اسمحولي اكون معاكم واحاول مساعدتكم

**أحمد جودة** · 01-10-2016 02:04 PM

السلام عليكم ورحمة الله وبركاتة ...... اخواني الاعزاء انا كان معايا سكودا فليشيا 96 لمدة 3 سنوات وانا موجودج بالقسم للرد على الاستفسارات على قدر معلوماتي ........ واتمني الافادة للاعضاء جميعا وياريت يكون اجري عبارة عن دعوي بصلاح الحال او اي دعوة

ملحوظة السيارة الحالية شيري 2006
والسابقة سكودا فليشا 96 لمدة 3 سنوات

**app_saleh** · 11-10-2016 03:23 PM

يا اخ احمد انا شاكر جهودك بس ياريت توضح لنا كيفية زيادة زيت الفتيس بدون ما يتعطل عداد السرعة لانه بعض الاعضاء خوفونا من العملية دية وياريت صور كمان

**Diaa33** · 12-10-2016 01:42 AM

1_دواسة البنزين تقيلة والسحب ضعيف وبشم ريحة بنزين فالعربية والاستهلاك بتاعه عالي جدا ممكن اللتر يعمل من 4 ل 5 كيلو !!!
2_القربة المية اللي فيها بتقل من الماكسيمم لل منيمم لو مشيت بيها نص ساعة مثلا بلاقي المية مليانة عادي بس بعد م بركنها يومين الاقيها نزلت لل منيمم
3_بدور العربية الصبح بلاقي تقطيع بسيط فالدوارة كدة
4_العربية مش بتسخن بسهولة مؤشر الحرارة بيتحرك عادي بس بحس بياخدله 10 دقايق على ميبدا يتحرك دا طبيعي ؟؟
معايا فليشيا 9اسف عالاطالة

**أحمد جودة** · 20-10-2016 11:00 AM

المشاركة الأصلية كتبت بواسطة ahmed metwaly

ايه يا استاذ احمد انت غني عن التعريف وطبعا حضرتك المكان مكانك

اشكرك استاذ احمد متولي على ذوقك

**أحمد جودة** · 20-10-2016 11:05 AM

المشاركة الأصلية كتبت بواسطة app_saleh

يا اخ احمد انا شاكر جهودك بس ياريت توضح لنا كيفية زيادة زيت الفتيس بدون ما يتعطل عداد السرعة لانه بعض الاعضاء خوفونا من العملية دية وياريت صور كمان

والله صور مش ممكن دلوقتي علشان معنديش العربية

لكن الموضوع ببساطة مسمار 8 بيتفك وتحرر سلك السرعة بهزة يمين وشمال برفق وتزود الزيت عادي جدا لحد مايظهر من فتحة التزويد وبعد كدة بتركب الواير مرة تانية

وملحوظة لاي واحد عندة مشكلة مع واير السرعة ..... فك وايرالسرعة من الفتيس وبعد كدة فك التاابلوة هتلاقي الواير مشدود من السوكت بتاعة والسوكت عبارة عن مشبك بتدخلة فى السوكت وتقفل التابلوة وبعد كدة بتركبه فى الفتيس .... وبدة نكون حلينا مشكلة ناس كتير بتعاني من واير السرعة

**أحمد جودة** · 20-10-2016 11:18 AM

المشاركة الأصلية كتبت بواسطة diaa33

1_دواسة البنزين تقيلة والسحب ضعيف وبشم ريحة بنزين فالعربية والاستهلاك بتاعه عالي جدا ممكن اللتر يعمل من 4 ل 5 كيلو !!!
طيب واحدة واحدة .... بتشم بنزين فى الصالون ولا قصدك ريحة العادم نيئ .... لو العادم نيئ يبقي عندك مشكلة فى الحرق ودة اللى بيقلل سحب العربية وبيزيد من استهلاك البنزين
ومنظومة الحريق هيا البوجهات والسلكك الخاص بيها والكاربيراتير والموبينة والمشط

وانا برجح ول شيئ تنضف الكاربيراتير وبعد كدة اظبط كهربا وشوف النتيجة

2_القربة المية اللي فيها بتقل من الماكسيمم لل منيمم لو مشيت بيها نص ساعة مثلا بلاقي المية مليانة عادي بس بعد م بركنها يومين الاقيها نزلت لل منيمم

راجع على الردياتير والخراطييم والوصلات واتاكد من عدم وجود اي تسريب وبعد كدة نتكلم فى الخطة التالية
3_بدور العربية الصبح بلاقي تقطيع بسيط فالدوارة كدة

لما تظبط الكاربيراتير والكهرباء مش هيكون فيه مشكلة

4_العربية مش بتسخن بسهولة مؤشر الحرارة بيتحرك عادي بس بحس بياخدله 10 دقايق على ميبدا يتحرك دا طبيعي ؟؟

مفيش مشكلة ان المؤشر يرفع على مهلة بس المهم يكون مظبوط والحرارة مبتعديش النص ومراوح التبريد تكون شغالة
معايا فليشيا 9اسف عالاطالة

تحت امرك فى اي استفسار حاول تعمل غسيل للكاربيراير وتعيد ظبط الكهرباء ومش هتلاقي اي مشاكل