلا وانت رايح لميكانيكى كويس متخصص فى العربيات دى يفكلك الثرموستات ويكشف عليه وده بإنه يحطه فى حلة ميه سخنة لدرجة الغليان ويسيبة شوية وبعدين يحطة فى مية باردة عادية ويشوفه هل فيه حركة (القلب بيتمدد وينكمش يعنى) ولا ثابت لو كان مافيش تغيير بين المية السخنة والباردة يبقى باظ وتغيره على طول.

**م/أحمد عبد الفتاح** · 09-09-2016 03:46 AM

ممكن تكون المية ناقصة - الصبح قبل ماتدور العربية افتح وشوف المية ناقصة ولا تمام ولو ناقصة ومعندكش سائل تبريد بنفس اللون اللى فى العربية كملها بمية مقطرة او من التكييف مؤقتا لغاية ماتشوف هل السخونة راحت ولا لأ - اوعى تفتح الغطا بتاع المية والعربية سخنة لازم تكون باردة خالص