محتاج ميكانيكى امريكانى شاطر بالقرب من الهرم او فيصل

**Schwarzenegger** · 05-10-2016 08:29 PM

السلام عليكم
أرجو مساعدتى فى ميكانيكى أمريكانى شاطر وبيفهم بالقرب من فيصل او الهرم وياريت تليفونه
عربيتى كرايسلر نيون 1997 بتسخن جامد والمية بتغلى فى القربة وفى نقص من الدورة بالرغم من عدم وجود تسريب ظاهر

**ahmed_eng2001** · 11-10-2016 01:57 PM

كان فيه ميكانيكى كويس بالقرب من نزلة شارع الببينى ....

من الشرح المبدأى ... عربية حضرتك فيها جوان وش سلندر او مشكلة فى دورة التبريد ....
فيه دخنة بيضاء بتطلع مع العادم ؟ فيه فقاعات هواء كتير بتخرج من فتحة الردياتير مع الدوارة ؟ او لما بتزود بنزين ؟

**Schwarzenegger** · 12-10-2016 01:33 AM

المشاركة الأصلية كتبت بواسطة ahmed_eng2001

كان فيه ميكانيكى كويس بالقرب من نزلة شارع الببينى ....

من الشرح المبدأى ... عربية حضرتك فيها جوان وش سلندر او مشكلة فى دورة التبريد ....
فيه دخنة بيضاء بتطلع مع العادم ؟ فيه فقاعات هواء كتير بتخرج من فتحة الردياتير مع الدوارة ؟ او لما بتزود بنزين ؟

ياريت توصفهولى ... ولو موجود تليفونه واسمه ...مفيش دخنة خالص ... لما بتبقى سخنة المية بتفور يعنى بترغى مش بتغلى يعنى بتبقى عاملة رغاوى زى بتاعة الصابون اما وهى باردة الصبح مش بتعمل حاجة وكمان فى عندى فرقعة بسيطة فى الشكمان لما بزود وانا واقف واسيب بتظهر بعد مااسيبوحاسس ان العزم والسحب قل شوية بسيطة او يمكن الاستجابة لضغطة البنزين مش بقت سريعة زى الاول وبتبطل احيانا لما بدوس فرامل وبتقرب تقف او وانا بسيب الفرامل عشان اتحرك وخصوصا مع الحمل زى لف الدركسيون ... كده يبقى ايه جوان ؟

**ahmed_eng2001** · 12-10-2016 01:46 PM

مش حيتعرف جوان و لا لأ ... الا بالكشف الفعلى ...
و للأسف .. الكلام ده كان من زمان .... المنطقة هناك اتغيرت خالص ... و انا مش معايا رقم تليفون الميكانيكى ده

فيه محمود توفيق جنب الدائرى فى العمرانية .. كويس جدا و ده كمان انا مش معايا رقم تليفونه بس ممكن اوصفهولك

**Schwarzenegger** · 13-10-2016 04:46 PM

المشاركة الأصلية كتبت بواسطة ahmed_eng2001

مش حيتعرف جوان و لا لأ ... الا بالكشف الفعلى ...
و للأسف .. الكلام ده كان من زمان .... المنطقة هناك اتغيرت خالص ... و انا مش معايا رقم تليفون الميكانيكى ده

فيه محمود توفيق جنب الدائرى فى العمرانية .. كويس جدا و ده كمان انا مش معايا رقم تليفونه بس ممكن اوصفهولك

ياريت توصفهولى ياباشا وتقولى أخبار مصنعيته وهل شاطر وبيشتغل فى كرايسلر نيون ولا لأ ؟
ومتشكر جدا لتعاونك

**ahmed_eng2001** · 14-10-2016 12:12 AM

اشهر 2 ميكانيكية فى الجيزة .... محمود امين ... و محمود توفيق ... محمود توفيق يبان انه تنك اوى و معندوش وقت و عنده شغل كتير ... و كان بيشتغل فى كل العربيات ... و كمان كان بيشتغل فى عربيات غريبة و مش منتشرة !!!!

و انت على الدائرى .. جاى من الهرم و رايح اتجاه التجمع الخامس ... قبل نزلة المنيب ... فيه اعلان كبير للسلاب ... هو تحت الاعلان ده .... ممكن تسيب العربية على الدائرى و تنزل تسأله توصله ازاى بالعربية علشان صعبة شوية فى الوصف
ممكن تسأل على مركز شباب المنيب .... و هناك ممكن تسأل عليه و ناس كتير حتدلك ان شاء الله

**Schwarzenegger** · 16-10-2016 12:03 AM

المشاركة الأصلية كتبت بواسطة ahmed_eng2001

اشهر 2 ميكانيكية فى الجيزة .... محمود امين ... و محمود توفيق ... محمود توفيق يبان انه تنك اوى و معندوش وقت و عنده شغل كتير ... و كان بيشتغل فى كل العربيات ... و كمان كان بيشتغل فى عربيات غريبة و مش منتشرة !!!!

و انت على الدائرى .. جاى من الهرم و رايح اتجاه التجمع الخامس ... قبل نزلة المنيب ... فيه اعلان كبير للسلاب ... هو تحت الاعلان ده .... ممكن تسيب العربية على الدائرى و تنزل تسأله توصله ازاى بالعربية علشان صعبة شوية فى الوصف
ممكن تسأل على مركز شباب المنيب .... و هناك ممكن تسأل عليه و ناس كتير حتدلك ان شاء الله

تقريبا عرفت مكانه ... طيب ومحمود امين فين ؟