كمبيوتر اعطال a516

**force522** · 10-10-2016 02:33 PM

الساده الاعضاء اتوجه اليكم بتحيه و شكرا على الاستفاده من هذا الجروب ثانيا عندى مشكله فى a516 موديل 2009 ياريت حد يفدنى فيها العربيه مش بتدور غير بالمفتاح الماستر فقط ولاتدور بالمفتاح المصطنع و فيه لمبة فى التابلوه منوره تقريبا بتاعة السيرفيس ذهبت للتوكيل ابو الفتوح حطها على الكمبيوتر لم تقراء و قال لى ان العربيه محتاجه كمبيوتر اعطال جديد بحوالى 6000 جنيه تقريبا علما بأن العربيه ماشيه زى الفل هل الكلام ده صحيح برجاء الافاده ناس بره قالتلى ممكن يكون الكمبيوتر مغلق بفعل المالك السابق للسياره خاصة انه كان بيأجرها ومش قادر اوصله عشان اسأله افيدونى جزاكم الله خيرا

**dvdaio15** · 10-10-2016 03:21 PM

بخصوص مشكله المفتاح لازم المستر عشان بكون فيه شفره جواه مش هيدور عير بيه اى مفتاح تعمله هيفتح العربيه لكن مش هيدورها خالص لان فيه فحمه متشفره لازم تعملها عند بتاع مفاتيح مشفره بالحهاز
الحاحه تانيه لمضه الصيانه ممكن يكون حساس او حاجه ويتمسح من كمبيوتر او تجرب تشيل كابلين بطاريه لمده دقيقه مثلا وتلمسهم ببعض وممكن تطفى تكون مسجله عطل فبل كده لكن لو كمبيوتر العربيه بايز هتلاقى فيها مشاكل تانيه كتير وسيبك من التوكيل عايز ياخد فلوس وخلاص تروح لكهربائى نطيف عنده ضمير يخطها على جهاز ويشوف اه المشكله
كمان لو لمضه المنوره عتدك بتاعه علامه المفتاح الاحمر ده بتتشل عادى بتحط كنتاكت ودوس على زرار تصقير العداد وتشيل ايدك وتدوس بسرعه على زرار طبط ساعه مع زرار تصفير العداد وهتخفى

**miam0502788391** · 10-10-2016 08:46 PM

روح لمحمد حسن فى اكتوبر يمكن يفيدك

**tasaka** · 11-10-2016 09:57 AM

روح لواحد بتاع اعطال و يكون بيشتغل اسبرانزا .. و شوف الجهاز عنده حيقرأ العربيه و لا لا

و لو لم يقرأ خليه يبص على فيشه ال obd او كهربائى يتأكد انها شغاله

**hugan** · 11-10-2016 05:29 PM

الكمبيوتر كله باليمبلويزر مش هايكمل 500جنيه
وطبيعي ان العربيه ماتدورش غير بمفتاحها الاصلي

**miam0502788391** · 15-10-2016 06:19 PM

المشاركة الأصلية كتبت بواسطة ahmed_eng2001

فين محمد حسن ده ؟؟؟؟

محمد حسن كان شغال فى التوكيل ومن الناس اللى سمعتهم طيبة وعنده امانة فى الشغل
المركز بتاعه اسمه سنتر المختار فى 6 اكتوبر
ممكن تدخل على جروبات الاسبرانزا وتطبي رقم تليفونه
وعلى العموم هو له صفحة على النت بسم محمد حسن والبروفايل بتاعه مكتوب عليه اوريجينال