الموضوع: اعاده تكويد اسكترا بور استرنج فى جيتا 2007

المشاركة الأصلية كتبت بواسطة gho_ah

الزملاء الاعزاء خبراء الفولكس بعمل اعاده تكويد للبور استرنج لسيارتى جيتا 2007 - 1600 سى سى عن طريق كابل فاج وعايز الكود بعد اذنكو

اديني مواصفات عربيت بالكامل ، او صوري التكت الملزوق تحت فرش الشنطة صورة حلوة و انا اديلك الكود

المشاركة الأصلية كتبت بواسطة odin

م صلاح واستاذ gho-ah بعد اذنكم انا كنت بتابع موضوع قديم ليك بخصوص اعطال على الكمبويتر فى جيتا ٢٠٠٧ وكام م صلاح قالك شيك على خطوط الفاكيوم الموضوع ده بيحصل معايا نفس الاعطال على الكمبويتر مع لخبطه فى المكنه وبيدينى الاعطال نفسها وبتنور لمبة asr وطبعا مش لاقى ميكانيكى فاهم والموضوع ده مبرجل العربيه جدا اتمنى من حضرتك تقولى حليت المشكله ازاى ولو نصيحه من م صلاح

عربيتك نوعها ايه و موديل ايه و كود المكنة ان امكن ؟

المشاركة الأصلية كتبت بواسطة odin

م صلاح عربيتى جيتا ٢٠٠٧ ومش عارف كود المحرك انا صاحب الموضوع حضرتك رديت عليا فيه وقولتلى تلات نقط منهم الكشف على الفاكيوم بالذخان انا عمال اروح مراكز عشان حد يعملى الكلام ده كل واحد بينفذ التشخيص اللى فى دماغه ويطلع غلط وحاجه اخر بهدله واقولهم موضوع الفاكيوم والهوا والكلام ده مفيببش فايده كله شايف رايه صح والا نبقى بنتعدى عليه... حضرتك ممكن تفيدنى بحد اروحله ينفذ الكلام اللى انت اقترحته؟!

للأسف انا بره مصر . مش هقدر افيدك لان ما اعرفش حد
انما انا ممكن اساعدك عن طريق الواتس اب و الفايبر و ممكن احاول اساعدك بالطريقة دي و اخليك تعملها بنفسك
اكتبلي رقمك على الخاص و انا هساعدك باذن الله

تحياتي

المشاركة الأصلية كتبت بواسطة tasaka

ماكينه الدخان دى معرفش فيه حد بيجيبها مصر ام لا .. يمكن علشان كده موش بينفذوا ليك طلبك

فيه طريقه تانيه بينفذوها بره مصر .. اختبار باستعمال غاز البروبان ( موش غاز البيوتان ) .. بس فيها خطوره على ما اعتقد و بينفذها ميكانيكى محترف



و فى طريقه عن طريق استعمال جهاز الاعطال .. دى مؤكده 100% بس بشرط تسريب الفاكيوم يكون بسيط ( موش تسريب ضخم )

فيه حاجه اسمها stft و حاجه اسمها ltft

لو مفيش تسريب فاكيوم .. يبقى قراءه ltft حتكون فى حدود الصفر او 2% او 3%

لو فيه تسريب فاكيوم .. ملخص الطريقه انه بيستعمل قراءه او منحنى ltft ) long trim fuel trim ) مع قراءه او منحنى عدد لفات الموتور

لو فيه تسريب فاكيوم .. المفروض مع زياده عدد لفات الموتور تدريجيا يبدأ رقم ltft فى الانخفاض تدريجبا .. عند النزول بلفات الموتور الى السلانسيه يبدأ رقم ltft فى الارتفاع تدريجيا الى قيمته السابقه


اقرأ الرد ده لتفسير الطريقه بتفصيل اكبر
http://www.nilemotors.net/nile/3876099040-post60.html

و اقرأ من صفحه 5 و 6 و 7 لو عايز تعرف زياده عن الموضوع ده
http://www.nilemotors.net/nile/490769-a-5.html

مين في مصر هيعرف يعمل الكلام ده ع الجهاز الا القليل
من واقع خبرتي على مواقع التواصل الاجتماعي (الفيس / و المنتديات) للسيارات في مصر الصناعية ، معظم الصنايعية اللي حتى متخصصين بيشتغلوا في كل العربيات و ما فيش تخصص ، و الواحد منهم تلاقيه اتجرأ على عربية فولكس مره و مشيت معاه زي الفل ، راح فاتح محل لصيانة فولكس

الا طبعا القليل و ده يمكن 1 او 2 و الباقي كله ميكانيكي على ما تفرج


انا بس كل اللي بيقهرني اصحاب العربيات اللي اللي بتضحك عليه و اللي بيدفع دم قلبه و بردوا ما بيوصلش للنتيجة المطلوبة ، علشان البيه الميكانيكي بيشغل دماغه شوية .