الموضوع: بالدليل : تويوتا مصر تكذب

فى البداية أؤكد الاتى
1- حاولت مع ادارة تويوتا مصر كل الطرق الودية لحل المشكلة و رفضوا.
2- انى اختارت العنوان لانى عندى الادلة تدعم الكلام اللى هيتكتب فى البوست ده و انا متاكد من نزاهة و حكمة السادة الاعضاء لارشادى لكيفية التصرف
اشتريت عربية تويوتا كورولا 2016 من سمير ريان من حوالى شهرين و قبل شراء قمت بمعاينة العربية معاينة دقيقة جدا اربع مرات.
وبعد استلام العربية قلت اتأكد من تويوتا مصر ان العربية سليمه من تحت و طلبت من التويوتا مصر عمل كشف بيع و شراء بأكتر من 700 جنيه و بعد 10 أيام استملت عربية مشية 144 كيلو و انا سلمت العربية كانت مشية 122 كيلو (ده مثبوت في الفاتورة)
قلت للمندوب اللى بيسلم العربية ليه الفرق ده ؟ قال لى كانت بتتجرب فاستلمت فعلا تقرير مختوم يؤكد ان العربية سليمة 100 في 100
بعدها باسيوعين راحت اغسل العربية فى البنزينه و لقيت واحد من اللى بيغسلوا العربية بيقولى ان فيه حاجة شكلها مش تمام في العربية في الجنب اللى روا. بصيت فعلا لقيت حاجة شكلها معمولة جديد و ما كنتش موجوده وقت ما استملت العربية من عن سمير ريان !!!
و كلمت تويوتا مصر لكن ما كنتش فيه استجابة رحت راسلت تويوتا البايان بالصور فيها مكان التعديل , لقيت تويوتا مصر بتكلمنى و قولوا هات العربية و بالفعل اخدت العربية في مركزين للصيانة بتوع تويوتا مصر و قالوا ان ده التقفيل التركى و العربية سليمه بس انا محسوك شويه!
و لان الكلام كان غير مقنع رفعت عربيتين من نفس الموديل في البنزيه و لقيت ان الاتنين زى بعض بالملي و عربيتى مختلفه عنهم . بعت لتويوتا اليابان و جاء الرد الاتى من مدير قسم علاقات العملاء في تويوتا اليابان (ترجمته من الإنجليزية ):

" السيد الفاضل هانى:
بعد فحص الشكوى المقدمة ضد تويوتا مصر، أبلغتنا شركة تويوتا مصر ان العميل قام بشراء السيارة من موزع غير معتمد لتويوتا مصر و بعد فحص السيارة في مركز خدمة تويوتا مصر تبين حدوث تعديل في الجانب الأيمن من السيارة يختلف عن ضبط المصنع و هذا التعديل تم باستخدام مواد غير اصلية و على العميل الرجوع الى الموزع غير المعتمد"

انتهى رد الشركة تويوتا اليابان


1-طب ازاى تويوتا مصر سلمت لى تقرير مختوم بتقول العربية سليمه وراحت بعتت لتويوتا اليابان كلام بيقول العكس
2- ازاى تقول على سمير ريان موزع غير معتمد
السؤال : هل حماية المستهلك هياخد وقت طويل لفحص الشكوى ؟ و هل في طريقة اسهل و اسرع من حماية المستهلك ؟





تم غلق الموضوع تمهيداً لحذفه بناءاً على طلب منشئه لحدوث تسوية مع الشركة
م ع 7

طيب الحاجة المعمولة جديد دى ممكن تفصيل عنها حضرتك