أفضل اختيار لسياره من 125000 : 150000

**moh.arafat** · 22-09-2016 07:32 PM

السلام عليكم
دى اول مشاركة ليا على المنتدى وان كان المنتدى بالنسبه ليه هو مصدر مهم جدا برجعله كل ما احتاج اعرف معلومه عن العربيات .

اول عربيه ركبتها كانت سكودا موديل قديم وبعدها فيات باليو ومعايا رينو لوجان 2012 ناوى ابيعها على اخر السنه واشترى عربيه جديده ، وكنت عاوز اعرف ايه افضل الاختيارات المتاحه لعربيه من 125000 : 150000 الف جنيه .

أنا بحب العربيات الاوربى اكتر بحسها عربيات بجد .. بس معنديش مانع انى اغير لحاجه اسيوى بس مش عارف ايه افضل الاختيارات من حيث الاسعار والكفاءه والامان والصيانه دول اهم اربع عوامل هحدد على اساسهم .

اكيد هنا فيه ناس كتير مهتمه بالموضوع ده فلو يقدروا يفويدونى يبقى كتر خيركم جميعا .

تحياتى

محمد عرفات

**hamsik303025** · 22-09-2016 07:51 PM

لو مفيش مشكلة استعمال بالنسبالك ممكن بي ام دبليو e46 2004 2005 هتبقي عاملة 150 145 الف هتتعب شوية لحد م تلاقي حالة كويسة بس هتبقي راكب عربية محترمة و بالسعر ده ممكن الهاي لاين منها كمان.. و ربنا يوفقك لكل خير

**moh.arafat** · 28-09-2016 05:09 PM

المشاركة الأصلية كتبت بواسطة hamsik303025

لو مفيش مشكلة استعمال بالنسبالك ممكن بي ام دبليو e46 2004 2005 هتبقي عاملة 150 145 الف هتتعب شوية لحد م تلاقي حالة كويسة بس هتبقي راكب عربية محترمة و بالسعر ده ممكن الهاي لاين منها كمان.. و ربنا يوفقك لكل خير

شكرا لردك واهتمامك .. بس بفضل حاجه زيروا .. انا تحركاتى كتير وموضوع الصيانه وقطع الغيار مجهد ومنهك للغاية

**MADMIDO** · 28-09-2016 05:15 PM

ممكن شيري تيجو الجديده عل فتيس cvt و فيها اوبشنز رهيبه و suv و ب 155 الف

**hamsik303025** · 29-09-2016 01:53 PM

ممكن الجيلي و لو ان انا مبفضلهاش ف ممكن عليك و علي الصني الجديدة معرفش ايه دنيتها بس ياباني و عاملة مبيعات جامدة او ممكن رينو لوجان او سانديرو و كلهم خيارات اظن انها احسن من أي حاجة صيني و ربنا يكرمك و يوفقك لكل خير يارب