Audi A3 2010 DSG

**Kapoox** · 13-10-2016 01:10 AM

في عرببيه Audi A3 2010 قدامي للبيع ..
حالتها العامه كويسه .. راشه جانبين فقط
ماشيه 152 ألف
أعلى فئه فتحه سقف.. بانوراما.. شيفتات في الطاره .. ليدات خلفيه و اماميه و زينون
ماتور 1400 تربو ..
نيجي بقى للفتيس اللي هو مخوفني ( DSG )
سعره عموما يرعبك لو فكرت انك تقول اجيب العربيه و لو حصل نبقى نشوف التوكيل ..
سعره 122 ألف !!!!! ا
نت بتدفع 62 ألف و التوكيل بيشيل الباقي ( ده طبعا في حاله المواظبه على الصيانات )
سمعت معلومه و هي دي اللي عايز أتأكد منها ..
أن فتيس الـDSG ملوش مشاكل مع الماتور الـ 1400 تربو اللي بيولد 122 حصان أنما بيعمل مشاكل مع الماتور الـ1400 تربو اللي بيولد 144 حصان .. هل الكلام ده حقيقي ؟؟؟
العربيه سهرها لقطه و الراجل ساكن معايا في الشارع و عارفين بعض و هو سواقته هاديه وكده كده هنكشف في التوكيل ..
فا عايز رأيكم .. و هل فعلا موضوع ان مفيش مشاكل مع الماتور ده مع الفتيس ؟
هو بيقولي انه مكنش بيحصل مشاكل في الجولف 6 الماتور ال 1400 تربو 122 حصان .. فهل الكلام ده حقيقي ؟
مفيش مشاكل في الجولف الـ 1400 تربو 122 حصان ؟؟ اصل لو مفيهاش مشاكل الـDSG يبقى الكلام صح لأنه نفس الماتور ..
أرجو أرجو المساعده انا العربيه عاجباني أوي و مخوفاني اوي اوي اوي

**sherif_mahalla** · 13-10-2016 09:51 PM

ابعد عن الشر و غنيله
مفيش دخان من غير نار
الباب اللي يجيلك منه الريح
سده و استريح

**Ayman_saad** · 13-10-2016 10:59 PM

حضرتك بتقول أنها عاملة 152 ألف كيلو ، صح كده
وألي أنا أعرفة وقريته وسمعته أن الفتيس ألي فيه المشاكل مش بيوصل لل ٧٠ ألف كيلو غير ويكون باظ ،
يبقي الفتيس ده مش هو الفتيس بتاع المشاكل ،
دي مجرد وجهة نظر لا أكثر ولا أقل ، أنا مش بحيرك ولا حاجة ، أحنا بنفكر بصوت عالي شوية ، وربنا يوفقك في ماتتمناه .

**Kapoox** · 14-10-2016 04:32 AM

المشاركة الأصلية كتبت بواسطة sherif_mahalla

ابعد عن الشر و غنيله
مفيش دخان من غير نار
الباب اللي يجيلك منه الريح
سده و استريح

هعمل كده فعلاً .. بس العربيه مغريه و حلوه اوي

**Kapoox** · 14-10-2016 04:36 AM

المشاركة الأصلية كتبت بواسطة Ayman_saad

حضرتك بتقول أنها عاملة 152 ألف كيلو ، صح كده
وألي أنا أعرفة وقريته وسمعته أن الفتيس ألي فيه المشاكل مش بيوصل لل ٧٠ ألف كيلو غير ويكون باظ ،
يبقي الفتيس ده مش هو الفتيس بتاع المشاكل ،
دي مجرد وجهة نظر لا أكثر ولا أقل ، أنا مش بحيرك ولا حاجة ، أحنا بنفكر بصوت عالي شوية ، وربنا يوفقك في ماتتمناه .

في ناس باظ معاها من ٢٠٠٠ كيلو مش ٢٠.٠٠٠ لا ٢٠ بس
و ناس لحد انهارده تمام و ناس بعد ال ١٠٠.٠٠٠
هو الفتيس عامل زي الواد بتاع المشاكل بس لامم نفسه لحد ما تنكشه بس

بس هو ال DSG اللي اعرفه عنه انه بيبوظ عموماً بخض النظر عن الماتور .. وده اللي بحاول اعرفه،، هل في مشاكل معينه مع مواتير معينه ولا مع اي حاجه ..
الله يكرمك و يكرمنا و يوفقنا للاصلح

**JapRuleZ** · 14-10-2016 09:23 PM

دور على العمر الافتراضى للفتيس ممكن يبقى 200 الف مثلا لعله يكون سبب بيع العربيه
ساعتها اعمل حسابك انك هترمى العربيه فى الزباله
نصيحتى ليك اعمل test drive ل honda civic

**AHMEDJUDDY** · 15-10-2016 03:02 PM

لوجه الله ابعد عن ال dsg ،، هتزعل اوي و نفسك هتفقل من العربيه لما يبوظ لانه كدا كدا هيبوظ ...

**mummy_47** · 15-10-2016 08:13 PM

مفروض ان فولكس بتدي ضمان مدى الحياه على الفتيس ....اسال في التوكيل بالهوت لاين

**AHMEDJUDDY** · 16-10-2016 02:45 PM

المشاركة الأصلية كتبت بواسطة mummy_47

مفروض ان فولكس بتدي ضمان مدى الحياه على الفتيس ....اسال في التوكيل بالهوت لاين

يا استاذي مع كامل الاحترام لكلام سيادتك ،، حتي لو الكلام صح والضمان مدي الحياه ،، انا بدفع فلوس علشان اريح دماغي و اركب عربيه تريحني ،، مش كل شويه اروح بيها التوكيل وحتي لو مش هدفع مليم احمر في التوكيل ، لازمته ايه وجع الدماغ ،، ولما التوكيل يأخد العربيه هركب انا ايه لحد ما يصلحها و يسلمهالي ،، انا بدفع فلوس علشان ارتاح مش علشان اوجع دمااغي .

**Kapoox** · 17-10-2016 10:32 PM

تشكروا جميعا ..
اخدت فعلا بنصيحتكم و بدور على E90 ..
بس في حاجه افتكرتها و عايز اخد رأيكم فيها ..
من سنتين 3 كده ركبت جولف 6 مع واحد معرفه و كان قالبها مانيوال .. فا أفتكرت دلوقتي قولت لو جبت A3 2010 أو Golf 2012 و كشفت و لقيت الدنيا تمام و رنا يستر و ميحصلش حاجه و ابقى ماشي على الهادي و لقدر الله لو حصل حاجه أبقى أقلبه مانيوال .. أنتم ايه رأيكم و تفتكرو هيتكلف كام ؟؟
الفكره دي جت في بالي بعد ما كشفت على 3 عربيات E90 و كلهم حالتهم مش تمام ,, و الباقي غالي أوي في ظل أن انهارده اللوجان أعلى فئه بقت ب 194 !!!!!!!!!!!!
و الافيو 185 !!!!
فا اللي بيبيع بيغلي أوي .. و الارخص حاليا في الالماني الجولف و الاودي و الاتنين موديلات حديثه .. و لو قولت أستنى اكتر هتغى تاني العربيات .. انتوا ايه رأيكم في حوار المانيوال و تفتكرو تتكلف كام ؟؟

ممنوع إستخدام اللون الأحمر حيث أنه مخصص للمداخلات الإدارية
م.ع 7