طريق الساحلى لدخول المعموره

**عمرو ابو الفرح** · 11-09-2016 11:36 PM

سلام عليكم
عاوز اعرف لو سمحتم فى طريق لدخول المعموره من الدولى الساحلى من غير مادخل من جوه اسكندريه؟وبالتفصيل لو سمحتم
انا جى من بورسعيد واول مره اجرب بعربيتى الطريق

**فتح الباب** · 12-09-2016 12:12 AM

تفضل ماسك الدولى على طول لغاية ما توصل بلد اسمها ادكو هتلاقى مجموعة كافتريات على يمينك وانت رايح اسكندريه هناك اسأل على دخلة ابو قير على شان ما تعديهاش وبمجرد ما تاخد دخلة ابو قير اصبحت فى المعموره ........ بكل بساطه

**م/أحمد عبد الفتاح** · 12-09-2016 01:21 AM

حاتفضل ماشى عالدولى لغاية مخرج ميامى تدخل فيه يمين وتخلص الطريق ده لأخره وتدخل بعد مايخلص يمين طوالى ماتسيبهوش لغاية مايخلص حتلاقى قدامك محطة قطارالإصلاح ومزلقان مقفول - تدخل شمال وتمشى على طول لغاية ماتلاقى أول مزلقان يمين هو ده مدخل المعمورة الشاطئ

**عمرو ابو الفرح** · 30-09-2016 08:44 PM

لو عاوز اروح لحديقه حيوان النزهه من المعمورره...هل فى طريق كويس بعيد عن الكورنيش

**م/أحمد عبد الفتاح** · 30-09-2016 09:13 PM

حاتطلع من مزلقان المعمورة الشاطئ يمين وبعد كده تانى يوتيرن شمال تلفها وتدخل تانى يمين (عالناصية مطعم سمك مش فاكر اسمه ) وعلى طول فى الشارع ده لغاية اخره وبعدين يمين وتفضل ماشى حوالى ٥ كم لغاية ماتلاقى كارفور على شمالك تلف اليوتيرن اللى بعده شمال وبعدين تدخل يمين قبل كارفوروعلى طول لغاية ماتلاقى صينية تعديها وعلى طول مش يمين ولا تلف الصينية على طول حاتطلع اول كوبرى ( كوبرى العوايد ) وبعدين تطلع تانى كوبرى (كوبرى ابيس) وتمسك الحارة اليمين واول مخرج من الكوبرى يمين تنزل منه حاتطلع عالزراعى يمين وتفضل ماشى عالزراعى لغاية ماتلاقى المحافظة الجديدة بعدها تدخل يمين فى طريق ١٥ مايو (اللى فيه جرين بلازا) حاتعدى فوق كوبرى ١٥ مايو وتكمل على طول لغاية ماتلاقى صينية تلف معاها وماتكملش على طول وتخش يمين فى الشارع بتاع زهران( اتجاه واحد) لغاية اخره حتلاقى حديقة الحيوانات قدامك .