مغامرتي مغ 307 الحيوانة

**ahmed197319** · 24-09-2016 06:12 AM

بعد 14 يوم من العذاب (شراء) 307 اعتقد انه كان قرار سئ للغايه شراء 307. 14 يوم متواصله من التعب فيوز باور ضرب و بعد مداولات اتصلح تمام وبعدين حساس الكرنك ضرب و العربية مش عاوزه تدور و برضه اتصلح تاني
غير طقم بوجيهات وصنايعيه حرامية و ياريتهم بيفهموا و اخيرا لسه مغير علبة الدركسيون و طبعا لازم اروح مركز متخصص عشان تعريف سوفت وير طلمبة الباور مع علبة الزفت ولسه جلبة مقص يمين و بعدين ضبط زوايا و ترصيص
ايه التخلف العقلي ووجع القلب اللي انا عايشه ده
الحمد لله الذي لا يحمد علي مكروة سواه

**tasaka** · 24-09-2016 06:53 AM

معلش .. ان شاء الله تتظبط و تريحك

دائما العربيه فى اول فتره من شرائها بييجى لها مشترين كتير .. و لو نفسك قفلت منها جامد .. يبقى بيعها و ريح اعصابك

**fares_311** · 24-09-2016 08:00 AM

معلش كل المستعمل كده.زبطها وحدة وحدة واستمتع بيها

**nodey** · 24-09-2016 10:08 AM

كل الاوربي متعب وخصوصا الفرنسي

**م أحمد** · 24-09-2016 12:38 PM

هدى أعصابك علشان ما تقفلش من العربية ما فيش حد عربية مريحاه يبيعها بالساهل

المفروض قبل ما تشتريها بتكون عامل فحص شامل عند مركز خدمة متخصص بيطلع لك كل العيوب فى العربية

الحاجة التانية اللى هى دلوقتى لا تتعامل الا مع مختص بيجو فقط

تغيير زيت فلاتر بوجيهات انما الباقى لازم متخصص

**ahmed197319** · 26-09-2016 12:39 AM

يا جماعة و الله كشفت قبل ما اشتري عند مركز متخصص بس الحمد لله قدر الله و ماشاء فعل و شكرا لكل حضراتكم

**egyptiandiver** · 26-09-2016 01:59 AM

قدامك حلين... يا تزبط الموجود يا تبيع و تطلع الصداع من دماغك. و نصيحة أخوية، أما تجيب عربية بعدها إن شاء الله في مصر... يا إما ياباني أو كوري.

**م أحمد** · 26-09-2016 02:01 PM

المشاركة الأصلية كتبت بواسطة egyptiandiver

أما تجيب عربية بعدها إن شاء الله في مصر... يا إما ياباني أو كوري.

الموضوع طويل للرد على النقطة دى....بس هى مقولة لولا إختلاف الاذواق لبارت السلع...و ممكن تشوف اراء ملاك العربية دى على الجروب

و بالنسبة للاخ صاحب الموضوع واضح من الكلام مش هيريحه الا عربية زيرو ..حتى لو مستعمل يابانى مش هيريحه

**MADMIDO** · 26-09-2016 02:56 PM

انا عربيتي من الركنه بتتعبني و كل شويه عايزه قطع تتغير بس اهم شي خلي الناس الي بتفهم تبص عليها و ظبطها و اانشاء الله تخلص عل خير

**ahmed197319** · 28-09-2016 02:08 AM

الحمد لله رحت مركز بيجو المتخصص بتاع الاسطي زكريا في الزاويه و ضبطها علي الاخر
و كل اللي اخده 400 جنيه بس
و بعد كده بعت العربيه عشان كنت قفلت منها جدا
شكرا جدا لكل الساده الافاضل اللي تكرموا و ردوا عليا
جزاكم الله خير